افضل بنك من ناحية الاقراض حالياا ؟؟؟

[bu-abdullaziz]

بوبيان أقل بس لازم يكون حسابك محول عندهم عشان تحصل علي قسمه افضل.

عن طريق موقعم الالكتروني راح تعرف الحسبه الصحيحه , جرب بنفسك عشان تعرف الافضل..

تحياتي..

 

[امبركو]

بنك بوبيان ارخص من بيتك

بس يقولون الكويت والشرق الاوسط بيتحول اسلامي من 1/4/2010 يعني بعد شهر تقريبا

اتوقع بسوي عروض مغريه

واذا لك خلق تنطر .. يقولون الفائده مالت المركزي بتنزل بعد لين توصل 2 %

عاد مادري متى

مافي اخبار عن الشرق الاوسط

بنك الكويت الشرق الاوسط تحول اسلامى من أول ابريل بإسم البنك المتحد
يس لحد الآن مابلش يالتمويل الشخصى بنظام المرابحه أو التورق ، ويقال خلال الاسبوعين القادمين ان شاء الله
والله أعلم،،

 

[خالد خالد]

قارنت بين بيتك وبوبيان طلع بوبيان اقل وافضل شوى من ناحية الاراض بنفس المبلغ اللى ذكرتة

 

[ابو عبادي]

انا اقولك خل عنك القروض وروح تزوج احسن لك ترا في الزواج بركه

ما تبيع الصوره الي انت حاطه

 

[FreeTrader]

اخوي منت خسران شي
سو الي انا سويته لما جيت وبشتري ساره

اتصلت على بيت التمويل وبنك بوبيان وعلمتهم على المديونيه الي ابيها
لقيت مافي فرق بينهم حتى لو حولت راتبي على بوبيان يفرق معاي بالقسط يمكن دينار التمويل ارخص منه

وثاني يوم رحت بنفسي الوكاله وسالتهم عطوني نفس الحسبه
مافي فرق بينهم ولا اعلم عن البنوك الثانيه

بس يمكن بالقروض الاسكانيه او الاراضي يفرق الله اعلم
بس الي اقصده تلفون منك لهم يخليك تعرف كل شي

 

[almu7ank]

انا اعرف انه فيه كلام يقول من فرج على مسلم كربه فرج الله عنه كربه يوم القيامه - السؤال المهم انا محتاج قرض 40 الف وفيه بنك ربوى صريح وفيه بنك اسلامى ربوى شلون ربوى يطول الحديث فيها ولكن نفرض اخذت قرض من بوبيان او بيتك طبعن فيه فايده بياخذها نفرض الله يسر اموورك وجيت بعد سنه تدفـــــــــــع اجزم راح تدفع كل المبلغ مع الفايده هذا بخصوص البنك الاسلامى معناها عسر على مايسر اوكى لو اخذ من بنك ربوى صريح مثل الوطنى والله يسر اموري وجيت بعد سنه ادفـــــــــع وكييش بهالحاله راح اطيح عنى الفوايد بهالحاله الربوى الصريح يسر على ماعســـــــــر - هذا مجرد رايي والله ولى التوفيق

اتق الله في نفسك

يمحق الله الربا ويربي الصدقات
المرابي كأنه يحارب الله
المرابي كأنه يزني في امه سبعين مره

اتق الله في نفسك

 

[m.h.a]

بارك الله فيكم وما قصرتو .... اخواني الغرض من القرض ترميم البيت وبناء شقق بالدور الثالث

وبالسبه للبنوك انا كنت اقصد البنوك الاسلاميه وليست الربويه
وافهم من كلامكم ان بوبيان افضلهم ؟؟؟؟
واذا فى طريقه افضل من القرض الكاش هم تنوروني فيها جزاكم الله خير

ملاحظه : حسابي على التمويل وما عندي اقساط

اخي الكريم
عندك بيتك وبوبيان ويمكن وبنكين تحولوا اسلامي الدولي والاهلي المتحد
فنصيحتي لك فض نفسك يوم وروح لهم واحد واحد وخل يحسبولك التورق
وشوف الافضل حوله بما انك حر وماعندك اقساط
كل دينار اقل انت وعيالك اولا فيه

 

[احمد knpc]

انا اعرف انه فيه كلام يقول من فرج على مسلم كربه فرج الله عنه كربه يوم القيامه - السؤال المهم انا محتاج قرض 40 الف وفيه بنك ربوى صريح وفيه بنك اسلامى ربوى شلون ربوى يطول الحديث فيها ولكن نفرض اخذت قرض من بوبيان او بيتك طبعن فيه فايده بياخذها نفرض الله يسر اموورك وجيت بعد سنه تدفـــــــــــع اجزم راح تدفع كل المبلغ مع الفايده هذا بخصوص البنك الاسلامى معناها عسر على مايسر اوكى لو اخذ من بنك ربوى صريح مثل الوطنى والله يسر اموري وجيت بعد سنه ادفـــــــــع وكييش بهالحاله راح اطيح عنى الفوايد بهالحاله الربوى الصريح يسر على ماعســـــــــر - هذا مجرد رايي والله ولى التوفيق

عسى الله يهديك اخوى ويبعد عن الفتن ويصرف عنك تلبيس ابليس