حماية المستهلك

[Just Dream]

الله يعطيك العافيه يا بوعمر ومبادره تستحق الشكر عليها

وعندي استفسار مادري اذا كان من نطاق اختصاصكم

انا مأجر محل بأسواق القرين والاجارات حلت علي ..طبعا شي طبيعي لازم ادفعهم..لاني ملتزم بعقد .. ومرخص المحل من التجارة .. لكن المشكلة ان الرخص غير مكتمله (رخصة الاعلان من البلدية + رخصة المطافي) .. وواقف الشغل حاليا بالبلدية ممنوع يعطون اي ترخيص اعلان او كتاب للمطافي لاصدار رخصة .. يعني لو فتحت المحل حاليا بيكون غير قانوني كون الرخص غير مكتمله .. وماقدر ادفع الاجارات كون ان الشغل واقف والمنطقة عليها مشاكل انها حرفية وليست تجارية .. والموضوع حسب ما سمعنا وصل القضاء .. وطبعا ياخذ وقت طويل .. وصارت له لجنة تحقيق بالبلدية وللحين ماطلعت نتايجها .. ومو عارفين مصيرنا متى راح تمشي الامور.. بعد شهر ولا شهرين ولا حتى سنه

مادري اذا ضمن اختصاصاتكم حمايتنا لان ما نقدر نشتغل ولا نقدر نتصرف بالمحل .. او ان الموضوع قضائي بحت​

 

[مفتش تجاري]

الله يعطيك العافيه يا بوعمر ومبادره تستحق الشكر عليها

وعندي استفسار مادري اذا كان من نطاق اختصاصكم

انا مأجر محل بأسواق القرين والاجارات حلت علي ..طبعا شي طبيعي لازم ادفعهم..لاني ملتزم بعقد .. ومرخص المحل من التجارة .. لكن المشكلة ان الرخص غير مكتمله (رخصة الاعلان من البلدية + رخصة المطافي) .. وواقف الشغل حاليا بالبلدية ممنوع يعطون اي ترخيص اعلان او كتاب للمطافي لاصدار رخصة .. يعني لو فتحت المحل حاليا بيكون غير قانوني كون الرخص غير مكتمله .. وماقدر ادفع الاجارات كون ان الشغل واقف والمنطقة عليها مشاكل انها حرفية وليست تجارية .. والموضوع حسب ما سمعنا وصل القضاء .. وطبعا ياخذ وقت طويل .. وصارت له لجنة تحقيق بالبلدية وللحين ماطلعت نتايجها .. ومو عارفين مصيرنا متى راح تمشي الامور.. بعد شهر ولا شهرين ولا حتى سنه

مادري اذا ضمن اختصاصاتكم حمايتنا لان ما نقدر نشتغل ولا نقدر نتصرف بالمحل .. او ان الموضوع قضائي بحت​

صبحك الله بالخير والنور والكرامه
عزيزي بالنسبه لاستفسارك من ناحية التجاره انت تقول ان ترخيصك صادر من التجاره سؤالي هل استلمت الترخيص ولا بعدك من التجاره واذا استلمت الترخيص التجاري اللي لونه اخضر وهو خاص بالرخص الفرديه للافراد او اذا انت ترخيصك الوردي وهو الخاص للشركات يعني انت وشريك فهل استلمت شي من هالرخص واذا انت مستلم ما عليك شر من ناحية مخالفات التجاره شغلك كله سليم وتقدر تباشر نشاطك باي وقت طالما محلك جاهز وفيه ديكور وبضاعه اما بالنسبه للبلديه فلازم ترخيص اعلان وتتخالف اذا ما عندك ترخيص اعلان واجهه باسم المحل التجاري اما رخصة المطافي فهي غير مهمه الا بشي واحد فقط لا غير الا وهو طفاية الحريق ومدى صلاحيتها وبان المحل مطابق لمواصفات الامن والسلامه من ناحية المرشات المتخصصه للحرائق لا سمح الله وما اعتقد انه مجمع اسواق القرين مو مجهز بهالشي اما بالنسبه لموضوعك الاساسي من ناحيتنا افتح المحل واشتغل وترزق الله ما عليك شر قانوني اما من ناحية الحمايه عزيزي الغالي اسمنا واضح وما يبيله تفسير وهو ( حماية المستهلك ) وليس حماية التاجر والمستهلك المقصود فيه المواطن بالدرجه الاولى والمقيم بالدرجه الثانيه لكن انت كتاجر ما نحميك ومالك الا شي واحد قضيه في المحكمه بينك وبين مجمع اسواق القرين لانه مو من اختصاصنا التدخل بين التجار الا في حاله وحده اذا كان بينهم غش تجاري في توريد وتصدير بضائع استهلاكيه لما بينهم من تجاره وتخص المستهلك بالنهايه اهني احنا نعور راسه اما من ناحية البلديه انت وشطارتك اذا مرو عليك وما لقو ترخيص اعلان واجهة المحل بالاسم التجاري حاول تتفاهم وياهم بان جاري استخراج ترخيص اعلان للمحل والله يوفقك فيه ويرزقك منه بالحلال انشاءلله
واتمنى اني فدتك في سؤالك وتلفوني موجود لاي استفسار انا حاضر وبالشوفه ولاي مساعده
99783838

اخوك بوعمر

 

[مفتش تجاري]

الشكر الجزيل للاداره لتثبيت الموضوع وبالاخص الاخ المراقب الفهلوي وشاكر لك على سرعة الاستجابه وفي ميزان اعمالك وحسناتك لانك مهتم في مصالح الناس والله يجزاك كل خير من نعيمه وخيره والله يوفقك دنيا واخره تقبل شكري العطر
اخوك بوعمر

 

[Just Dream]

تسلم يا بوعمر وجزاك الله خير على الافادة .. ومالنا الا المحاكم

 

[abu_talal]

السلام عليكم


بارك الله فيك يا بو عمر

شفت موضوعك وافرحني

هذا العشم فيك يا ولد الديره

 

[مفتش تجاري]

السلام عليكم


بارك الله فيك يا بو عمر

شفت موضوعك وافرحني

هذا العشم فيك يا ولد الديره

وعليكم السلام
والله يبارك فيك يا بوطلال وحاضرين للكل وانت اللي افرحني واسعدني كلامك عن الموضوع شاكر لك يا الغالي

 

[abu_talal]

السلام عليكم

بو عمر في استفسار بارك الله فيك


انا ابني قسيمه ومسلمها مكتب على المفتاح وعندي عقد طبعا

وانا حاليا في بداية البنيان يعني على وشك اني ادفن

وطبعا شبه يومي امر على القسيمه للمعاينه وانتبهت يا بوعمر صاحب المكتب او الشركه لم يطبق الي موجود بالعقد او اذا قلنا بنيانه اي كلام

سؤالي في حال ابي الغي عقدي معاهم وطبعا راح يذكر انا صرفت كذا وكذا ويحط مصاريف من عنده ابي اتاكد من حقه وحقي شلون ؟؟

وهل له اي احقيه بعدم الالغاء ؟؟

وهل له اي تعويض بالاغاء العقد ؟

ملاحظه : لا يوجد اي شرط بالعقد يذكر بعدم الالغاء او غيره

 

[مفتش تجاري]

السلام عليكم

بو عمر في استفسار بارك الله فيك


انا ابني قسيمه ومسلمها مكتب على المفتاح وعندي عقد طبعا

وانا حاليا في بداية البنيان يعني على وشك اني ادفن

وطبعا شبه يومي امر على القسيمه للمعاينه وانتبهت يا بوعمر صاحب المكتب او الشركه لم يطبق الي موجود بالعقد او اذا قلنا بنيانه اي كلام

سؤالي في حال ابي الغي عقدي معاهم وطبعا راح يذكر انا صرفت كذا وكذا ويحط مصاريف من عنده ابي اتاكد من حقه وحقي شلون ؟؟

وهل له اي احقيه بعدم الالغاء ؟؟

وهل له اي تعويض بالاغاء العقد ؟

ملاحظه : لا يوجد اي شرط بالعقد يذكر بعدم الالغاء او غيره

ملاحظه : لا يوجد اي شرط بالعقد يذكر بعدم الالغاء او غيره
والحين في هالنقطه مربط الفرس لكن حاول تدقق على العقد وموبس تقراه من ناحية الشروط اهم شي انك تشوف صيغة الشروط اشلون مكتوبه لانه من صيغه الى صيغه تختلف المساله وهذا على حسب القانون الكويتي اللي في المحاكم التجاريه واذا تبي نتاكد اكثر دق علي وافهم منك السالفه بالضبط وانورك شنو تسوي عشان تضمن حقك وحقه حتى لو اشتغل بنسبة واحد بالميه ومن ناحيتك انت لا تحاتي من اي مشكله وصدقني قاعدين نمر بهالمشاكل كل يوم مع المستهلك والتاجر وعينه قويه لكن من نقعد معاه ينهد حيله من اللي يشوفه منا واغلبهم ماشين بهالطريقه يقول للزبون روح اشتك واللي ما تطوله ايدك وصله برجلك واذا وصل عندنا بعد الاستدعاء الرسمي يقعد يبجي اهو وشريكه الكويتي لانك عارف كل واحد حاط له شركه مع اي كويتي وشغالين بهالاسلوب على الناس على اساس انه الشريك كويتي وما تقدر تسويلي شي ومابي اطولها عليك حقك ما يضيع واي شي تبي انا حاضر وبالشوفه

 

[abu_talal]

بارك الله فيك يا بو عمر


كلام طيب قلته ويشرح القلب

ان شااء الله الله لا يجيب المشاكل مع المكتب


بس انا بيني وبينك حبيت اغير راي من المفتاح واخليه بس اسود وقلت ابي احصن نفسي فيك وفي خبرتك بالمجال واعرف الي لي والي علي قبل لا امر عليه واصدمه بالتغير

اخوك ابو طلال

 

[مفتش تجاري]

بارك الله فيك يا بو عمر


كلام طيب قلته ويشرح القلب

ان شااء الله الله لا يجيب المشاكل مع المكتب


بس انا بيني وبينك حبيت اغير راي من المفتاح واخليه بس اسود وقلت ابي احصن نفسي فيك وفي خبرتك بالمجال واعرف الي لي والي علي قبل لا امر عليه واصدمه بالتغير

اخوك ابو طلال

هلا اخوي بو طلال الله يبارك فيك وانا افضل انك تخليه بس اسود وانت تشطب الباقي وهذا الشي اوفر لك طبعا من ناحية المصاريف وبنفس الوقت تكون مقسم شغلك وتعرف كل واحد شنو له وشنو عليه ولا تحصن نفسك فيني حصن نفسك بالله ثم بالقانون اما بالنسبه للتغير ما في اي صدمه والشغل شغل حتى لو كان بدينار اتمنى اني فدتك واي سؤال انا حاضر وبالشوفه لك ولغيرك من الناس تقبل شكري لك
اخوك بوعمر

 

[abu_talal]

بارك الله فيك ​

 

[مفتش تجاري]

بارك الله فيك ​

والله يبارك لك ويجعله منزل مبارك انشاءالله وبالتوفيق

 

[bofaisal38]

السلام عليكم .

بارك الله فيك يابوعمر .

اشتركت بانترنت فيفا خط خاص بالانترنت فقط +راوتر واي فاي.

وعندي خط ثاني فواتير فيفا مركبة على جهاز ايفون وكنت اشبك بالأيفون على الانترنت عن طريق الواي فاي يعني افعل خدمة الواي فاي وابحث عن شبكة الانترنت وبعدين اشبك .

قبل جم يوم فصل خط الفواتير عندي ولما دقيت على خدمة العملاء وسألت عن السبب قال الموظف عليك فاتورة بمبلغ 74 دينار مع اني خط الفيفا فواتير ما استخدمة كلش بس ادفعله اشتراك شهري 3 دنانير علشان احتفظ بالرقم .

وقالي الموظف ان المبلغ هذا عباره عن استخدام انترنت فقط مع اني ماطلبت تفعيل خدمة الانترنت على الخط لان عندي خط ثاني فيفا انترنت .

المهم اللي فهمته اني خلال العشر ايام اللي كنت استخدم فيها الايفون على اساس انه شابك على الراوتر طلع شابك على الانترنت عن طريق شريحة فيفا اللي بالايفون وخلال 10 ايام حاسب تكلفة 74 دينار انترنت فقط .

ولما سالت الموظف انا لما خذيت الخط ماطلبت اضافة خدمة الانترنت على خط الفواتير قالي اللي يستخدم الاي فون يتفعل معاه النت بدون لا اطلب من الشركة انها تفعل الخدمة .

مع اني متأكد اني خلال الفترة اللي فاتت كنت اشبك بالاي فون عن طريق الراوتر لسببن لما ابتعد عن الراوتر مسافة كبيرة يفصل معاي النت مع ان شريحة فيفا موجودة بالايفون ولما اطفي الراوتر واحاول ادش على النت يطلع لي مسج بشاشة الأيفون يقول لايوجد خدمة .

المهم راجعت قسم الشكاوي بالشركة وقال الموظف كلام مايدش بالعقل ان اللي يستخدم الاي فون ويشبك عى الانترنت من وايرلس او راوتر فان الكيلوبايت راح ينزل على الشريحة اللي موجودة بالاي فون حتى لو انت فعليا ما استخدمتها بالخدمة (يعني طول ما الايفون فيه شريحة خط فواتير راح يحسب عليها حتى لو انت شابك بالنت عن طريق اشتراك ثاني )!!

انا صراحة حاس اني تعرضت لعملية نصب خصوصا اني لما خذيت خط الفواتير قبل سنة من فيفا ماطلبت منهم يضيفون خدمة انترنت على الخط .

هذي مشكلتي ياطويل العمر واستفساري اذا حماية المستهلك ممكن تساعدني بهالموضوع والا لا .

 

[مفتش تجاري]

وعليكم السلام والله يبارك فيك
انا شفت مشكلتك وانصحك تسحب برنت كشف تفصيلي وتراجع فيه المركز الخاص التابع اللي في موقع فيفا وتقدم شكوتك وهذا بعد ما تتاكد من الكشف التفصيلي وين كان الشبك على الخط ولا على الراوتر كل شي راح يبين معاك او معاهم واذا رفض الموظف الخاص في شركة فيفا انه يعطيك الكشف هذا بحد ذاته مخالفه صريحه واسمها رفض اداء خدمه للزبون ومن حقك تسوي كل شي وتباشر في اجرائك واتمنى اني فدتك بالمختصر المفيد شاكر لك طرحك للمشكله

 

[bofaisal38]

السلام عليكم

اخوي ابوعمر الظاهر مشاكلي مع فيفا ماراح تنتهي .

عندي من فيفا خطين خط فواتير المقطوع اللي طرحت مشكلته بالمشاركة السابقة وخط ثاني حق الانترنت خذيته عن طريق عرض لمدة سنتين ب 18 دينار شهريا واذا لم التزم بالسنتين كاملتين او حبيت اقطع الخدمة هناك شرط جزائي 100 دينار لازم ادفعها واللي حصل معاي ان لما ادفع فاتورة خط الانترنت اكتشف ان المبلغ يخصم لحساب الخط المفصول عن الخدمة على اعتبار ان الخطين بإسمي يعني ممكن بعد فتره راح يفصل خط الانترنت واتحمل الشرط الجزائي مع العلم اني انا شهريا ادفع لخط الانترنت عن طريق موقع الشركة بالنت والشركة يحولون المبلغ للخط الثاني المفصول عن الخدمة .
وسؤالي هل يحق للشركة ذلك وهل يحق لهم ان يحملوني بالشرط الجزائي بحجة اني لم التزم بالدفع .. وعندي الوصل اللي سددت فيه حق خط الانترنت .

وهم عندي استفسار ثاني الحين انا خذيت خدمة الانترنت لمدة سنتين على اعتبار ان الشبكة تغطي كل مناطق الكويت بس اللي حاصل معاي ان بس لما اكون بالمناطق المكشوفة الشبكة ممتازه يعني داخل بيتنا الشبكة ضعيفة جدا وبس اطلع بره البيت السيرفس يصير ممتاز وهم نفس الشي بالنسبة لدوامي داخل المبنى الخدمة صفر ماكو تغطية بالمره والادهى من هذا ان انا ابني قسيمة بمنطقة جابر الأحمد واجابل القسيمة كل يوم بالساعات وهذا السبب الرئيسي اللي خلاني اخذ شريحة انترنت علشان استخدمها بالابتوب وانا مجابل العمال عاد هناك ماكو خدمة بالمره لابره القسيمة ولاداخلها مع ان جاري مشترك بزين والخدمة عنده ممتازه وكذا مره ادق على خدمة العملاء واقولهم على هالمشكلة وعمك اصمخ .

خلاصة الموضوع ان انا مو مستفيد من الخدمة في اغلب الاماكن اللي اكون موجود فيها مع ان الخدمة في اماكن كثيرة تكون ممتازه... مع العلم اني قبل لااشترك معاهم سألتهم عن التغطية وقالو تغطي كل مناطق
الكويت .

هل حماية المستهلك لها دور في انهاء العقد و الغاء الشرط الجزائي لو قدرت اثبت لهم اللي ذكرته او على الاقل يشوفون معاهم حل بموضوع تغطية الشبكة .

وشكرا .

 

[مفتش تجاري]

طبعا لنا دور ودور كبير بس انت اهم شي تكون محتفظ في فواتيرك اما بالنسبه للشبكه والتغطيه هم نقدر نتفاهم معاهم عليها لانك دافع فلوس مقابل خدمات وحياك باقرب مركز حماية مستهلك تابع لفيفا اللي شريت منهم خطوطك ولا تحاتي واي سؤال او اي شي ثاني انا حاظر وبالشوفه يا بوفيصل وعلى فكره انا يوميا متواجد في جابر الاحمد عند قسيمة اخوي وما يصير خاطرك الا طيب

 

[Abdulla990]

الله يجزاك خير يا ابو عمر

 

[ali6688]

الحديد

السلام عليكم الله يعطيك العافيه يابو عمر اليوم الحديد الطن ب300 دينار ولا بعد راح يصعد اكثر نبى الاسباب وفى امل ينزل سعره وين وزارة التجاره عن الاسعار وتسعيرة وزارة التجاره الطن ب188 دينار

 

[مفتش تجاري]

السلام عليكم الله يعطيك العافيه يابو عمر اليوم الحديد الطن ب300 دينار ولا بعد راح يصعد اكثر نبى الاسباب وفى امل ينزل سعره وين وزارة التجاره عن الاسعار وتسعيرة وزارة التجاره الطن ب188 دينار

وعليكم السلام
ابشر بالخير جاري حصر الموضوع بصوره مكثفه ويوميه مع الشركات وتحويلها الى النيابه

 

[مفتش تجاري]

الله يجزاك خير يا ابو عمر

ويجزيك مليون من خيره يالطيب وشاكر لك مرورك العطر