متابعة تداول يوم الثلاثاء 9 فبراير 2010

[alkohejy]

انشالله تكون من الرابحين اليوم
والسوق فرص كل يوم

جزاك الله خير ولك بمثله آمين

 

[عذووب]

صباح الخير
توقعات اليوم
اليوم جني الأرباح السريع لابد منه

ولكن الصعود المتوقع اجيليتي وبناتها قروب الخرافي خصوصا زين اللي بتوصل دينارا اليوم والمدينة والشرهان والبحر والبدر وعارف قروب الشيخ حمد


قطاع البنوك والقطاع الصناعي والإستثماري

ابيار تمويل الخليج منا القابضة لوجيستك والمجنونة دائما المشتركة الصي

السوق كل الشركات فيه من المتوقع انها تشهد صعود اليوم حلو خاصة الشركات اللي ما قط تحركت الفترة اللي فاتت

مستوياتنا اليوم 7200 طبعا راح نمر على مستويات تحت 7150 بغية عمليات جني الأرباح السريعة
​

اللي بالألوان اهوا اللي تحقق ولا تنسون انا قلت بوادر الصعود هو السيولة الشرائية بمعنى

اذا لاحظتوا زيادة في السيولة مع ارتفاع في المؤشرين الوزني والسعري فهذا اشارة ارتدادة​

 

[fahad78]

موجة شراء يكون اول مستوى 7140 زين تعود لمستوى الدينار وهو ام تم ذكره بالتوصية المشتركة تحقق 40 فلس صعود اجيليتي 30 فلس مع صعود باقي شركاتها وكذلك الإستثمارات الوطنية تحقق صعودا طيبل لشركاتها ​

ليش تأثير ارتفاع الشركات القياديه يكون عكسي وسلبي للشركات الصغيره؟
هل تفقد الشركات الصغيره الاهتمام مثلا؟

 

[عذووب]

لو سويناها نسبة وتناسب بنلقى 80 % من الأسهم إلي وصيتي فيها ما صعدت
وما أعلنتي عنه يمثل 20 % من الأسهم إلي صعدت
أما أجيليتي فأي واحد كان يتوقع لها الصعود من جدول الأوامر للعشر دقائق ومن الإعلان
حتى توصيتك عليها كانت بعد افتتاح العشر دقائق !!
يا أختي أحنا مانبي نربح من السوق كله وحسب ما وصلني إنه لج مكانة وبإمكانج تييبين أخبار طيبة إذا اشتهيتي فلو تكرمتي علينا بسهم أو سهمين كان يكفي
وشكرا

دامك مراقب شوف نسبة توصياتي امس وقولي شنو نسبة اللي تحقق منها

بالنسبة ل20% تونا بأول والسوق وانا ذكرت انه بصير جني ارباح

اجيليتي انا من امس موصية عليها مو اليوم

اني اييب اخبار طيبة قلتها وايد اني اقولها مرة ثانية مع سوء الظن والإسلوب الجارح مستحيل

اني اوصي باجر وقبله واقول بالضبط شنو رايح يصير والمفاجات اللي تصير مرة ثانية في ظل هالإسلوب مستحيل اليوم بس بوضح كم شغلة واللي بالمنتدى يكفون ويوفون ​

 

[عذووب]

ليش تأثير ارتفاع الشركات القياديه يكون عكسي وسلبي للشركات الصغيره؟
هل تفقد الشركات الصغيره الاهتمام مثلا؟

مو بالضرورة بس المحافظ اللي كانت تدعم الصغيرة تحول على الكبيرة فقط وهو تاثير بالعادة يكون لفترة محدودة لأن باجي المحافظ او ملاك الأسهم في حالات الصعود القوي للسوق تدعمها




عموما ...موعدي معاكم بعد السوق ​

 

[Q8 Stock]

السلام عليكم


صووووباح الورد على الجميع


بونجور لغير المتحدثين بالايطالية


عمليات الشراء مرتفعه رغم تراجع المؤشر..!!

 

[fahad78]

مو بالضرورة بس المحافظ اللي كانت تدعم الصغيرة تحول على الكبيرة فقط وهو تاثير بالعادة يكون لفترة محدودة لأن باجي المحافظ او ملاك الأسهم في حالات الصعود القوي للسوق تدعمها




عموما ...موعدي معاكم بعد السوق ​

انشالله تصدق التوقعات ويكون خير لجميع الاسهم

 

[الفارس الذهبي]

السلام عليكم ورحمة الله وبركاته

صباح الخير

 

[oJJI pJLoJI]

السلام عليكم


صووووباح الورد على الجميع


بونجور لغير المتحدثين بالايطالية


عمليات الشراء مرتفعه رغم تراجع المؤشر..!!

عليكم السلام و رحمة الله ( جمع قرشه )

هلا بالطش و الرش و ماي الورد المرشرش من القرش ( جمع قرشه )

 

[Q8 Stock]

التجميع في هذا الجدول
يعني عمليات الشراء التي تمت خلال 5 دقائق ماضية
والتصريف عمليات البيع التي تمت خلال 5 دقائق ماضية

 

[alkohejy]

التجميع في هذا الجدول
يعني عمليات الشراء التي تمت خلال 5 دقائق ماضية
والتصريف عمليات البيع التي تمت خلال 5 دقائق ماضية

بوعلي صبحك الله بالخير

تأكد من الجدول إلي حاطه خاصة سهم عارف

 

[Q8 Stock]

السلام عليكم ورحمة الله وبركاته

صباح الخير

وعليكم السلام ورحمة الله وبركاته

صباحك ورد فارسنا

عليكم السلام و رحمة الله ( جمع قرشه )

هلا بالطش و الرش و ماي الورد المرشرش من القرش ( جمع قرشه )

من ذوقك اخوي العالم الله

 

[oJJI pJLoJI]

لاحظوا السيوله

اكثر من ثلث سيولة السوق على زين و اجليتي

 

[alkohejy]

اختبار المقاومة الصعبة إلي اجتازها أمس 7120 راقبوا

 

[Q8 Stock]

بوعلي صبحك الله بالخير

تأكد من الجدول إلي حاطه خاصة سهم عارف

هلا كوهجي
ليش شنو فيه ؟

يمكن هذا الايضاح يوضح لك
معنى كلمة القوة في الجدول

 

[oJJI pJLoJI]

انت الذوق كله يا ( مشرف ) الرقعي

 

[Q8 Stock]

لاحظوا السيوله

اكثر من ثلث سيولة السوق على زين و اجليتي

صايدهم
ياعيني عليك

 

[Bo 7MaNi]

السلام عليكم
صبحكم الله بالخير
​

 

[alkohejy]

هلا كوهجي
ليش شنو فيه ؟

يمكن هذا الايضاح يوضح لك
معنى كلمة القوة في الجدول

والله لو أدري دايما أتحرش فيك حتى ناخذ منك فوائد ودرر :d

أقصد عارف ما لامس سعر 124 اليوم صار تصريف وتجميع عند 122 فقط

 

[oJJI pJLoJI]

صايدهم
ياعيني عليك

فديتك البركه بالجداول التحليليه الروعه اللي تحطها لنا