الراس داخت صعووود هبووووط

الموضوع في 'اعلانات العقار' بواسطة كش ملك, بتاريخ ‏3 مارس 2010.

  1. كش ملك

    كش ملك عضو نشط

    التسجيل:
    ‏19 يوليو 2007
    المشاركات:
    214
    عدد الإعجابات:
    0
    :confused:والله يا اخوان تعبت من كثر التردد بسبب الآراء المختلفة ، صارلي الآن شهرين بايع بيتي وماسك الكاش بيدي أراقب واتابع المنتديات وعيني على أراضي شرق القرين ،

    ولكن المصيبة ان في حكمة معروفة يقولك العقار يمرض ما يموت وهذا اللي محمسني اني اشتري بسرعة ،

    والمصيبة الثانية ان هناك شبه إجماع وهذا الغالب في جميع المقالات أن هنك أزمة كاش وأن المعروض فاق الطلب ، وان شهر ثلاثة هو بداية الهبوط الحاد ،

    البعض قال بسبب قانون الضرايب ، والبعض قال خلاص إلى وين بعد الأسعار رايحة نحن في القمة ،


    وانا الآن لا أدري كيف اوفق واجمع بين القولين ،

    أحيانا أقول اننا تعودنا في الكويت ان الماشي عكس التيار يربح ،

    وأحيانا أقول يمن النزول فعلا مقبل ؟؟؟

    الأمر معقد والكاش عزيز ،

    فيدونا ،

    تحياتي
     
  2. q8_king1

    q8_king1 عضو نشط

    التسجيل:
    ‏31 أكتوبر 2009
    المشاركات:
    960
    عدد الإعجابات:
    10
    مكان الإقامة:
    العاصمة
    اصبر بعد كم شهر يعني بعد رمضان القادم توضح الصورة وعلي العموم راح تنزل الاسعار مو اكثر من 20 الف ولاتنسي اخي الكريم انة في تجار بالكويت يعرفون اشلون يصرفون الاراضي بدون ماتنزل الاسعار وخير دليل منطقة الصديق اسعارها لاتقل عن 220 الف
     
  3. قسور

    قسور عضو جديد

    التسجيل:
    ‏29 يونيو 2009
    المشاركات:
    183
    عدد الإعجابات:
    0
    مشاركه

    اخوي انه كنت نفس حلتك التريث زين

    بس هالوقت الأسعر نازله بنسبه حق جم شهر ولاكن بنظري بعدهي مرتفعه
    اخوي بسعر الأرض تدفع زايد 5 ناقص 5 هذي مو مشكله وحتى اذا رقبان وصل المبلغ لين 10 الف مو مشكله هذا اذا بتسكن انه شريت قبل شهر تقريبا ولازالت هي نفس الأسعار واغلب الي شفتهم وشاورتهم قالولي استعجلت وايد وصار عندي بعض الحيره بس معلومه اخوي لايأثرون عليك بسالفت البنيه التحتيه لأنه هذا شي موجود من زمان على جدول اعمال الحكومه
     
  4. واحد ثاني

    واحد ثاني عضو جديد

    التسجيل:
    ‏27 أكتوبر 2009
    المشاركات:
    47
    عدد الإعجابات:
    0
    الله يمسيكم بالخير اخواني

    اخوي اذا بايع بيتك وتقدر تشتري الحين اشتر واخلص ولا ترد على سوالف النزول والصعود

    باجر اذا ارتفعت الاراضي مره ثانيه وانت ما شريت راح تتحسف صحيح وما راح احد يفيدك

    اما اذا بتقولي يمكن اشتري وتطيح الاسعار فكر انها راح ترتفع يوم من الايام وغيرك مو قادر يشتري

    اخيرا ما اقول الا توكل على الله وبالتوفيق
     
  5. اتحادي

    اتحادي عضو جديد

    التسجيل:
    ‏12 فبراير 2010
    المشاركات:
    75
    عدد الإعجابات:
    0
    اعزم وتوكل على الله عز وجل

    يعني شكثر بينزل سعر الارض او البيت

    لنفرض سعر الارض 100 الف هل راح تنزل لل50 الف مستحيل

    ممكن تنزل لل85 الف لل90 الف

    اذا لقيت الشي الزين توكل على الله واستخير
     
  6. المنظور الشامل

    المنظور الشامل عضو نشط

    التسجيل:
    ‏30 مايو 2009
    المشاركات:
    1,161
    عدد الإعجابات:
    0
    اول شئ عليك بصلاة الاستخارة وأن شاء الله تتنور بصيرتك

    ثاني شئ أعقلها وتوكل ....... كلنا بالبداية تحيرنا بس الحمدلله الأمور ماشية :)
     
  7. بوعبدالعزيز68

    بوعبدالعزيز68 عضو نشط

    التسجيل:
    ‏30 أكتوبر 2007
    المشاركات:
    165
    عدد الإعجابات:
    0
    اخوي كش ملك بس ابي اقول لك اللي صار معاي وانت لك الخيار العام الماضي بشهر 3 بعت بيتي في منطقة بيان وكنت ناوي اشتري بمنطقة المسيله فعندما بعت كانت الأسعار تتراوح بين 105 و110 للشارع واحد وطبعا المواقع كانت من 140 وانت صاعد فكانو ناس وايد ينصحوني بالانتظار لان الصيف قادم وكنت ادخل بالمنتدى نفس الشيء انزين تشوف الكلام وايد والواقع شيء ثاني واشوف الاسعار كلماله وتصعد وادق على الدلالين اخذ رايهم منهم منهم من يقول اشتر لان انت تبي تبنيها ومنهم يقول لا الصيف قادم والنزول قادم وتميت على هالحيره لمدة 3 شهور وكلفتني 20الف دينار هالنطره والف حمدلله على كل حال اشتريت الارض والحين على وشك البناء ونحن نتمنى الاسعار تنزل ويقدرون يشترون الشباب وتتعمر مناطق شرق القرين كلها واسف على الاطاله والخلط بين الكويتي واللغه العربيه
     
  8. q8free2009

    q8free2009 عضو جديد

    التسجيل:
    ‏11 أكتوبر 2009
    المشاركات:
    143
    عدد الإعجابات:
    0
    السلام عليكم الارض مافيها خساره والربع اللي قبلي ما قصروا بالنصيحه وعسى الله يوفقك بالبيت اللي يسرك واستخير وتوكل على الله سبحانه
     
  9. مشعل الطاهر

    مشعل الطاهر عضو جديد

    التسجيل:
    ‏8 يناير 2010
    المشاركات:
    103
    عدد الإعجابات:
    0
    مع احترامي هذا الكلام غير صحيح لاني سمت ارض راس بالمسيله ب200 بشهر5وراعيهاكان حادها220 والحين حادها 180والي مومصدق يدخل علي موقع www.findq8.com