تجديد البطاقة المدنية دون انتهائها

[ضاع الأمل]

بغيت استفسر هل أقدر أجدد البطاقه المدنية لسبب تغيير الصوره مع العلم إن بطاقتي المدنية تنتهي في سنة 2014

وشنو الإجراءات اللي لازم أسويها انا خايفه يقولون مانجدد البطاقه لأنها مانتهت بعد ...

وناس قالولي سوي بدل فاقد ودفعي 10 بس اخاف يأثر علي وأدفع غرامه أو شي ..لأن انا قبل سويت بدل فاقد ..

ياريت تفيدوني بأسرع وقت

 

[general]

تستطيعين استخراج بطاقه مدنيه جديده حتى لو لم تنتهي القديمه لكن راح يسحبون القديمه وتقدرين تغيرين الصوره وايضا مره وحده يعطونج بطاقه الذكيه (فيها شريحه) لكن يجب عليج الذهاب للهيئه العامه للمعلومات المدنيه الي بجنوب السره واخذي معاج صورتين وتشترين ظرف بربع دينار ينباع هناك .

 

[ضاع الأمل]

يعطيك ألف عافية والله ينور عليك شكرا

 

[q8w]

مساءالخير بالنسبه للبطاقه المدنيه الامور الطيبه وسهله اول شي يكون عندج 4 صورة شخصيه مقاس 4*6 الخلفيه زرقاء وقولي للمصور ابي حق البطاقه المدنيه اهو يعرف وشي الثاني عليج تيبين صورة الجواز عشان كتابه الاسم راح تصير بالعربي والانجليزي وتسليمنهم للموظف اللي يشتغل في البطاقه المدنيه عطيه دينارين وسلميه البطاقه الاصليه خلال اليومين تخلص وسلامتكم اسفين على الاطاله

 

[ضاع الأمل]

ياسلام عليك شرح ولا أروع تسلم وماتقصر

 

[لؤلؤة الخيران]

بخصوص استخراج بطاقة مدنية لخادمة كانت تشتغل عندى من 2سنة وماطلعتلها مدنية والحين بأستخرج لها اخذت المغلف ولقيت فى ورقة لأستخراج فصيلة الدم هل الااجع المستوصف اشوف فصيلة الدم ام موجود فى جوازها؟ وهل هناك غرامه لأنى من سنتين ماطلعتلها؟ وارجو الافادة وشكرا