تتوقعون ماهي المنطقة المخفيه الجديدة بعد شمال الصليبخات ؟؟

[ابو غانم]

هناك مناطق خفيه جديده دائما عودتنا عليها الرعاية السكنية تطلع مثل الفقع .. على سبيل المثال بعد منطقة ام الهيمان طلعت لنا المنقف وفهد الاحمد .

السؤال بعد منطقة شمال الصليبخات تتوقعون شنو المنطقة الجديدة القريبه ؟؟

ناس يقولون غرب هدية وناس يقولون فيه ابو حليفه وناس يقولون منطقة على الدائري السابع !!!!!

وفيه ناس تقول لا مافيه الا ضاحية صباح الاحمد وضاحية جابر الالاحمد والمطلاع وخيران وبس .. غيرها لحد يفكر .

نبي رايكم ياشباب

 

[TCR3]

ضاحية صباح الاحمد وضاحية جابر الالاحمد والمطلاع وخيران

 

[مستريح]

المطلاع والخيران

 

[F*N]

فى منطقه بالجهراء تقريبا 700 قسيمه بمساحه 500 متر مقابل مخفر تيماء جنب الشعبيات
والله اعلم
​

 

[الامعط]

.

الله العالم يالحبيب ( الصليبية سيتي)

 

[استثمارات]

طبعا بالوقت القريب 2 الى 5 سنوات

المناطق هي

جابر الاحمد .. مدينة صباح الاحمد وهي كبيرة جدا .. وايضا مدينة الخيران

والمطلاع اخر وحده اتوقع تخلص ..

اما بخصوص غرب هدية للحين ماصار شي واذا صار شي يبيلها 3 سنوات علشان تجهز

 

[اسهم]

اقول اللي اخذ في جابر وتدبس في سعد العبدالله راحت عليه غرب صليبخات والمناطق هي:

النسيم

خيطان

المرقاب

هناك منطقة على الشريط الساحلي باتجاه الفنطاس للحكومة اراضي وعددها محدود

 

[طارق55]

اخوي اسهم

هل تعتقد ان الي اخذ في جابر الاحمد تدبس فيها وطافته غرب اصليبيخات ؟؟
اخوي انا عندي منطقه جابر الاحمد احسن من صليبيخات يكفي اني ماراح اقط علي معالجه الارض وهذي مثل السير ينمط معاك ..

 

[مفتش تجاري]

السلام عليكم
اتوقع المنطقه الواقعه مقابل شمال غرب الصليبخات وتكون ايضآ مقابل القيروان اللي هي مقابل جابر الاحمد بعد وصايره نفس طريقة المثلث هذا راي الشخصي وتوقعي والله اعلم شكرا على طرح السؤال اخ بو غانم

 

[مستريح]

اللي اخذ في هالمناطق تدبس عدل


صباح الأحمد

سعد العبد الله

جابر الاحمد نستثني منها قطاع b

الخيران لو وزعوها بس اهون من صباح الاحمد

المطلاع

ام الهيمان


والمناطق الزينه واللي اخذ فيها امه راضية عليه و اللي ظهرت وهي افضل المناطق


شمال غرب صليبخات لأنها آخر مناطق العاصمة وقريبة من البحر والخدمات

وخيطان لو وزعوها بسعر مناسب


وابو حليفة لو فيها توزيع


والله اعلم

 

[mr_n]

حسب ماسمعت أن فيه قطعه او قطعتين عدد بيوتها لابأس بها خلف نادي الساحل في ابو حليفه .. عليها كلام انها راح تتوزع والله اعلم

 

[q8_king1]

داخل المنطقة الحضرية بعد قطعتين في منطقة النسيم وغرب هدية ماظن فية توزيع وكل المناطق راح تكون خارج المنطقة الحضرية كنا نتمني تكون قسايم المطلاع 600 متر كان صارت احسن مشروع اسكاني بس معة الاسف 400 متر

 

[بو_راشد]

الصليبه المشروع القادم بس يبيله صبر 4 سنوات

 

[Perfumes2009]

اقول اللي اخذ في جابر وتدبس في سعد العبدالله راحت عليه غرب صليبخات والمناطق هي:

النسيم

خيطان

المرقاب

هناك منطقة على الشريط الساحلي باتجاه الفنطاس للحكومة اراضي وعددها محدود

وين المرقاب اخوى انما من الحين ادفع 100 الف حق المرقاب اذا صح الخبر

 

[am7]

هل النسيم ستكون مزاد أم توزيع ؟

 

[ابو غانم]

طيب وين البشارة اللي بشرنا فيها الشيخ أحمد الفهد بمشروع غرب هديه ؟؟؟؟؟؟!!!!!

 

[q8_king1]

ليلحين مافي كلام علي غرب هدية شكلها مشروع مؤجل لحد مايتم توزيع مدينة صباح