نصيحه بلاش وما تحصلها باجر بفلوس

[zoom]

نصيحه لكل الاخوان الجدد اللي للحين ما دشوا السوق والاخوان اللي صارلهم فتره بالسوق وعندهم كاش ومتوهقين بوسيط محلي ... اول ما تبحث عنه اخوي المضارب الجديد هو .... الوسييييييييييييييييييييط وثم الوسيط وثم الوسيط .. ابحث عن الوسيط الممتاز بالخدمه والعموله والسرعه ولا تبحث عن القرب وتقول فلوسي جريبه مني .. لان اذا فلوسك جريبه منك والوسيط تعبان .. فلوسك راح تروح منك وهي عندك .. اسألوا مجرب والله ما راح تتحسف على هالكلام .. الرجاء من الاخوه المفوضين بالكلام عن الوسطاء المحليين عدم الرد على هالموضوع لان شبعنا من الكلام اللي ما منه فايده والمجاملات على حساب الغير مرفوضه ..

اخوكم بو عبدالله

 

[SAIF1743]

الله يساعدك و يعين على بلواك ....

شكل كلامك يابو عبدالله طالع من حرقة قلب ..... وش صاير عسى ماشر ....

الله يصبركم على ما اقترفت يداكم ....ههههههههه

 

[اول]

ابوعبدالله من ترشح لافضل وسيط

 

[STOCKER]

بوعبدالله كلامك كله عدل وانا ارشح المضارب على الخفيف يروح الاوسط ابرك له واذا بالانقليزي مضبوط يروح امرتيرييد احسن من اي تريد وانا جربت الامييرترييد والاوسط شفت الاوسط افضلهم ومعملتهم طيبه ويقولون ان عمولتهم بتنزل

 

[البغدادي]

انا مع سايبر تريد ومرتاح منه 100% افتكوا من وسطاء العرب وترتاحون لأن وسطاء العرب اخر نقطة يهتمون فيها هو العميل

 

[STOCKER]

البغدادي قولي بكم عمولتهم وعطني الله لايهينك موقعهم

 

[SCREENER]

نصيحة كل ماتبعد ترتاح

وخر عن اللي هنيه

والمثل يقول اسأل مجرب ولاتسأل طبيب



بوعبدالله هدي اعصابك انت بروحك شايب لاتسوي بروحك جذيه

 

[الكبتن]

سايبر تريدر سمعته ممتازة عند مشتركيه لكن اللنك حق فتح حساب جديد ما هو راضي يشتغل معاي, ممكن يفيدنا أحد من الشباب في الموضوع هذا.

http://www.cybertrader.com

 

[$$ الطمـــوح $$]

الله يساعدك و يعين على بلواك ....

شكل كلامك يابو عبدالله طالع من حرقة قلب ..... وش صاير عسى ماشر ....

الله يصبركم على ما اقترفت يداكم ....ههههههههه

الله يعينك أخوي أبوعبدالله وييسر أمرك وجميع المسلمين

 

[kuwaitstar]

الله يعينك يا بوعبدالله ويعين الجميع
بس ودنا من الشباب انهم يرشحون افضل وسيط حتى لونفتح موضوع جديد فيه تصويت على جميع الوسطاء
ونختار الافضل منهم

 

[STOCKER]

سايبر تريدر سمعته ممتازة عند مشتركيه لكن اللنك حق فتح حساب جديد ما هو راضي يشتغل معاي, ممكن يفيدنا أحد من الشباب في الموضوع هذا.

http://www.cybertrader.com

اولها مايفتح وانا هذا الي صار معاي مع امييرترييد محدفاهم لي ولاانافاهم لهم

خلونا مع مجنونا لايجينا اجن منه والاوسط قريب وفيه الخير

 

[TechnoFund]

الله يعينك يا بوعبدالله ويعين الجميع
بس ودنا من الشباب انهم يرشحون افضل وسيط حتى لونفتح موضوع جديد فيه تصويت على جميع الوسطاء
ونختار الافضل منهم

الله يعينك يا بو عبدالله على ما ابتلاك فيه، بوعبدالله ليش ما تفكر بتغيير الوسيط إذا متضايق منه، صحيح انه مو حل كل شوي مغير وسيطك .. لكن اعتقد هذا انسب حل ..

بالمناسبه .. انا ودي اسأل عن عدة وسطاء محتار بينهم وودي لو واحد من الشباب يفيدني في الموضوع ..

انا استخدم برنامج ميتاستوك للتحليل أحتاج للتداول في السوق الأمريكي 4 أمور أساسيه:

1- وسيط ممتاز ومريح (محتار بين MB Trading - IB - Ameritrade) وأفكر أخلي الأوسط لعمليات البيع والشراء وبصراحه متردد شوي من الكلام اللي اسمعه من الشباب.

2- مزود معلومات للميتاستوك (End of Day - ٌReuters) أو trading-tools.com

3- ستريمر طيب يربطني مع الميتاستوك يكون أفضل (e-signal أو QChart)

4- اشتراك مع موقع Briefing.com

بدايتي راح تكون بمبلغ 50,000 $ وبتداول اسبوعي .. (يعني مو day trading) ..

أطلب من الشباب أنه يعطوني اقتراحاتهم قبل لا ابدأ بالتنفيذ .. وودي آخذ آرائكم .. واللي عندي رأي غير اللي ذكرته راح أكون ممنون له جدا جدا ..

 

[مؤشراتي]

الأخ الصديق : starbucks

طابت أيامك بكل حب وود ، ، ،


نصيحتي لك وللأخوان هنا هو اتباع تلك الخطوات التي أجدها مفيده قبل الاقـدام على التداول مع سوق عـملاق وعـظيم كالسوق الأمـريكي .

1 ] الانـتساب إلى دورة الـمؤشرنت بـقـيادة المهندس الأستاذ سيف العجمي

2 ] الاشتـراك مع برنامج Qchart ، وبالمستقبل لن تحتاج الاشتراك معه ، والاكتفاء بالموقع المجاني .

3 ] لمحبي القراءة والاستزداده ، الاشتراك بموقع بـريفـنق [ الاشتراك البلاتيني ]

4 ] اختيار الوسيـط .


وبالنسبة لي ، فأن وسيـطي الـمفضل هو الأوســــط ، لعـدة مـزايا لسنا في معرض توضيحها هنـا .

دمـتم سالمين

 

[msn]

الأخ الصديق : starbucks

وبالنسبة لي ، فأن وسيـطي الـمفضل هو الأوســــط ، لعـدة مـزايا لسنا في معرض توضيحها هنـا .

دمـتم سالمين

اخوى مؤشراتى ممكن ميزة وحدة فى وسيطك الاوسط انت تقول عدة مزايا
اول شي لاهل البيني ستوك موشي الاوسط بالنسبة للعمولة نص اسهم السوق مو موجودة باستريمرهم
زين
مافى تداول بالبري ماركت والافتر اورز مافى اخبار لايف مافى شارت لايف عمولة عالية جدا تخلي لو مثلن تشترى 15000 سهم على دولار يعني الصفقة قيمتها 15000$ احسب شوف العمولة 18$ على اول 3500 $ الباقى 11500
تدرى كم العمولة 57.5 +18=75.5$
تدرى والا لا هذا بالنسبة للعمولة
واشياء كثيرة جدا ارجو ان لاتكون هناك مجاملات الاوسط صراحة لازم يطور نفسة من زمان يقول ابشرو بالخير ولافى شي صار للحين !!!!!!!!!!!!!!!

 

[battal]

كل على همه سرى.......................... سبحان من احصى هؤلاء وهؤلاء ..........لااله الا الله

 

[مؤشراتي]

الأخ الصديق : Msn

طابت أوقاتك بكل حب وود ، ، ،

عن نفسي ، لست بحاجة إلى أخبار لا يف ، يكفي موقع ياهو .

بالنسبة للبري ماركت لدى الأوسط بري ماركت قبل السوق بساعة يبدأ لكن لا يوجد لديهم افتر ماركت .

انا ارى أن العمولة مناسبة جدا خاصة للمضارب السونق وليس اليومي لأن اليومي يحتاج يكون لديه مبلغ كبيرة يساعده على المضاربة اليومية والاستفادة من صعود كم سنت . وأما بخصوص اسهم البني ستوك تستطيع الاتصال بهم وهم يضيفون لك الاسهم الي تود اضافتها

كانت لدي تجربة مع اميرتريد وبرغم قوته وانتشاره الا اني اجد اني مع الاوسط اكثر راحة لعدة عوامل منها اني استطيع الاتصال والاستفسار بغرفة التداول باللغة العربية وهذا شيء ايجابي واستطيع اشتري وابيع من خلال غرفة التداول بدون رسوم اضافية هذا على عكس شركات الوساطة في امريكا

اعترف لك لازم شركة الاوسط تطور نفسها ومافي شركة بالدنيا تثبت عند حدودها وتوقف عند ماتوقفت عليه ولاني اعرف شركة الاوسط فأني ابشرك بأن عندهم خدمات جديدة راح تفيد المستثمر والمضارب