ابي نصيحتكم ولتعم الفائدة على الجميع

[ابوفيصل2008]

مرحبا اخواني ابس نصيحتكم
الولد اذاني وبلشني كل يوم يحن يبي بليستيشن3 ونويت اشتريله ان شاء الله . ولكن حسب خبرتي يوجد 3 انواع بليستيشن3 اوروبية وامريكية ويابانية ولكن ماادري شنو الفرق بينهم وشنو الافضل فيهم...؟
وابي نصيحتكم يااخوان

 

[bo-mshary]

السلام عليكم يا بوفيصل.... اخذ امريكي وانت مغمض ..تقبل تحياتي

 

[ابوفيصل2008]

مشكور ابو مشاري على الرد بس ابي شنو الفرق بينهم

 

[ماستر الذهب]

السلام عليكم

اخوي افضل شي الاوروبيه اخذها من الغانم مع كفالة ومتوفره كثير اعتقد اكثر من الامريكي

ولاتاخذ الصغيره اخذ الكبيره افضل شي

 

[ابوفيصل2008]

مشكور يالغالي على الرد
بس الموجوده عند الغانم كل حجم اصغير ماعندهم كبير
شنو عيب الحجم الصغير

 

[Caruso]

عيبه شكلها خايس

دور على الكبيره بالرحاب راح اتحصل

 

[المستعمل]

مادام قلت نصيحة وان شاء الله راح انصحك باللي اعرفه
خذ pal
انا عندي العيال يستخدمون بال ومية مية صارلهم سنة والحمدلله شغالين زين
والثانية شاريلهم البيبي وشغلها تمام ما تفرق عن الكبيره بس الصغيرة اخف بالحجم . يعني خفبفة لما يشيلها الولد.
اما الخرابات جميع انواع ps3 يصيبهم خراب وهو اللمبة الصفراء وهذا عيب في البلي ستيشن3 ولها تصليح ( لابد تستفيد الشركة ).
وانت على كيفك بس انصحك اشتر pal

 

[أبوسعد الخالدي]

اخذ اوروبيه ولاتشاور

واشترها من الرحاب

ومافي فرق بين الكبيره و الصغيره كلهم نفس الشي

اشترها بالرحاب في محل اسمه شركة sony هو الي عنده النظاف