استشاره قانونيه وضروريه

[hidden]

السلام عليكم ورحمة الله وبركاته

( تم الغاء صورة ايصال الامانة من قبل الاشراف لان فيه تشهير)
اخواني المحامين ارجو مساعدتي في مشكلتي

انا اطالب شخص سوري الجنسيه وتأخر عن موعد السداد واعطاني 5 مواعيد اخرى واخلف فيهم والحين اخر موعد يوم الخميس القادم وراح ارفع وصل الامانه الي بيني وبينه

الاسأله

الوصل الي بالصوره صالح 100% ؟

كم تكلفة اتعاب المحامي كامله مع الرسوم ؟

كم مدة رفع القضيه والحكم فيها وهل يتم القبض على الشخص ومتى ؟

وماهو الحكم التقريبي في هذي القضيه

وانا املك جواز السفر الخاص للشخص المطلوب

تحياتي وشاكر لكم

ابوعبدالله

 

[rahaly]

السلام عليكم ورحمة الله وبركاته

( تم الغاء صورة ايصال الامانة من قبل الاشراف لان فيه تشهير)
اخواني المحامين ارجو مساعدتي في مشكلتي

انا اطالب شخص سوري الجنسيه وتأخر عن موعد السداد واعطاني 5 مواعيد اخرى واخلف فيهم والحين اخر موعد يوم الخميس القادم وراح ارفع وصل الامانه الي بيني وبينه

الاسأله

الوصل الي بالصوره صالح 100% ؟

ان شاء الله صالح ... بس يعتمد بالاخير على سبب المديونية وصحة التعامل ..

كم تكلفة اتعاب المحامي كامله مع الرسوم ؟

الرسوم القضائية 155 د.ك تقريبا .. اتعاب المحامي .. تختلف من مكتب لاخر...

كم مدة رفع القضيه والحكم فيها وهل يتم القبض على الشخص ومتى ؟

المدة .. اذا قبل ان يكون امر اداء .. خلال اسبوعين تقريبا .. اذا رفض امر الاداء .. يعتمد على سير الدعوى ودفاع الخصم .. والقاضي

وماهو الحكم التقريبي في هذي القضيه


!!!

وانا املك جواز السفر الخاص للشخص المطلوب

ما تفرق .. لكن تضمن عدم فراره فقط .. وبامكانه رفع دعوى مستعجل للمطالبة بجوازه ..

تحياتي وشاكر لكم

ابوعبدالله

والله اعلم

 

[hidden]

مشكور اخوي على الرد وجزاك الله خير

اخوي رحت لمكتب ومالي خبره في هذا المجال

وقالي تكلفك القضيه 1200 اتعاب المحامي + 150 طوابع = 1350 دك

هل هذا سعر السوق او مبالغ بالسعر

تحياتي
ابوعبدالله

 

[rahaly]

والله ياخوي مثل اي مهنه اخرى .. كل محامي يقدر اتعابه ... والقرار لك

يمكنك سؤال مكتب اخر .. ولا تنسى مراعاة المستوى عند المقارنة

بالتوفيق

 

[hidden]

جزاك الله خير اخوي وتعبتب بكثر الاسأله

طيب اذا بروح بنفسي وارفع دعوة ضد الشخص في الوصل الي معاي الموضوع سهل او صعب

والشخص الي برفع عليه متعاون معاي وماعنده مشكله يجي ويعترف

هل الموضوع صعب او سهل

وشاكر لكم تعاونكم
تحياتي
ابوعبدالله

 

[القراشي]

سهل اخوي حيل انا اليوم رفعت على واحد انذار نفسك وصل امانه وسهلات جدا

 

[الشاهين1]

اخوي قضيتك ماتحتاج محامي واجرائتها سهلة جدا
كل اللي عليك هو ان تدفع رسوم قضائية عن كل الف دينار 25دينار
يعني تقدر تقوم بالاجراءات بنفسك وتدفع 150دينار فقط رسوم قضائيه

 

[hidden]

جزاكم الله الف خير

وين اروح العدل او مجمع المحاكم واي قسم بالضبط

وشاكر لكم

 

[القراشي]

اول شي اخوي تروح المحكمه اللي عنوانه هو عليه وتسويله انذار

 

[لوكيشن]

اخوي روح للمحكمه الي تابع لها مقر سكنه

اسال عن الطباعه طباعه انذار مطالبه بمبلغ وهمه عارفين الصيغه


تطبع الانذار وتاخذ طابع رسوم بنص دينار

تسال عن قسم اعلانات التنفيذ وتروح لهم وتعطيهم عنوانه
وهمه يبلغونه

واحسن لك تطلب ارشاد
يعني تروح مع مندوب المحكمه وتوريه السكن ماله وبس
بعد البلاغ احسب خمسه ايام
بعدها تاخذ الانذار وصوره بطاقه المعلن ايه
والوصل بالمبلغ والرسوم
وتروح حق قصر العدل واسال عن اصدار امر اداء
في اي دور وتروح لهم وتقدم الاوراق
واذا صدر امر الاداء
تروح حق نفس المحكمه وتسوي اعلان للمدعي
وبعدانتهاء مده الاستئناف التي تبدا من تاريخ الاعلان وليس الايداع
تروح للتنفيذ وتباشر اجراءات التنفيذ كلها

 

[hidden]

جزاك الله الف خير والله يكثر من امثالك انشاءالله