بالله عليك انت تشوف الحين كلامك منطقي ويدخل المخ
يعني شنو تاخذ فلوس المكتتبين وتسدد ديونها ؟؟؟؟؟
يا حبيبي الازمه ال فيها الشركة مو بس عليها على 90 % من الشركات واسبابه :
1 - توقف خطوط التمويل ( كانت الشركات تقترض من البنوك وتسدد ديونها ... مو تسدد عن طريق اموال الاكتتاب مثل ما تقول ) ، البنوك وقفت اقراض الشركات ( بناء على اوامر المحافز ) علشان يخنق الشركات ويزهق ارواحها وارواح المساهمين ويطير مدخراتهم
2 - انخفاض قيمة الاصول بنسيه كبيره عن السابق يعني تخيل انك مقترض من اكثر من جهة و شاري بيت ب 360000 دينار بعدين عقب سنتين مثلا تنهار اسعار العقارات ويوصل سعر بيتك 180000 دينار ..... حبيبي هذا ال حاصل للشركات الكويتيه وللعالم كله
والله ياسيد صياد انا اشوف تحليلك مو منطقي ، لان اللي عنده عقل ويخاف الله ويعرف ان الله يمهل ولا يهمل ، ما سوي اللي سواه اصحابنا ، يلعبوا بأموال المساهمين وكأن لا رقيب ولا حد يحاسب .
واقولك شئ
- مثل هؤلاء وغيرهم اللي التفوا في ملائة الشريعة والشركات الاسلامية لا يدرون ان في حد راح يحاسبهم ، ولا يخافون الله ، ما كانوا عملوا كل اللي عملوه .
- اعطيك مثال انت الحين اذا ساكن ببيتك صار لك 15 سنه وصارت الكهرباء تقطع راح تقول لي تبيع البيت علشان ما في كهرباء ولا تجيب لك جنتريتور يولد لك كهرباء وتخلي بيتك اللي انت بانيه طوبه طزبه ، الشركه صار لها 15 سنه قائمه وما في اي ايراد تشغيلي ، كلها ارباح تقييم في تقييم ، لا ويضحكون علي الجهات الرقابيه والمساهمين تدري شلون ولا اشرح لك ، راح اشرح لك وامري الا الله
* اذا قيمت اصل مباشرة في البيانات المالية الخاصه بشركتك واتضح ان ارباحك كلها تقييمية ، ما يجوز لك توزع ارباح منها ، اما اذا سويت التالي :-
1- انشأت شركة مملوكة لك بنسبة مثلا 75 % وبعت او حولت الاصل ده لها ، وفي نهاية العام قيمت الاصل ( في الشركة التابعة طبعا ) راح تظهر تاخذ حصتك من تلك الارباح في شركتك الام وتسميها " نصيب الشركة من ارباح الشركات التابعة " وهنا تنظر الجهات الرقابية لتلك الارباح انها ارباح محققة ، وتسمح لك توزع ارباح منها علي المساهمين .
2- انك تأسس شركات تابعة وزميلة مثل الثمانين شركة اللي تم تأسيسهم ( انت اكيد عارف اسماء تلك الشركات ولا تبيني اسميهم لك ) وتبيع الاصل من الشركة أ للشركة ب ومن الشركة ب للشركة ج وهكذا ( ووقع يا فلان ، حاضر ياعموا ) ( ماهوا ما يقدرش يقول لأ ، لان عموا هو اللي بيديله المم ، اكيد انت عارف هو ايه المم ) وفي كل بيعه تضبت التقييم شويه فيصير الارباح اللي حضرتك قيمتها كلها تحققت بسبب البيع ، لكن فين الكاش الفعلي اللي نتج من تلك البيعات كلها " كلها بيعات غير نقديه تسجل علي الحسابات الجاريه بين تلك الشركات " .
* نستنتج مما سبق ان الشركة كانت تقترض وتتحمل فوائد علي تلك القروض حتي توزع ارباح علي المساهمين ، وحتي تغطي المصروفات الغير منطقية واللي ما فيها رحمة ولا ضمير .
وطبعا انا مو قصدي المساهمين اللي عنده 100 الف سهم ولا مليون انا احكي عن المساهمين الاخرين " وصاحب العقل يميز " .