شنو المعدل الطببعي لمشي السيارة؟

[المهندسـة]

السلام عليكم
حبيت اعرف شنو المعدل الطبيعي اللي المفروض تمشيه السيارة بالسنة؟

 

[حيدروف]

2000 كيلو متر بالشهر. يعني 24 ألف بالسنة. هذا المعدل العادي.

 

[ولد الروضه]

يختلف بين الحضر والبدو الحضر 20 ألف بالسنه والبدو 35 ألف بالسنه

 

[القراشي]

يختلف بين الحضر والبدو الحضر 20 ألف بالسنه والبدو 35 ألف بالسنه

البدوي 100 ألف بالسنه

 

[جمال1975]

المعدل الطبيعي للسياره
بين 35 الى 45 اذا كانت هي السباره الوحيده (مشاوير بيت دوام سوق جمعيه زيارات طبيب )
لان شركات التاجير يعطونك 30 الف بالسنه تقريبا
هذا والله اعلم

 

[saad1975]

المعدل الطبيعي للسياره
بين 35 الى 45 اذا كانت هي السباره الوحيده (مشاوير بيت دوام سوق جمعيه زيارات طبيب )
لان شركات التاجير يعطونك 30 الف بالسنه تقريبا
هذا والله اعلم

اتفق معاك بالراي اذا كانت السيارة الوحيدة المعدل من 35 الف الف الى 45 الف يعني تقريبا 4000 كيلو بالشهر

 

[المؤشر الصعب]

يختلف بين الحضر والبدو الحضر 20 ألف بالسنه والبدو 35 ألف بالسنه

حلوه

 

[Winchester SX3]

يختلف بين الحضر والبدو الحضر 20 ألف بالسنه والبدو 35 ألف بالسنه

الحضري اللي ساكن بالفحيحيل شيفرق عن جاره البدوي؟
ولا بدو الدسمه شيفرقون عن حضرها؟
مقارنه مو بمحلها كلش

قول المناطق الخارجيه اللي تكون بعد الدائري الخامس بقولك اي تفرق
يخوك انا ساكن بالعدان شارع الملك فهد بروحه ماكل 60% من ممشى سيارتي
كل يوم دوامي بشرق
عليك الحسبه 15 رايح و 15 راد غير مشاوير ورا المغرب !!
ممشاي طبيعي بس بيتي بعيد
الله يرحم أيام الخالديه


من 25 الى 40 هذا المتوسط العام

تبي الدقيق 35 نفس شركات الأجار

 

[ولد الروضه]

كلامك عدل بس أنا أتكلم عن الأغلبيه

 

[Winchester SX3]

كلامك عدل بس أنا أتكلم عن الأغلبيه

حبيب يالغالي

الكويت وحده حضر وبدو


بس المناطق تختلف

 

[mmf]

السلام عليكم ورحمة الله وبركاته

للـ~ـعـ~لــٌم وإلأفــــُـٌآده

الممشى الطبيعي في جميع دول العالم 35 آلـف بــسنــه..

قبل كان يقولون ان الممشى الطبيعي 25 آلــف وهذا من حجي وكالآتنــا بالكويت وبعدين اتـفقو على 35 آلــف وهذا اللحين من بعد شركة موتورز اهي اللي ممدت الكفاله اللى 100 آلــف في بعض شركاتها بس وين اللي يطبق الكفاله عدل.. يمكن شركه ولا شركتين فقط
تـقبلوو مروري وتحياتي ​

 

[اسكاليد]

المعدل الطبيعي من وجهة نظري ما يقل عن 25 ألف كم

وما يزيد عن 35 ألف كم

 

[المهندسـة]

مشكورين جميعا وما قصرتوا

 

[Rap Soul]

بسم الله الرحمن الرحيم

السلام عليكم ورحمة الله وبركاته

جزانا الله خير واياكم وجميع امة المسلمين اللهم آمين

في أمان الله

 

[بورصاوي جديد]

حسب تقرير بيت التمويل الكويتي الممشي الطبيعي للسيارة 25,000 كيلو في السنة يعني تقريبا 2,000 كيلو شهريا

 

[mosawi]

20,000 بالسنة

 

[yh7yh]

دق سلف ولا تحاتي بلا ممشى بلا بطيخ اخرتها يابسكراب امغره ولا خربانه عن باب البيت ومطربلها بعد ومسوي زحمه عند باب البيت

 

[Bo-SaNaD]

البدوي 100 ألف بالسنه

ماكو فرق بين بدو وحظر كلنا وحده واحده وعن الهذره الزايده ..

اما بالنسبه للمشى السياره ترا مايضرها دام انها نظيفه ومافيها خرابات لكن المعدل الطبيعي بالسنه يتراوح مابين ال 30 الف الى 40 الف هذا على ما اتفقوا علييه وكالات السيارات اللي عندنا بالكويت واللي بسببها رفعو الكفاله الى 100 الف وبالتوفيق

 

[for sell]

اعتقد 20,000 ممتاز
وكل مازدت 5000 قلت نسبة الاستهلاك وقلت الدرجه

 

[وقاص]

السلام عليكم ورحمه الله وبركاته

يختلف حسب نوع السيارة

اذا كانت سيارة هاي كلاس

يعني سيارة سعرها غالي وموديل حديث

ماتتعدى 25 الف

اما بالنسبة للسيارات العادية يعني كابريس ولا لومينا ولا كامري يعني من هالانواع

35 الف ولو اني أأيد

ان الكيلو مترات لهالسيارات مو مهم

على قولت اخوي فوق اخرتها السكراب

يعني سيارة دوام وطريق بس

وبالنسبة لاخوي فوق الي تكلم عن الممشى بالنسبة للحضر والبدو

انا أأيده

لان الحضري اغلب سفراته طيارة

البدوي بحكم اقاربه واهله بالسعوديه او سفراته للدول الخليجيه او العربية

يزيد بالكيلو متراات

ولا تنسى البر 24 ساعه بالبر


والاهم الفكر واسف اذا محد تقبل رأيي ولكنها وجهه نظر

البدوي ما يحترم السيارة ويعبر اداه ووسيلة لتأدية غرض

يعني الموتر ما فيه خير ان ما شالني بمشاويري

وانا اقول رأيه صح مليون بالمية وعلى قولتهم كله حديد

اما الحضر يولون اهميه كبيرة للسيارة ويحافظون عليها

وتستمر عندهم سنين وكانها وكالة

وحتى بالبر تلقاه يمشي 10 على الدباية

اما البدوي تلقاه 100 وتطعيس

وجهه نظر

وشكرا