*** إقتراح بإنشاء قسم جديد داخل قسم إعلانات العقار ***

الموضوع في 'قسم الإقتراحات' بواسطة am7, بتاريخ ‏2 مارس 2010.

  1. am7

    am7 عضو نشط

    التسجيل:
    ‏6 فبراير 2006
    المشاركات:
    618
    عدد الإعجابات:
    3
    من الصعب جدا التعامل مع الدلالين و شريطية العقار الله يسامحهم
    بعضهم للأسف يبي العموله فقط و بعدها جهنم و بأس المصير لا يهمه ما يحدث بعد ذلك الا من رحم الله
    و بعضهم التعامل معاه راقي و مخلصين لكنهم قله قليله

    أقترح إنشاء قسم داخل هذا القسم و مخصص للتعامل مع مالك العقار فقط
    بدون تدخل المكاتب أو الشريطية


    قريب لي حدث معاه موقف غريب و عجيب من هؤلاء المكاتب
    أشترى بيت ب 170 ألف
    و بعدها ب 6 أشهر أتصل مالك البيت عليه و قال له لا أقدر أنام بسبب اللي حصل و قال له قريبي ليش
    و قال مالك العقار السابق كنت أبي البيت بسعر 140 ألف لكن المكتب حسبي الله عليهم قالوا لي نبيعه لك بسعر أعلى و كل ألف زياده فوق 140 ألف لنا 250 و أنت 750 و وافقت على كلامهم و بعته لكم بسعر أكثر ب 30 ألف دينار , و بعدها بدأ يأنبني ضميري و حسيت أن الفلوس اللي دشت بجيبي حرام بسبب هذا المكتب

    شوفوا ياخوان هذا حدث لقريب لي قبل فتره
    الآن أغلب المكاتب تهرول كالذئب الجائع لا تعرف معروفا ولا تنكر منكرا , أهم شيء عندهم الفلوس

    للأسف لا يوجد تدخل حكومي يمنع هذا العبث بحلال الناس و مقدراتهم
    الحكومه جزاها الله ألف خير أذكياء جدا , سنوا قوانين لتهريب وحوش العقار الكبار لكنها لا تستطيع على هؤلاء الصغار , و مو فاضين لهالسوالف و لا أحد يلومهم لأن هذا الأمر صعب جدا

    لذلك أقترح فتح فرع في هذا القسم يكون التعامل فيه من الزبون مع المالك فقط و يمنع الوسطاء أو المكاتب أو الدلالين أو أي شخص لا يملك البيت أو العقار

    شرايكم!!!
     
  2. مفتش تجاري

    مفتش تجاري عضو نشط

    التسجيل:
    ‏30 يناير 2010
    المشاركات:
    367
    عدد الإعجابات:
    0
    مكان الإقامة:
    الكويت
    هلا اخوي فكرتك حلوه بس يا ريت تراجع موضوع حماية المستهلك وهو موضوع مثبت واتمنى تحاول تقرأ الموضوع وتحاول تفهمه وشاكر لك فكرتك الحلوه وصدقني اللي انت تقول عليهم صغار ولا كبار ترى احنا قاعدين لهم قعده ومفهومه كلمتي يعني شنو قاعدين لهم قعده تقبل مروري العطر
    اخوك بو عمر
     
  3. am7

    am7 عضو نشط

    التسجيل:
    ‏6 فبراير 2006
    المشاركات:
    618
    عدد الإعجابات:
    3
    شكرا على المشاركه أخ مفتش تجاري
     
  4. استثمارات

    استثمارات عضو نشط

    التسجيل:
    ‏28 ابريل 2007
    المشاركات:
    256
    عدد الإعجابات:
    0
    يعطيك العافيه اخوي

    بحكم اني مكتب عقاري

    طبعا المكاتب للاسف سمعتهم سيئة :)

    لكن اللي يعرفنا ويتعامل معانا تتغير نظرته من مكتب لي مكتب ..

    بخصوص الموضوع اللي كتبته ان كان حقيقي ،

    فهو له تفسيرات ..

    يعني مثلا جاني المكتب شخص ( مالك عقار ) ويبي يبيع بيته

    بسعر اقل من السوق .. دوري كمكتب عقار ومقيم للعقار

    اقوله بيتك يسواله بالسوق بين كذا وكذا والسوم بالسوق اهو يحكم

    اما بخصوص المكتب يقول للمالك اجيب لك سعر اكثر ولي نسبة معينة

    هذا يكون حسب الاتفاق ، علما ان العمولة الرسمية هي واحد بالمية

    وربما يكون كلامك صحيح ، لكن قريبك كيف يشتري بيت بفرق كبير 30 الف دينار ؟؟!!

    معلش عالكلمة هل هو مايعرف يتصرف ولا لف على مكاتب ولا شاف بيوت

    ولا دور ولا سأل على طول سام وشرى؟؟ يعني منطقيا بيسأل مكتب واثنين وثلاثة

    وبيشوف اسعار البيوت جم تقريبا ماتوقع يفرق بس كثير ..

    انا عندي زبونة شرت بيت قبل 6 شهور 175 الف الحين عارضته للبيع ومسيو ب 200 الف؟؟

    وايضا اتصلت علي ام لايتام وقالت عندي بيت كذا وكذا

    ولما رحنا شفناه اهي طلبت مبلغ معين للبيت لكن قلت لها بيتج يجيب سعر اكثر

    قالت الحل .. قلت لها نخلي عالسوم ونشوف جم يجيب لج

    وفعلا فرق معاها مبلغ مو بسيط .. لانه الملاك اساسا لا يعلمون حقيقة تقلبات السوق

    وكل وقت وله سعر قبل سنة الاسعار وين والحين الاسعار وين ..

    وانا اعتب على الناس تقول الدلالين والمكاتب حرامية وكذا وكذا ..

    والله يجماعه محد خرب شغل العقار والدلاله ونحش الكويتيين منها الا بعض الوافدين

    اساسا منقرضين الكويتيين في هالمجال ، اقصد كوسطاء مباشرين ..

    الله المستعان ..
     
  5. gulffalcon

    gulffalcon عضو جديد

    التسجيل:
    ‏10 ديسمبر 2009
    المشاركات:
    450
    عدد الإعجابات:
    0
    مكان الإقامة:
    عبدالله السالم
    (رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء)

    اللّهُـمَّ اجْعَـلْ في قَلْبـي نورا ، وَفي لِسـاني نورا، وَاجْعَـلْ في سَمْعي نورا، وَاجْعَـلْ في بَصَري نورا، وَاجْعَـلْ مِنْ خَلْفي نورا، وَمِنْ أَمامـي نورا، وَاجْعَـلْ مِنْ فَوْقـي نورا ، وَمِن تَحْتـي نورا .اللّهُـمَّ أَعْطِنـي نورا
     
  6. am7

    am7 عضو نشط

    التسجيل:
    ‏6 فبراير 2006
    المشاركات:
    618
    عدد الإعجابات:
    3
    اخوي بيوت الجهرا 1150 متر مالها سعر ثابت
    من 200 الف الى 350 الف

    ما تقدر تعطي البيت سعر دقيق
    لازم تعرف صاحب البيت كم يبيه