مشكلتي مع فاتورة الإنترنت حتى تعم الفايدة للجميع

الموضوع في 'إستراحة المنتدى' بواسطة bofaisal38, بتاريخ ‏14 فبراير 2010.

  1. bofaisal38

    bofaisal38 عضو نشط

    التسجيل:
    ‏21 نوفمبر 2009
    المشاركات:
    206
    عدد الإعجابات:
    0
    بسم الله الرحمن الرحيم

    اشتركت بانترنت فيفا قبل 10 ايام بمعرض انفوكونكت خط خاص بالانترنت فقط +راوتر واي فاي.

    وعندي خط ثاني فواتير فيفا مركبة على جهاز ايفون وكنت اشبك بالأيفون على الانترنت عن طريق الواي فاي يعني افعل خدمة الواي فاي وابحث عن شبكة الانترنت وبعدين اشبك .

    اليوم فصل خط الفواتير عندي ولما دقيت على خدمة العملاء وسألت عن السبب قال الموظف عليك فاتورة بمبلغ 74 دينار مع اني خط الفيفا فواتير ما استخدمة كلش بس ادفعله اشتراك شهري 3 دنانير علشان احتفظ بالرقم .

    وقالي الموظف ان المبلغ هذا عباره عن استخدام انترنت فقط مع اني ماطلبت تفعيل خدمة الانترنت على الخط لان عندي خط ثاني فيفا انترنت .

    المهم اللي فهمته اني خلال العشر ايام اللي كنت استخدم فيها الايفون على اساس انه شابك على الراوتر طلع شابك على الانترنت عن طريق شريحة فيفا اللي بالايفون وخلال 10 ايام حاسب تكلفة 74 دينار انترنت فقط .

    ولما سالت الموظف انا ماطلبت تفعيل الانترنت على خط الفواتير قالي اللي يستخدم الاي فون يتفعل معاه النت بدون لا اطلب من الشركة انها تفعل الخدمة .

    مع اني متأكد اني خلال الفترة اللي فاتت كنت اشبك بالاي فون عن طريق الراوتر لسببن لما ابتعد عن الراوتر مسافة كبيرة يفصل معاي النت مع ان شريحة فيفا موجودة بالايفون ولما اطفي الراوتر واحاول ادش على النت يطلع لي مسج بشاشة الأيفون يقول لايوجد خدمة .

    شلون صار الشي هذا ما ادري كلمت خدمة العملاء قالو نسويلك شكوى والدعم الفني راح يتصل عليك خلال 48 ساعة (وادري محد راح يتصل ) وبكره راح احاول ادخل على مدير الشكاوي بالشركة واشرحلة المشكلة عسى ان اجد حل .

    زبدة الموضوع اتمنى ان اللي صار معاي مايصير حق شخص ثاني واللي يسخدم الاي فون بالنت عن طريق الراوتر او الوايرلس يتأكد ان موقاعد يحسب عليه عن طريق الشريحة اللي موجودة بالايفون بدون مايدري .

    وانشاءالله بكره اذكر لكم اللي راح يصير معاي بالشركة بعد مراجعة مدير الشكاوي .

    ويشهد الله اني ماذكرت هالموضوع للمساس بالشركة ولكن حتى تعم الفايدة للجميع .

    واتمنى اني قدرت اشرح المشكلة بشكل واضح .
     
  2. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    الله يجزاك خير
    اذا ما نفع معاك اشتكى عند حماية المستهلك وزارة التجارة لا تقول فيفا او هذى شركة كبيرة راح تكتشف انه لعب على الناس
     
  3. 0المطيري0

    0المطيري0 عضو جديد

    التسجيل:
    ‏22 أكتوبر 2009
    المشاركات:
    59
    عدد الإعجابات:
    0
    وأنا مثل حالتك تقريبآ

    أنا أخذت خط فواتير من فيفا وركبته على جهاز ثاني وخليته بالسياره وبعد 11 يوم مكالماتي 69 دينار

    مع العلم إني أتصلت على 4 أرقام فقط

    ورحت أراجعهم وكل واحد يدزك على الثاني

    وبعد أسبوعين أكتشفت إني دفعت فلوس بانزين أكثر من 70 دينار من كثر ما أراجعهم


    للحين شركة التحصيلات يتصلون على خطي القديم (الوطنيه) ويبوني أدفع أو يرفعون علي قضيه

    قلتلهم لو علي دينار واحد ما راح أدفع
     
  4. mxxy

    mxxy عضو مبدع

    التسجيل:
    ‏28 فبراير 2007
    المشاركات:
    2,665
    عدد الإعجابات:
    1
    مكان الإقامة:
    Kuwait
    السلام عليكم ... لازم تروح حق الموزع وعن طريقه تحل المشكلة لأن الغلطه منه وهذي اخرتها تكون فيها تسويه لأن كان يفترض عليك تتأكداخوي قبل لا تشتري . فيفا مالها علاقة الموزع الزلمه اهوه المسؤول عن الموضوع . وقولهم انه ما استخدم النت نهائيا وتقدرون تتأكدون بنفسكم آخر 3 شهور . وداحرهم على تليفونهم . أكثر من مرة تصير والسبب من الموزع . واخر مره واحد سواها فينه موزع من زين ويقولك ان معتمد وعرفت ان قاصدها مادري شمصلحته لكن يبت عليه يابس محترم
     
  5. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    صارت معانه هل حركه وقلنا لهم ماطلبنا تفعيل خدمه الانترنت وماكو شي اسمه بروحه يتفعل , قول لهم انا الي راح ارفع عليكم قضيه خلال 48 ساعه اذا فاتورتي ماصفرت وللعلم شالوا الفاتوره عنا وصفروها وفوق هذا إعتذروا لنا
     
  6. ابوو عبدالله

    ابوو عبدالله عضو نشط

    التسجيل:
    ‏22 يناير 2009
    المشاركات:
    201
    عدد الإعجابات:
    0
    نار زين ولا جنة فيفا
     
  7. هامور 2000

    هامور 2000 عضو نشط

    التسجيل:
    ‏7 نوفمبر 2007
    المشاركات:
    1,778
    عدد الإعجابات:
    1
    تري حتي الاهل يقولون ان اللي معاهم صارت فيهم بس بزين

    اما احنا بالدوام ركبنا خط eg مال زين على الجهاز و شتغل نت عادي و لا احلي منه و 15 بالشهر
     
  8. اسيل الكويت

    اسيل الكويت عضو جديد

    التسجيل:
    ‏9 فبراير 2010
    المشاركات:
    10
    عدد الإعجابات:
    0
    السلام عليكم ورحمة الله وبركاته

    انا صارت لي نفس هالمشكله مع شركة زين
    طلع 45 دينار علي بس انا غير موضوعي ان جهازي نوكيا
    يوم سألت خدمة العملاء اكثر من 3 ايام وانا ابي اعرف اخر شي قالولي ان نوكيا لما تضغطين على زر الصفر (0) يشبك بدون لا افعل خدمة النت مع ان لم استخدم النت كلش

    وبخصوص اللي يقول روح اشتك عليهم او ارفع قضيه مع احترامي الشديد له غلطان ومايعرف شي

    لاني سويت هالأشياء وماكو فايده ورحت عند كذا محامي بستفسر عنده واحد من برا والثاني من الأهل قالي ماكو فايده لان قبل كل شي يجب قراءة القوانين للخط نفسه (يعني بالكويتي شوف قوانين الشركة قبل الاشتراك حاطين بنود تقول الله خوش شركة نازلين من السماء ولكن احنا ماندري ان هذه البنود بالقانون ضدك وليس لصالحك لأن في جم كلمة اذا انت قريتها من صالحك ولكن هي موضوعه بشكل ثاني يعني لو تحط من قبل الى غير لما تحط من بعد الى)

    والله يعينا اذا كل شي بنسويه ناخذ واحد يعرف بالقانون لو انه محامي
    سواء اشتراك نت-هاتف او حتى بنك