نهب عيني عينك

[Day_trading]

ياجماعه اتصل على واحد من اللى حاطين لافتات لشراء اسهم بوبيان قالى نشترى السهم منك بربع ونحط عليك كمبيالة بدينار قلت يالربع انا جاى ابيع والا اتدين احذرو منهم يا شباب

 

[ودي اربح]

بنك بوبيان

السلام عليكم.......
كمبيالة بدينار جان خلاها بعشره احسن انا اضم صوتي مع الاخ Day_trading الحذر واجب .

 

[circle]

الشرهه على القوانين الشكليه الكثيره فى الديره واللى ما تتنفذ الا فى حدود ضيقه جدا ,,, والا جان ما شفنا نصب قانونى مثل هذا ....... وين الاصلاح ... احد يدرى باى دائرى راح يبدا ؟؟؟؟
لكن اقول عدم التعامل معاهم افضل وصبروا على السهم شوى وانشاءلله تربحون اكثر .

 

[فارس العنزي]

السلام عليكم جميعاًً
ترا المصلحه لمن يشتري بربع دينار لأن مو هذا سعره إذا نزل بالسوق راح يكون أضعاف مضاعفه ، ويحط كمباله بدينار ليش ، الله يعيين لو كانت المصلحه لك ( البايع ) يمكن يسجنك لين ينزل البنك بالسوق ويقبض فلوسه .

 

[استثماراتي 120]

كلام جميل جدا جدا جدا

وانا بعد وياكم,,,,,,,,,,,,,,, ياجماعة نصب عيني عينك

الله المستعان...؟

 

[jreea]

يا جماعة الخير في احد يعرف جم وصل سعر سهم بنك بوبيان الاسلامي حاليا .
ولكم جزيل الشكر

 

[ولد الديرة]

السلام عليكم
اععتقد ان البورصة حطت قوانين يمنع البيع قبل ان يدرج السهم رسميا في البورصة وكان الهدف منه هو حمايتنا من تلاعب بعض التجار فينا ولا شنو معناتها يشتري مني بربع دينار ويحط علي كمبيالة بدينار....؟؟؟
يا جماعة السجون متروسة من ضحايا الاعلانات الموجودة في الشوراع
والسؤال... وين وزارة التجارة عنهم

 

[nasr 2]

القانون لا يحمى المقفلين باختصار

 

[buhamad]

القانون لا يحمى المقفلين باختصار

خوش كلام


.....................

 

[bu-abdullaziz]

السلام عليكم.

زين متى ينزل بالبورصه ؟!!

 

[سوق المناخ]

شهر 6 راح يوزعون شهادات للاسهم غير ( شهاده التخصيص ) وبعدها بسنه راح تنزل السوق ويمكن قبل السنه