شنو السبب اللي يخلي الناس تتنافس بقوه على إنتخابات الجمعيات

[maz149]

السلام عليكم



أنا سألت كثير من الأصدقاء و لكن لي الحين محد برد كبدي . سؤالي :



شنو السبب اللي يخلي الناس تتنافس بقوه على إنتخابات الجمعيات



التعاونية !!!!!....مجلس الامه معروفة دوافعه ،

 

[محب الرياضه]

الاستفاده ثم الاستفاده ثم الاستفاده يعني (اللهم نفسي)

لو زين يقدمون 20% من اللي يقولونه او وعودوا فيه

ندري ان الكل يبي مركز و منصب بس مو لي هالدرجه اني اكل الاولي والتالي

 

[راعي الرايه]

انه ودي اصدق انه لخدمة المساهمين

ممكن اختصرها لك

الجمعيه........المجلس البلدي........مجلس الامه

 

[Bn-Sha6i]

اسمع المميزات اللي اعرفها :
1- يقدر يوظف العدد اللي يبي بمسميات مختلفة وبس يقبضون معاشات وهم ببيوتهم .
2- ياخذ عمولة اذا يبي على البضايع اللي تنعرض بالارفف .
3- ياخذ سامبل من كل شي ينزل الجمعية . ( ما يحتاي يجيل حق البيت )
4- يبوق بوق اليهد ويقول حق المساهمين الفقارة اخر السنه تره ماكو توزيع ارباح لان الاخ وزع على ربعه من زمان .
خلها على الله

 

[al3mlaaq]

اشكرك علا طر الموضوع انا بعطيك مثال بسيط واحد من الربع الله يستر علية كان عندة وانيت قرنبع ومن صار عضو جمعية وراها بجم شهر ركب مرسيدس اخر موديل

 

[فضل]

السبب واضح وضوح الشمس


البوق من هالشق الى هالشق ..


الا من رحم الله



واعتقد ان هذا ينطبق مو بس على الجمعيات .. ​

 

[ريّس نفسه]

للأسف والله .. يعني ما في احد داش يبي يخدم المنطقة لله في لله ؟

اما مصلحة سياسية او خدمات مقابل خدمات او بوق .. بس اللي ما يعرفونه

ان الله يطلعها من عيونهم من صوب ثاني ..

 

[ابو برهوم]

للأسف البعض عشان ما اعمم واهم اغلبية همهم الأول والأخير كم يطلع من ورى الجمعية وبالأضافة الي الترزز بالجرايد يعني شوفوني تراني عضو جمعية وغير العمولات والبوق اشكرة بصراحة اي انتخابات ما وراها الا عوار القلب والراس باجر لو تشتري اي شي من حلالك قالوا عنك حرامي وشرى هالشي من فلوس المساهمين .

 

[abdullah6868]

لا حرام عليكم هالقسوة ناس تتعب بالانخابات وستذبح علشان يخدمون اهل المنطقة

 

[maz149]

شكرا لل أخوة على الردود ..



مافي ولا واحد "عضو سابق" يقول لنا شيء من مذكراته ، ترا ما نعرف منو هو

 

[engener]

السرقه

 

[العاشق]

حراميه ونصابين الا من رحم الله

والمفروض يلغون الانتخابات لان الناس للاسف موعارفه تختار الناس الزينه

ومايرشح الا ولد عمي ولد خالي جاري رفيجي

محد يقول هذا نزيه وأمين وشخص فاهم

الا القله القليله​

 

[مساهم11]

انا كنت عضو سابق
اول شي كنت علي الصندوق
ثم نائب الرئيس
يا جماعه الجمعيه كنز مفتوح
وخزنه مكتظه بالاموال التي يسيل لها اللعاب
والي ما يخاف الله يقدر يسرق بشتي الطرق
اقصرها الاتفاق مع مع احدي الشركات ويدخل بضايع وكأنها لهم
وغيرها وغيرها من الحيل والخطط الي مجهزها الشيطان الرجيم

واكبر المصائب لو اتفق الاعضاء جميعا علي السرقه
فلا حسيب ولا رقيب


اعرف شخص اخوه عضو معنا ودخل بضايع بمساعدة بعض الاعضاء الاخرين
واشتري مرسيدس موديل زمانه والله يحفظنا احترق ورمد مكانه لان اصله حرام



الي اقصده ان 95% ممن يسعي للجمعيه عنده اهداف بعيدة المدي
اما مجلس بلدي او امه اويبحث عن غني زائف


واكبر الاخطاء عدم حضور الجمعيه العموميه ونقاش الاعضاء ومحاسبتهم

والخطأ الاعظم تعيين مجلس الادارة المكتب المحاسبي
فالاصل تعيين مكتب المحاسبه من مجموعه من المساهمين
يختارون من الجمعيه العموميه للاتفاق علي مكتب معين
لمراقبة حسابات الجمعيه اسبوعيا وتقديم تقرير شهري
للجنه المختاره

فهذا الامر راح يحد بعض الشي من اللعب بالميزانيه
وكسر الودائع

 

[محب المصطفى]

المواطن هو الخاسر الأكبر من ها الأشكال

 

[ريّس نفسه]

انا كنت عضو سابق
اول شي كنت علي الصندوق
ثم نائب الرئيس
يا جماعه الجمعيه كنز مفتوح
وخزنه مكتظه بالاموال التي يسيل لها اللعاب
والي ما يخاف الله يقدر يسرق بشتي الطرق
اقصرها الاتفاق مع مع احدي الشركات ويدخل بضايع وكأنها لهم
وغيرها وغيرها من الحيل والخطط الي مجهزها الشيطان الرجيم

واكبر المصائب لو اتفق الاعضاء جميعا علي السرقه
فلا حسيب ولا رقيب


اعرف شخص اخوه عضو معنا ودخل بضايع بمساعدة بعض الاعضاء الاخرين
واشتري مرسيدس موديل زمانه والله يحفظنا احترق ورمد مكانه لان اصله حرام



الي اقصده ان 95% ممن يسعي للجمعيه عنده اهداف بعيدة المدي
اما مجلس بلدي او امه اويبحث عن غني زائف


واكبر الاخطاء عدم حضور الجمعيه العموميه ونقاش الاعضاء ومحاسبتهم

والخطأ الاعظم تعيين مجلس الادارة المكتب المحاسبي
فالاصل تعيين مكتب المحاسبه من مجموعه من المساهمين
يختارون من الجمعيه العموميه للاتفاق علي مكتب معين
لمراقبة حسابات الجمعيه اسبوعيا وتقديم تقرير شهري
للجنه المختاره

فهذا الامر راح يحد بعض الشي من اللعب بالميزانيه
وكسر الودائع

اي والله صدقت وهذا هو المفروض تعيين مكتب محاسبي من قبل المساهمين .. بس مشكلتنا في نقص الوعي ومجاملة الاعضاء
خوفا من التشكيك في ذممهم المالية.. فاللوم مشترك على الجانبين

 

[alanzi]

نظر المجتمع الى اعضاء الجمعية
انهم حرامية وسرق
وهذي نظريه صحيحة ميه في الميه واتفق معاااها
انا اقول مو الكل ولاكن 99 بالميه داش الجمعية لغرض فى نفس يعقوب

اذا الجمعية شبة
والافضل الابتعاد عنها
لانى اعلم بخباياها واسرارها

في واحد اعرفه
الماجله كلها من الجمعية والشركات اللى يدخل لها بضاعة بالجمعية
واشتري سطبل وضبط نفسه
والبعض يدفعها ( للسهرات الماجنة والحفلات )
وحتى الارباح بذيك السنة ما توزعت علينا
ليش لانه مسروق 2 مليون دينار
لا خبر وحس
وحتى اسعار الجمعية مرتفعه حيل بعد

الجمعية شبة
لا دش انتخابات ولا تصوت حتى لهم
لانه اللى راح تصوت له
تكفله انها ما يبوق ويسرق نفسه نفس غيرة
لا نزكى على الله احد

الحل الوحيد
لا تصوت ولا دش حق الانتخابات

 

[maz149]

انا كنت عضو سابق
اول شي كنت علي الصندوق
ثم نائب الرئيس
يا جماعه الجمعيه كنز مفتوح
وخزنه مكتظه بالاموال التي يسيل لها اللعاب
والي ما يخاف الله يقدر يسرق بشتي الطرق
اقصرها الاتفاق مع مع احدي الشركات ويدخل بضايع وكأنها لهم
وغيرها وغيرها من الحيل والخطط الي مجهزها الشيطان الرجيم

واكبر المصائب لو اتفق الاعضاء جميعا علي السرقه
فلا حسيب ولا رقيب


اعرف شخص اخوه عضو معنا ودخل بضايع بمساعدة بعض الاعضاء الاخرين
واشتري مرسيدس موديل زمانه والله يحفظنا احترق ورمد مكانه لان اصله حرام



الي اقصده ان 95% ممن يسعي للجمعيه عنده اهداف بعيدة المدي
اما مجلس بلدي او امه اويبحث عن غني زائف


واكبر الاخطاء عدم حضور الجمعيه العموميه ونقاش الاعضاء ومحاسبتهم

والخطأ الاعظم تعيين مجلس الادارة المكتب المحاسبي
فالاصل تعيين مكتب المحاسبه من مجموعه من المساهمين
يختارون من الجمعيه العموميه للاتفاق علي مكتب معين
لمراقبة حسابات الجمعيه اسبوعيا وتقديم تقرير شهري
للجنه المختاره

فهذا الامر راح يحد بعض الشي من اللعب بالميزانيه
وكسر الودائع

جزاك الله خير يا أخي الحبيب على مشاركتك و صراحتك ، الله المستعان



من ترك لله شي عوضه الله خير منه بالحلال