شركة الأبراج القابضة .... أبراج ...... الجزء 1

[مضارب بلا حدود]

ظاهر الزيات مايرد على التلفون
صج ناس ماعندها لا ذمة ولا ضمير

 

[راس مالك]

إن شاء الله راح يجي اليوم اللى يفرحكم فى ابراج ويخليكم تقولون بسنا فلوس نصيحه لاتابعونه الحين اعتبرو انكم مكتتبين فى شركه جديده وريحوا فكركم واعصابكم والله يرزكم من فضله ويعوض صبركم خير

 

[العراده]

احنا عادي نصبر شنو المشكله لكن انشالله يكون الصبر منه فايده خوفك تصبر وتنحرق اعصابك واخرتها ماتطول شي هذا القهر

 

[اعلامي]

السلام عليكم
من الملاحظ ان التركيز بالاونه الاخيرة على كلام ظاهر الزيات ووعوده المتعلقة بعودة شركة الابراج الى التداول ... و شخصيا اشوف ان الزيات ما عنده زبده ... ومهمته فقط تتلخص في اعطاء الوعود و تصبير المستثمرين

بالتالي لابد ان يتحول التركيز من هذا الموضوع الى تحريك دعوى ضرر مستعجلة بسبب وقف التداول باسهم الشركة حيث ان الغالبية متضرر بسبب تجميد رؤوس اموالهم في الشركة بسبب امتناعها عن تقديم البيانات المالية والتي تكفل اعادتها الى التداول ... والافضل ان ينظر فيها قبل جلسة 16 مارس المتعلقة بدعوى الافلاس

غير هذا الكلام الشركة لن تعود الى التداول قبل شهر ابريل المقبل وربما يمتد الاجل الى ابعد من ذلك

 

[بوفيونة]

السلام عليكم
من الملاحظ ان التركيز بالاونه الاخيرة على كلام ظاهر الزيات ووعوده المتعلقة بعودة شركة الابراج الى التداول ... و شخصيا اشوف ان الزيات ما عنده زبده ... ومهمته فقط تتلخص في اعطاء الوعود و تصبير المستثمرين

بالتالي لابد ان يتحول التركيز من هذا الموضوع الى تحريك دعوى ضرر مستعجلة بسبب وقف التداول باسهم الشركة حيث ان الغالبية متضرر بسبب تجميد رؤوس اموالهم في الشركة بسبب امتناعها عن تقديم البيانات المالية والتي تكفل اعادتها الى التداول ... والافضل ان ينظر فيها قبل جلسة 16 مارس المتعلقة بدعوى الافلاس

غير هذا الكلام الشركة لن تعود الى التداول قبل شهر ابريل المقبل وربما يمتد الاجل الى ابعد من ذلك

كلام إعلامي في محله. اذا مارد السهم للتداول غدا, فيحتاج مدقق الحسابات أسبوعين عالأقل عشان ينجز بيانات الربع الأول. ومدقق الحسابات ماراح يقدر يشتغل ببيانات الربع الأول إلا بعد ما يخلص البيانات السنوية. عالأقل اذا رد السهم باجر يعطي فرصة حق المساهمين اللي ودهم يتخلصون من السهم قبل لا يرد يوقف مرة ثانية يوم الثلاثاء القادم.

 

[مضارب بلا حدود]

من زمان نقول هالكلام بس انتوا يا جماعة ماتحركون بس حجي بالمنتدى اذا عندكم استعداد لازم نتبع الخطوات التالية
1- نجمع اكبر عدد ممكن من المساهمين ونلتقي في ديوانية اي واحد من الشباب في خلال 3 ايام
2-نتفق على الاجراء بتوكيل محامي لرفع دعوى مستعجلة.
3- انكرر لقاءاتنا مستقبلا لتشكيل كتله حتى تسمع كلمتنا لدى مجلس الادارة
والله ولي التوفيق

 

[ابها]

ممكن خبر حلو او .............

 

[المطرود]

شباب الله يعافيكم ما عندكم أخبار عن الدولية للإجارة ومشكورين ( وقومن تعاونو ما ذلوا)

 

[مضارب بلا حدود]

وبعدين مع هالجمبازيه اعضاء مجلس الادارة

 

[ابو سالم]

يا جماعة قلنا من زمان هالكلام وفي ناس ازعلت منه ألف مرة قلنا بورصة الكويت الربح فيها مو بشطارة ولا العلم بالحظ ونادر ماتصيب مع واحد ويستمر في هالسوق لأن لاتوجد اي من شروط الأسواق العالمية ولا حتى الموجودة في السودان لأن تجار الكويت فوق بخلهم وجعاصتهم على الفلس حرامية من الدرجة الأولى حتى بوقاتهم وصلت بورصات امريكا وأخرها وقتل رجل الأعمال البريكان علشان ريحتهم ماتفوح بس كلمة الحق في هالزمن ماتنقال

 

[عزيز نفس]

الله يعوض عليكم قبل انا نفسكم انطر بالشبكة لما ماخليت عضو بالادارة ماادق علية

وكنت ادق عليهم من ارقام مختلفة وكنت كل يوم اكلم بصوت لما جننتهم

صدقونهم نفس ماقال المثل (الحقوق تبي حلوق )

طالبو بحقكم تاخذونة اما قاعدينلي بالمؤشرنت نت تدعون الله والنعم بالله هو القادر علي كل شي ومافي شي بعيد علي الله والدعاء واجب لكن السعي واجب

الله يقول اسعي ياعبدي وانا اسعي معاك


فلازم ترحون البورصة وتروحون المحكمة وتروحون كل مكان

والله اني مااملك بالسهم ولا شي

ولكن حاس فيكم ومريت بنفس مصيبتكم الله ياجركم عليها

صدقوني قدمو شكاوي وخل المحكمة تمشي بطريقها وانتم امشو بطريقكم ان انزلت الشركة وارتفعت سحبتو شكاواكم

وان مانزلت مو خسارنين شي كسبتو وقت وكسبتو القضية بعد

اما تنطرون لما تفلس الشركة وبعدين تشتكون لا والله


ما حصلتو شي

والله المستعان وصدقوني كلامي كلة لن متضايق عليكم

الله يصبركم

 

[ريكاندو]

ممكن خبر حلو او .............

الصراحه عندي خبر غير سار قاله لي واحد وعلى ذمته واهو مسئول بالصحه
مثل منتو عارفين انه الابراج اكثر شغله مع وزارة الصحه

وانه وزارة الصحه اذا خلص عقد ابراج راح تسحب العقود وراح تعطي العقود شركة وائل النصف
هذا والله على ما اقوول شهيد لا زد ولا نقصت وعلى ذمة الي قالي وللعلم ما عندي وله سهم بابراج بس بناء على طلب ابها يبي خبر حلو وله غير ساار هذا الخبر الي سمعته وانشااء الله ما يسحبون عقودها يارب

 

[ابها]

الصراحه عندي خبر غير سار قاله لي واحد وعلى ذمته واهو مسئول بالصحه
مثل منتو عارفين انه الابراج اكثر شغله مع وزارة الصحه

وانه وزارة الصحه اذا خلص عقد ابراج راح تسحب العقود وراح تعطي العقود شركة وائل النصف
هذا والله على ما اقوول شهيد لا زد ولا نقصت وعلى ذمة الي قالي وللعلم ما عندي وله سهم بابراج بس بناء على طلب ابها يبي خبر حلو وله غير ساار هذا الخبر الي سمعته وانشااء الله ما يسحبون عقودها يارب

اشكرك علي الخبر

 

[مضارب بلا حدود]

والحين وبعد ما اخلف ظاهر الزيات بوعده اما آن الاوان لنتحرك ياجماعة

 

[الوطنيه]

كم موجودات ابراج حسب آخر احصائيه اللي يقدر يفيدنا ؟؟

 

[اللمبى]

:d

الموجودات كرسيين وطاوله بثلاث ارجل
​

 

[الوطنيه]

هل يوجد مخصصات لابراج لدى الوزارات واقصد هنا رواتب العمال الذين لم يستلمو رواتبهم من 7شهور

هل هي موجوده عند الوزارات ام ان الوزارات صرفتها لابراج وابراج لم تصرفها للعمال

نريد احد يقدر يفيدنا

 

[الوطنيه]

:d

الموجودات كرسيين وطاوله بثلاث ارجل
​

شر البلية مايضحك

 

[الوطنيه]

ماهي التوقعات من الخبراء , هل انتهى مصير ابراج والا في امل ترجع وتنتهي مشاكلها

 

[مضارب بلا حدود]

بالنسبة لاجمالي الموجودات تقدر ب 128 مليون دينار طبعا تحتاج الى اعادة تقييم لان اغلب الاصول نزل سعرها بعد الازمة العالمية وبالنسبة لاجور العمال الوزارات تدفع الاجور للشركة والشركة ماتعطي العمال وعن توقعاتي بالنسبة للشركة ماراح ترجع الا اذا صفت النفوس بين مجلس الادارة او يقدمون استقالاتهم والله يكون بالعون ونعم بالله