عندي مشكلة في الايفون

[qadsawi]

السلام عليكم عندي مشكلة في الايفون موعارفين شلون انحلها لا انا ولا فيفا ولا المحلات المشكلة في الرصيد يطير وما ادري وين يروح اشيك علي الرصيد وبعد ساعة اشيك طاير منه ياخمسين يامية فلس يعني تقريبا دينار وستمائة فلس في اقل من يوم وللعلم انا اشبك علي الدي اس ال يعني ما ادري من شنو وكل مل ادق علي الفيفا يقولون انترنت اقولهم انا اشبك علي الدي اس ال يقولون ما ندري ياريت تفيدوني وانا رحت محل بحولي وشال لي ال3gبعد نصف ساعة طار نصف دينار ما ادري من شنو وجزاكم الله خير

 

[mazab_2003]

اخوي انا واجهت المشكله نفسها ودفعني فوق ال ٣٠ دينار المشكله في ال3g الايفون مصمم يشتغل ويسوي ابديت بروحه لازم تسكرها من السيتنج بس للاسف انا بعت تليفوني لو تحب تقابلني بحولي وانا احلها لك.

 

[qadsawi]

السلام عليكم اخوي انا لغيت ال3gوتوني دشيت منتدي عالم الايفون في طريقة سويتها بس مادري تضبط ولا لأ الي هي تدش موقع سفاري وتحطunlockit.co.nzوبعدين continueوبعدين fakeapn,وبعدين يطلع لك تثبيت واضغط علي التثبيت وتنحل المشكلة ما ادري صحيحة هالطريقة وتضبط ولا لأ وجزاك الله خير

 

[qadsawi]

سويت الطريقة هذه الي حطيتها وسحب رصيد ياجماعة الخير من يفيدني بارك الله فيكم

 

[bolbanat]

انا اقوللك شتسوي
دش على ال setting بعدين general وبعدين network بعدين cellular data network بعدين حط خرابيط اي شي مثلا ggg عند ال apn & usernama & password وسلامتك

 

[KuWaiT DriFT]

اخوي سو مثل ما قالك ابو البنات

اذا ما ضبط وياك

سو جليبريك حق تلفونك علشان تقدر تطفي ال edge

يعني باختصار الحل اهوا انك تسكر الادج

 

[qadsawi]

السلام عليكم يعطيكم العافية انا سويت الي قاله اخوي ابو البنات وضبط وياي بس بعد دقيقة صرف تقريبا 4 فلوس ما ادري من شنو ادش قوقل ما يشبك وادش اي موقع ما يشبك الظاهرفي عند البطارية شعار سماعة تليفون الظاهر انها الي تصرف عالعموم يطيكم العافية وما قصرتوا انا الحين شلت الخط عشان ما يصرف عشان باجر اروح حق فني بس اذا تعرفون خبير ايفون يشوف لي مشكلة هالسماعة وجزاكم الله خير