خدمة عملاء الأوســط

[alawsat_CC]

أخواني العملاء
أخواني الراغبين بان يكونوا عملاء في شركة الأوسط



عيدكم مبارك وكل عام وانتم بخير

اعرفكم بنفسي ، انا موظف في خدمة عملاء شركة الاوسط وساعات عملي هي صباح كل يوم سبت إلى يوم الاربعاء واقدر اساعدكم على اي سؤال يخص فتح الحسابات وشروط فتح الحساب وكل الطرق الي تسهل عملية فتح الحساب وايداع المبلغ في البنك وتحويله من حسابك في الاوسط الى حسابك في البنك

ان كنت في الكويت او خارجها احنا في خدمة كل عملاء الاوسط وحتى لو بغيت تعرف من باب العلم بالشيء فانا في خدمتك وحاضر بلي تامر عليه

اي سؤال او استفسار عن خدمة العملاء احنا في خدمتكم

ساعات عملي في المنتدى ستكون صباح كل يوم سبت الى يوم الاربعاء

ومافي مانع اشارك في اوقات مختلفة لكنها غير محددة وراح يسد مكاني المشرف أو موظف خدمة السوق الكويتي او الامريكي

 

[السهم الامريكي]

عزيزي

اخي العزيز موظف الاوسط المحترم

سررنا بسماع خبر الغاء العمولة بالسوق الكويتي

واود معرفة ما اذا كانت لديكم اي نية لتخفيض العموله بالسوق الامريكي ايضا

وشكرا لكم على التواصل واتمنى ان يكون مثمرا

 

[SAIF1743]

بداية طيبة ان شاء الله و عصر جديد في سنة جديدة .. نتمنى ان تكون هناك خدمات جديدة من الأوسط تساوي أو تضتهي البروكر الأجنبي ان شاء الله .. و كذلك تخدم شبابنا اللي معاكم .. و تنحل جميع الملاحظات اللي عند الشباب ....

احييك على اسلوبك الراقي في هذه الرسالة و اتمنى لكم تطورا ملموسا في سنة جديدة ...

 

[alawsat_US]

مساء الخير

العميل / السهم الامريكي

نيابة عن موظف الخدمة واسمح لي

عندنا اقتراحات كثيرة بخصوص السوق الامريكي وانشالله في القريب العاجل يكون في خدمات جديدة ووقت ما نطرح شي جديد راح نبلغكم اول باول

 

[alawsat_US]

مساء الخير

العميل / Saif1743

انشالله كل خير في عندنا جدول افكار راح يكون لها اولوية في القريب العاجل وراح تشوف كل خير انشالله

 

[السهم الامريكي]

?

اود التنبيه فقط يا اخي العزيز

بما انكم من اشهر الشركات حاليا في مجال الاسهم الامريكية

يرجى الاهتمام بالموقع الخاص بالاوسط حيث انني اعتقدت بانه السوق اليوم شغال بعد ما تاكدت من موقعكم ولكن الاخ النادر قام بتنبيهنا بجدول العطل الرسميه للسوق الامريكي حيث انكم لم تقوموا بتغيير الجدول والجدول الموجود حاليا خاص بالسنه الماضيه ارجو الانتباه والاهتمام بالموقع

 

[alawsat_US]

مساء الخير

العميل / السهم الامريكي

شكرا على هذه الملاحظة وساقوم باعطاء الملحوظة الى المبرمج وسيقوم بتغييره

وشكرا

 

[اعرابى]

السلا م عليكم
اسمحوا لى يا اخوان
فى مثل يقول مداح نفسه يبيله ؟
اخوانى موظفين الاوسط شايفن فعلكم (
انتم اكثر ناس شايفين حالهم على العملاء واكثر اعطال ؤعموله وووووووووووالله مانخلص منكم الى الصبح صح علوش
واذا تبى استبيان من اخوانى اهل المنتدى حاضرين, لانى اعرف اكثر الاشخاص الموجودين فى هذه المنتدى طلعوا من الاوسط (
انتظر مفاجأه2005

 

[alawsat_CC]

السلا م عليكم
اسمحوا لى يا اخوان
فى مثل يقول مداح نفسه يبيله ؟
اخوانى موظفين الاوسط شايفن فعلكم (
انتم اكثر ناس شايفين حالهم على العملاء واكثر اعطال ؤعموله وووووووووووالله مانخلص منكم الى الصبح صح علوش
واذا تبى استبيان من اخوانى اهل المنتدى حاضرين, لانى اعرف اكثر الاشخاص الموجودين فى هذه المنتدى طلعوا من الاوسط (
انتظر مفاجأه2005

اخونا العميل اعرابي اول شي كل عام وانت بخير وعيدك مبارك والله يوفقك في كل وقت تتداول فيه

اخوي العميل اعرابي ليش ماتقولي شنو اهي اقتراحاتك الي لازم نبحث فيها ؟ وشنو تشوف ممكن احنا نقدر نقدمه لك بدل ما تكتب لنا عتاب واحنا نقبل عتابك وكلامك بكل سعة صدر

اخوي العميل اعرابي اتمنى انك تكتب لنا كل اقتراحاتك والي تبيه واحنا ماراح نقصر راح ناخذ كل هالاقتراحات الي انت تقدمها وغيرك يكتبها ونرفقها بملف المقترحات ونحسبها من الصوبين صوبنا وصوبك مثل ماتبي تربح واحنا قاعدين نساعدك لازم احنا نربح ولازم تساعدنا

مشكور على كتابتك لنا واحنا مقدرين كل كلمة تقولها لنا واحنا بالنهاية بخدمت كل الاخوان

 

[kuwaitstar]

السلام عليكم جميعا
وكل عام وانتو بخير انشاء الله
شاكريلكم اخوي الاوسط على المبادره الطيبه
بس واكرر سوال الاخوان هل لكم نية في تخفيض الرسوم في السوق الامريكي ومتى؟
لان كثير من الشباب من الي اعرفهم ودهم بالاشتراك لديكم ولكن الرسوم بالنسبه لهم كانت عائق لهم في الذهاب الى الاجنبي
ونتمنى منكم التوفيق في اختياركم للخدمات الجايه وسرعه التنفيذ

وبالتوفيق انشاء الله

 

[alawsat_CC]

السلام عليكم جميعا
وكل عام وانتو بخير انشاء الله
شاكريلكم اخوي الاوسط على المبادره الطيبه
بس واكرر سوال الاخوان هل لكم نية في تخفيض الرسوم في السوق الامريكي ومتى؟
لان كثير من الشباب من الي اعرفهم ودهم بالاشتراك لديكم ولكن الرسوم بالنسبه لهم كانت عائق لهم في الذهاب الى الاجنبي
ونتمنى منكم التوفيق في اختياركم للخدمات الجايه وسرعه التنفيذ

وبالتوفيق انشاء الله

اخونا العميل kuwaitstar مشكور اول شي على هالكلام الطيب وكل عام وانت بخير واخبرك واخبر الاخوان ان اكيد في خدمات للسوق الامريكي واحنا قاعدين ندرس كل شي مثل مادرسنا وضع السوق الكويتي وقدرنا نوصل الى حل لازم ندرس السوق الامريكي وبعدها نقدر نقدم خدمات جديدة وافكار لازم تكون موجوده

قول حق الشباب وكل الاخوان والاخوات احنا في خدمتهم وحياهم الله وراح يلقون كل عناية واهتمام من الاوسط وماودنا يروحون للاجنبي وتتغرب فلوسهم خل فلوسهم يمهم وبين ايدينهم

ومشكور يا kuwaitstar واحنا بخدمتكم انشالله

 

[wishes]

السلام عليكم
ممكن استفسر عن شروط فتح الحساب في السوق الامريكي ابتداءا بالمبلغ
وانتهاءا بكل التفاصيل
والله يعطيكم العافيه

 

[alawsat_CC]

السلام عليكم
ممكن استفسر عن شروط فتح الحساب في السوق الامريكي ابتداءا بالمبلغ
وانتهاءا بكل التفاصيل
والله يعطيكم العافيه

اخوي العميل wishes عليكم السلام وحياك الله ياطويل العمر

بالنسبة لعملية فتح الحساب العملية في غاية السهولة واحنا بخدمتك قبل لا اقدم لك جوابي ابي اعطيك مواقع مفيده فيها شرح تفصيلي اكثر

هذا العنوان فيه شرح لعملية فتح الحساب بالصور واتمنى زيارته لانه في معلومات وملاحظات مهمة :

http://www.indexsignal.com/vb/showthread.php?t=19570


هذا العنوان فيه طريقة احتساب العمولة للسوق الامريكي :

http://www.indexsignal.com/vb/showthread.php?t=19528

هذا العنوان فيه طريقة ايداع الفلوس في محفظة العميل الشخصية :

http://www.indexsignal.com/vb/showthread.php?t=19664




عندي سؤال قبل لا اكتب اي توضيح او زيادة في المعلومات حضرتك موجود داخل الكويت أو خارجها ؟ علشان أوضح لك بعض الامور للاستعجال في فتح الحساب ؟؟؟

 

[wishes]

انا موجوده في الكويت وانا بصراحه قاريه هالعناوين من قبل بس في اشياء
ما فهمتها لاني بصراحه يديده وقاعده احاول اتعلم شوي شوي
بس انا بغيت استفسر عن المبلغ اللي يخولني انه يكون عندي حساب
بالسوق الامريكي وعن الاجراءات اقدر اسويها كلها عن طريقكم والا لازم
في النت
وشكرا واسفين على الازعاج

 

[zoom]

سبحان الله

سبحان الله مغير الاحوال .. يوم الاوسط ينزعج من اي نقد يقدم له من المشتركين ويرد رد غير منطقي نهائيا .. ويوم يرد رد دبلوماسي وفيه شئ من الاعتراف بالاخطاء .. لنرى ما سيحدث في العام الجديد من تطورات للاوسط .. لكن اعتقد ان هناك عدة اشخاص بالمنتدى يردون باسم الاوسط وباسلوب مختلف تماما حيث احدهم يرد بعنجهيه والاخر يرد باسلوب محترم والثالث يرد باسلوب مغاير للاثنين .. اتمنى ان اكون مخطأ تماما .. ولكن يجب الاوسط ان يحسن خدماته حيث انه يوجد اشخاص لهم محافظ كبيره وليس عندهم اي استعداد لحدوث اي مشكله تتعلق بالاستريمر او اختلاف بالاسعار او اي كان الخلل .. موفقين انشالله

 

[alawsat_CC]

انا موجوده في الكويت وانا بصراحه قاريه هالعناوين من قبل بس في اشياء
ما فهمتها لاني بصراحه يديده وقاعده احاول اتعلم شوي شوي
بس انا بغيت استفسر عن المبلغ اللي يخولني انه يكون عندي حساب
بالسوق الامريكي وعن الاجراءات اقدر اسويها كلها عن طريقكم والا لازم
في النت
وشكرا واسفين على الازعاج

مامن ازعاج واحنا بالخدمة واحنا اهني بالمنتدى وفي كل مكان علشان عملائنا

قصدت من التواجد هو بقصد سرعة الاستعجال بفتح الحساب

عموما بخصوص سؤال المبلغ فان المبلغ الي يبي يودعه العميل بحسابه يرجع له واحنا ما نتدخل في هالامر يعني يقدر العميل يفتح حساب ويتابع السوق من غير ما يودع عندنا فلس واحد .

بس علشان يشوف السوق مباشر وlife لازم يحط اقل شي 500 دولار واذا حب يسحبهم يقدر يسحبهم باي وقت واهي ليست وديعه او مبلغ مجمد اهي فلوس العميل ويقدر يتداول من هالفلوس ، هالمبلغ الي يحطه علشان يقدر ينزل برنامج الاوسط برو الي من خلاله يشوف السوق life

اي سؤال اي استفسار انا حاضر

 

[kooonan2002]

لو يقوم الاوسط بتعديل العمولة و جودة الاتصال سيتحول كل الشباب اليه.

خصوصاً ان الاوسط يمتلك ميزة لا يملكها الوسطاء العالميون، الا وهي خدمة المضاربة اليومية المفتوحة برأس مال اقل من 25000 دولار.

 

[alawsat_CC]

لو يقوم الاوسط بتعديل العمولة و جودة الاتصال سيتحول كل الشباب اليه.

خصوصاً ان الاوسط يمتلك ميزة لا يملكها الوسطاء العالميون، الا وهي خدمة المضاربة اليومية المفتوحة برأس مال اقل من 25000 دولار.

اخوي العميل kooonan2002 وصديقنا المحترم السلام عليكم وعيدك مبارك

ملاحظاتك مهمة واحنا دايما نقول ياجماعة كتبوا لنا وقولوا شنو اهي احتياجاتكم وشنو اهي مطالبكم بالنسبة للعمولة تاكد ان هالامر ماخذينه بعين الاعتبار وفي اكثر من اقتراح من عملائنا قاعدين ندرسها وماخذينها بعين الاعتبار اما بالنسبة لجودة الاتصال بصراحة هذا اول راي انا شخصيا اقراها وماني عارف اخوي kooonan2002 شنو تقصد بجودة الاتصال لان الاخوان بغرفة التداول يردون على المكالمات ويساعدون العملاء بكل شي

مشكور يا kooonan2002 وهذا الي احنا ندور عليه ندور كلام عملائنا واقتراحاتهم علشان نعرف شنو بالضبط نقدر نسوي

 

[alamer70]

اهلا اخ الاوسط فكرة حلوة وجودكم فى المنتدى

عندي استفسار

طريقة تحويل من حساب السوق الكويتي (دينار) الى حسابى فى السوق الامريكي (دولار)


ولكم جزيل الشكر

 

[ALBRENS611]

سؤالى للاوسط مااسم عميلكم بالسوق الامريكى اللى ينفذ الاوامر