هل هذا كسر ترند...............ورأي الأخوان!!

[$$ الطمـــوح $$]

السلام عليكم

هذي شركة طبية

على شارت الديلي كاسره ترند على مايبد لي

والفوليوم جيدة

والموفينج آفؤج يبشر بالخير

والهدف إن شاء الله 3.2

ورأي الأخوان؟؟

وبالتوفيق للجميع

 

[الحسيني]

هلا وغلا أبو أحمد

هذا تحليلي للشارت والله أعلم


بالتوفيق ان شاء الله

 

[$$ الطمـــوح $$]

ماشاء الله عليك أخوي أبوهاشم

تحليلك ولا أروع

لو تسمع كلام نفسك وتحليلك إن شاء الله مابتخسر

وش رأيك انا دخلت بالسهم

ماهو رأيك انت؟

 

[العمــاري]

دخولك انشاء الله انه صحيح والهدف هو 2.75 باذن الله خلال اسبوع موفق ابو احمد الاستوب لوز بيكون 2.05 بالتوفيق

 

[$$ الطمـــوح $$]

الله يجزاك خير يا أبوحمد

والله تعليقك على الموضوع طمني ولا يهون أخوي أبوهاشم

وذكرتني الستوب لوز :d

ومشكور وماقصرت

 

[الحسيني]

هلا ابو احمد

انا أقول دام ان تحليلي زين ... اشرايك تعطيني رقم محفظتك وأنا أديرها لك


سؤالك عن الدخول في السهم

والله حيرتني ..... بالنسبة لي شخصياً إذا كان شارت السهم بهذا الشكل لا أدخل فيه إلى أن يجتاز المقاومات خصوصاً إذا كانت متقاربة.

الله على صفقاتي اللي نفخت المحفظة من الأرباح

وبصراحة أخوي أبو أحمد ما عندي الخبرة الكافية اللي تخليني أقول لك ادخل ولا لاتدخل .... لأنك غالي وما أبي أضرك

راجع نفسك وادرس السهم زين وقرر

بالتوفيق إن اشاء الله

تحياتي

اخوك أبو هاشم

 

[العمــاري]

هنا احتمالين وانشاء الله يكون الاحتمال الاول وهو الصعود دون تسكير القاب افضل ولكن لا تغفل عن الاستوب لوز ارفقت شارت يوضح الدخول الصحيح والمده متمني لك التوفيق

 

[$$ الطمـــوح $$]

أخوي أبوهاشم

كلامك صحيح

لكن أعتقد إنها نقطة قريبة من الدعم وإن شاء الله ترتد منها

أجل انت تشتري من وين؟؟

والله يعزك ويخليك

والمحبة بالقلوب طال عمرك

===============================

أخوي العماري

مشكور وماقصرت على الشرح الجميل

والله يكتب اللي فيه خير لنا جميعا

وموفقين يارب

 

[الحسيني]

أجل انت تشتري من وين؟؟

بدون مبالغة أبو أحمد .... فيني طبع لا شعوري شئ جداً .... وهو أني ألتقط السهم من نقطة المقاومة قبل تأكيد الكسر .... يعني أكون شاطر وشريت السهم من أول ما كسر المقاومة .... يعني ذكي علشان أبيع على طول من يوصل نقطة المقاومة الجديدة

عمرك شفت أذكى مني

وأدري أنه غلط ..... وأدري أن محفظتي صفرت بسبب هذه العادة السيئة ..... لكن ماني عارف كيف اسيطر عليها

وصدق بالله أسهم أحللها وأتعب عليها ومكاسبها ذهب .... لكن ما أشتري ... وفي النهاية أراقب السهم وهو يوصل الهدف زي الحلاوة .... ويني عنه

أنا أقولك وني .... أبحث عن سهم يبي يكسر المقاومة

الله يوفق الجميع أبو أحمد .... ولا تنسانا من صالح الدعاء .... لعل الله يستجيب دعائك ويتوفق شيخ المقاومات

 

[$$ الطمـــوح $$]

الله يوفقك ويهديك :d

 

[$$ الطمـــوح $$]

أخواني الأعضاء ما مدى تأثير هذا الخبر على الشركة؟؟

هل هو جيد أم سيء!!!

http://www.fool.com/news/commentary...3.htm?source=eptyholnk303100&logvisit=y&npu=y

 

[$$ الطمـــوح $$]

أبشرك درت البقرة :d

الهاي 2.28

والآن 2.2

هل تتوقعون هذه بداية الإنطلاق؟؟