فتح حساب تداول مع الشركات

[Mr. Eng.]

السلام عليكم
ودي افتح حساب تداول بالبورصات العالميه للتداول بالعملات و المعادن وهناك شركات عالميه تقدم هالخدمات خارج الكويت و توجد شركات داخل الكويت تعمل معها كوسيط
السؤال هل فتح الحساب مع الشركات خارج الكويت مضمون ام الأفضل من خلال الوسيط داخل الكويت خصوصا في ما يتعلق بتحصيل أموال الأرباح إن تحققت
ارجوا الإفاده في هذا الموضوع خصوصا إن الشركات اللي اعرفها في قبرص و بصراحه خايف منها

 

[rahaly]

بو محمد ... حياك الله مشرفنا بالقسم

ياخوي انا سامع ان شركات قبرص بالذات بعضهم عندهم مشاكل
انصحك اشتغل عن طريق وسيط على الاقل هو مسئول عن حسابك ولو تصير مشكلة تعرف توصل حسابك ..


والله اعلم

 

[Mr. Eng.]

بو محمد ... حياك الله مشرفنا بالقسم

ياخوي انا سامع ان شركات قبرص بالذات بعضهم عندهم مشاكل
انصحك اشتغل عن طريق وسيط على الاقل هو مسئول عن حسابك ولو تصير مشكلة تعرف توصل حسابك ..


والله اعلم

ننزاد شرف بو نواف
و فعلا أول ما عرفت موقعهم بقبرص كعيت بريك
شورتك و هداية الله بو نواف بارك الله فيك

 

[Mr. Eng.]

زين بو نواف لو كان هالوسيط يتعامل مع هالشركات اللي بقبرص او اي شركه ثانيه عليها مشاكل ما ندري عنها في حال التقاضي نرجع حق منو الوسيط بالكويت و لا يمكن يكون في بند بالعقد بإخلاء المسؤوليه يا ريت لو توضح لنا هالنقاط يالغالي
لأن دائما نسمع بأن العقد شريعة المتعاقدين و عادة كراسة الشروط متروسه و ما نفهم الكلام القانوني
و شكرا مقدما

 

[rahaly]

زين بو نواف لو كان هالوسيط يتعامل مع هالشركات اللي بقبرص او اي شركه ثانيه عليها مشاكل ما ندري عنها في حال التقاضي نرجع حق منو الوسيط بالكويت و لا يمكن يكون في بند بالعقد بإخلاء المسؤوليه يا ريت لو توضح لنا هالنقاط يالغالي
لأن دائما نسمع بأن العقد شريعة المتعاقدين و عادة كراسة الشروط متروسه و ما نفهم الكلام القانوني
و شكرا مقدما

حياك بو محمد ...

اذا بتشوف الاسلم والافضل .. انك تتعامل مع شركات موثوقة وهم كثيرين(مدري شالله قاطك على ملوت قبرص ؟ )

انا اقول اذا كنت مصر على التعامل مع هذه الشركات فان التعامل عن طريق وسيط موجود في الكويت افضل .. على الاقل تجد من ترجع عليه على اعتبار ان لديه معلومات وارتباط في الشركة

وفعلا .. الوسيط يكتب في العقد ان وساطته محدده بكذا وكذا(يعني يعفي نفسه من المسئولية)

اذا لقيت وسيط يتحمل مسئولية وجود الشركة وبعض الضمانات(وما اظن تلاقي واحد يقبل) ... والا اتركهم

اعتقد في شركة ساكسو بانك (اعلانهم اعلى الصفحة الاولى) قدامى ومضمونين .. احسن لك حجي

والله اعلم

 

[weld.q8]

اخوي في شركات معرووفه عالميا اهي ثقه لاتحاتي وفي ناس متخاف من الله بس دور الاسم المعروووف الي صارله فتره طويله وهوه يتعامل بالعملات وعلى فكره من قبل جم يوم شفت شركه بالكويت حاطه اعلان بالجريده عن نفس التجاره هذي