لمن اراد تركيب كاشي او سكريت

[مساهم11]

نصيحه لوجه الله
احترت منو يركب لي الكاشي لبيتي
واي واحد ممكن يخرب الموضوع كله
بالعربي يبي معلم محترم وفنان
فنصحني صديق بمعلم باكستاني
مشتغل ببيتهم من 20 سنه كاشي كأنه الحديد
وجبته يشتغل عندي والحمدلله اشتغل شغل محترم ونظيف
بالاضافه انه ركب لي نعلات سيراميك بكل الحوش
وطلع منظره روعه

فأي واحد منكم يبي يسوي كاشي
نصيحه بهذا الشخص وعلي فكره ترا هو يشتغل مع اخوانه بس
ورجل مصلي ومحترم وشغله والامانه لله نظيف نظيف لابعد الحدود

رقم تلفونه 99704907 اسمه عبد الولي
وراح تدعون لي من قلب لما تشوفون شغله

 

[bosa3ad]

مشكور أخوي. شلون أسعاره؟

 

[شبابي]

واذا في صور على شغله ؟!

ضروووري ..

 

[مساهم11]

شباب صدقوني شغله حلو ورخيص
وانا اعرف جار لنا مسوي له كاشي من 15 سنه كانه مركب اليوم

سعره لي كان 800 فلس للمتر

والله يوفق الجميع

 

[ابوعامر]

مشكور يامساهم

 

[مساهم11]

والله اني لكم ناصح بهذا الشخص الي يخاف الله

وانا مسؤال عن كلامي هذا

وعسي الله يكتب الخير لي وللجميع

 

[شبابي]

اقدر اقوله من طرفك ؟!

" بوفلان والمنطقة "​

 

[هامور 2000]

موفق

 

[مساهم11]

اقدر اقوله من طرفك ؟!

" بوفلان والمنطقة "​

افا عليك شبابي قوله من طرف ابوحمد
وهو رجل امين وشغله نظيف جدا جدا فوق ما تتخيل
والله يوفقنا دايما لعيال الحلال

 

[العجمىq8]

يشتغل تركيب سراميك حمامات عزك الله

وارضيات اقرانيت

 

[مساهم11]

والله مدري يا وجه يام
ولكن التلفون عندك دق عليه
واتصور انه يركب مو متأكد

 

[العجمىq8]

جزاك الله خير

وكثر الله من امثالك

 

[طارق55]

جزاك الله خير

 

[مساهم11]

في خدمة اخواني بلي يرضي الله
وان شاء الله اي فني او معلم راح احط لكم تلفونه
وانا حريص جدا علي انه يكون يخاف الله بالدرجه الاولي
لاني مقروص حييل من الكثير منهم
والله لا يطيحنا وياكم بنصاب ما يخاف الله
لان الموضوع يطول اما تضربه وتدخل بمتاهات او تسكت وانت مغموم
وان طالبت طالبت حيال
وهذا الرجل من الناس الثقات الي تشتغل معه وانت مطمئن جدا

 

[fahed 67]

بارك الله فيك اخوي مساهم11 وغفر الله لنا ولك ولجميع المسلمين

 

[almellyarder]

سلام عليكم

مدام انه امين و يخاف الله ويصلي أعينه على رزقته ووص عليه وأكسب فيه أجر ولك اجر عند الله كبير لانه مسكين و متغرب عن بلاده ويسعى طلب الرزق وهولاء هم مستضعفين في الارض .

قال رسول الله صلى الله عليه و سلم (( الساعي على الأرملة أو المسكين كالمجاهد في سبيل الله )) و أحسبة قال (( أو كالقائم أو الصائم لا يفطر )) متفق علية .

يا شيخ اسأل الله أن يعطيك اجر لك ولغيرك من الناس إلي يسعون لنصر أخوانهم المستضعفين بالارض على كسب الرزق الحلال وجعله في ميزان حسناتك .