هل نصدق أن الي صار قبل يومين هي مسيرة عيد وطني وعيد تحرير !

[yoyo1983]

بسم الله الرحمن الرحيم

سؤال يطرح نفسه !

هل نصدق أن الي صار قبل يومين هي مسيرة عيد وطني وعيد تحرير !

هل نصدق أن الذين كانو يحتفلون بالأعياد الوطنية كويتين !!

هل نصدق أن الشرطة ساعدت على سير الأحتفالات أم أغلقت كل طريقة للأحتفال !!

هل نصدق أنه قد مات عدد من الأطفال بالدهس والشرطه مشغولين بأخذ الفومات ولم ينتبهوا لوضع حواجز لحماية الأطفال !!

هل نصدق أنه تم حجز أكثر من 100 سيارة !!

هل نصدق أنه قد تم حجز شباب كويتين وهم لم يفعلوا شئ !!

هل نصدق أنه لاتوجد كرنفالات وألعاب نارية أطلقت من قبل الدولة في يوم 25 أو 26 داخل مدينة الكويت أو على الخليج العربي !!

هل نصدق أن الحوادث كانت بكثرة غير طبيعية !!

هل نصدق أن الخليجين والمصرين والهنود أكثر من الكويتين في المسيرة !!

لا أطلب منكم أن تجاوبوا هنا بل أسألوا نفسكم

رجاء التصويت بكل صراحة ؟
http://www.youtube.com/watch?v=-3cCUEX8ZUc​

 

[قلم حر]

انا اول احتفال بالعيد الوطني حضرته كان سنة 86

وكانوا الشباب يسكرون الشارع ويرقصون والامر اسواء من الحين بكثير

انا اللي محيرني ليش العائلات تروح المسيره

الكل يدري التعبير بالاحتفال عندنا خطأ وانا ذكرت لكم اول احتفال

حضرته سنة 86 يعني اللي بيقولي العائلات اشدراها انه هالسوالف بتحصل

اقوله ما عندك سالفه من 24 سنه وهذي السوالف وانت ماتدري !

يمكن السنوات الاخيره طغت عليها ثقافة الفوم

اللي بعرفه يعني شنو وليش لي صار يوم الوطني والتحرير امشي

وادق هرنات واسكر الطريج شنو يستفيد الوطن من هرناتك !

يعني كلش الحين الوطن واقفه حاله لين ماتدق هرنات وترش فوم !

الموضوع اللي حاصل مو يوم وطني ولا يوم تحرير

اللي حاصل يوم تجاري لبيع الاعلام والفوم

وانا افضل يكون الاحتفال بطريقة الكرنفالات بادارة الدوله ومايتركون

الامر بيد شاب عمره 18 سنه يقود مسيره وبنص الطريج يوقف وينزل ويرقص

ويخلي الطريج كله واقف عشان الحبيب مستنزل​

 

[Q8 Stock]

شي محزن والله

 

[wooow]

خبال x خبال

وسيد الخبول اللي ياخذ عائلته ويوديهم المسيره المصخره .. خلف الله عليه

 

[دربك أخضر]

الشرهة الكبرى على اللي في أيديهم أمن البلد

من أمن العقاب اساء الأدب

 

[q8royale]

لا يا اختي صاحبة الموضوع - لم يكن احتفال عيد وطني و لا تحرير و لا هم يحزنون

انما كلما ذكر اخي ( القلم الحر ) فلا استطيع اضافة لما سطر قلمه

المسيرات بالبلد ببيزة - لنستذكر قبل شهور ما حصل ( اسف خروج عن الموضوع - لكن لنرى من يتحكم بالمسيرات )

1) فوز مصر باحدى البطولات - تم اغلاق كثير من الطرق بالسالمية من بعض الشباب - و اشعال نيران بسوق السالمية بواسطة انابيب غاز

2) هنود احتفلوا بعيد الديوالي - عيد الهة الكفر - و تم اغلاق شارع عمان بالسالمية - نيران و رقص و مجون بالشوارع - و بيع خمر - مسيرات رقص لألهة الكفر في بلد يعتنق الدين الاسلامي

حتى في شارع جمعية كبد مسيرات - فوم - بنات بلبس فاضح - خمر

وين قاعدين حنا ....

 

[kuwaitey]

لنا سنين انتكلم ونقول اللى قاعد يصير غلط بغلط وعمك اصمخ

تخبط بكل شى من التحرير ولليوم والحال من سيئ لاسوء

ولا حياة لمن تنداى لاحول ولاقوة الا بالله

قمة المسخره وقمة التخلف والجهل

قوانين الدولة غير محترمه لا من الشعب ولا من الوافدين

الله يستر من الجاي ..

 

[ذبحني غلاك]

الحمدالله انا صار لي اكثر من 10 سنوات لا اعرف المسيرات
ولا اشارك فيها
الله يحفظ الكويت من كل شر

 

[صايدهم]

قرأت تقرير عن مستشفى العيون بأن استقبل اكثر من 400 حاله التهاب بسبب الفوم
مجرد سؤال لماذا لايمنع استيراد الفوم والاكتفاء برش الماء

 

[عقد ألماس]

من الأربعاء واحنا بالمخيم ....بس اللي قلتيه اصدقه دام مافي رادع وضبط وانضباط اتوقع الغير متوقع ....الطامه الكبرى يا ليلى باص سكوب مسلسل من مسلسلات فجر الهابطه...ويقولون ليش يغزينا شباب الخليج.....الشر يعم والخير يخص

 

[mxxy]

آنه واحد من الناس خالفوني 5 دنانير ((( بالضبط بالضبط بدون سبب ))) ، ياني الشرطي جان يقولي نزل الجام نزلت الجام جان يقولي منو الي رش علي فووم !!! قتله نعم اخوي ؟ يقول عطني الفوم الي عندك قمت وعطيته علبيتن فوم جان يقولي هاك مخالفه 5 دنانير . لوووووووووول واقسم بالله اني موقع تعهد بمخفر الرميثيه ( التابع لسالمية لأن السالمية مسكر ) أني ما اتعرض حق شرطي لووووووووووووووووووووووووووول ولا والله هذا مال ذاك اليوم الي خالفني 5 دنانير اخليه ينسى ان اهوه ذكر ولا نثيه . تبن عليه تبن . خالفني واقسم بالله اني ما رشيت عليه وكلمته بكل ادب . والشرطي الي معاه يقولي ادري انك ما سويت شي . بس ماني فاهم شالقصه ، بس انه سكت قلت مادام 5 دنانير يلا تهون بس لو مضرط وحب يسحب السياره قبل لا يسحبها ادعمه فيها اهوه ولي فوقه بعد / بس اخ موقع تعهد اني ما اتشيطن ثاني مره لووول ولا تتسجل علي 6 قضايه سابقه للقضيه الي راح اتكبها بالظالم هذا . بس الله كريم يلا كلها 5 دنانير .


الوضع ما ينسكت عليه شكرا لصاحب الموضوع تره هالسنه تحسون صج صج يبون يطلعون علشان يعوضون الخساير .


المشكلة ان الشرطي الي خالفني يدري اني ما سويت شي .

 

[piccadilly]

الصراحه انا الى شايفه عادى لا مصخره ولا يحزنون الكل مستانس وفرحان
بعيد الوطنى والتحرير بعرف شنو المشكله لما يستانسون باليومين مانى شايف مشكله بس مع الاسف انتوا مكبرين السالفه بدون اى داعى .
ترى مو بس بالكويت بكل دول العالم يحصل الشى الذى تفضلتوا به بيوم
الاعياد الوطنيه الكل يستانس ويمرح والكل يطلع مشاعرهم بهذا اليوم .
تحياتى لكم وشنو انتوا اول مره تعرفون ان بالاعياد الوطنيه يحصل مثل هالاحداث التى تفضلتوا بها كل سنه قاعد يصير نفس الشى ناس تستانس
وترش رغوه والدوريات تمنعهم عادى مانى شايف شى غريب يعنى .
تحياتى خلكم ايزى بلا تشنج خلوا الكل يستانس ويفرح
بهذه المناسبه .

 

[fabulass]

الحوادث و الله زادت بسبة المسيرات !