موضوخ الأخ علقم يستحق التثبيت لأن مضمون الموضوع دائم و ليس وقتي,,,
بعد اذن الأخ علقم ودي أكتب هالاضافه,,
ان أخطر نوع من انواع التطبيل هو عندما يتفق شخص مع صانع سوق سهم معين و يقوم هذا الشخص \\صبي صانع سوق\\ يجند له 3 او 4 مساعدين او يسوي له 3 او 4 نك نيم\\ يبدأ صبي صانع السوق بفتح موضوع عن سهم الشركه في احد المنتديات و يدعي انه اما محلل او انه يعرف صانع سوق السهم او كبار الملاك و يقول ترى السهم بصعدونه الى سعر كذا و فعلا يوصل و هنيه يجي دور المساعدين بالتطبيل له و بعدين يقول ترى السهم بيكمل الى سعر كذا و فعلا يوصل نفس السعر تقريبا و يقومون المساعدين بزيادة المدح له\\
و هنيه الي على نياتهم يشترون السهم و التكتيك على حركة السهم مع التطبيل يخلي الناس الي على نياتهم يصدقون و يزيد عددهم و يدشون على السهم بقوة و بالأخير ينصادون و يخسرون خساره جايده و بعدين يحسون انه انضحك عليهم!! و يلومون صاحب الموضوع و بعدين يطالبون المشرفين بمعاقبة صاحب الموضوع بعد فوات الأوان و تلاقي صاحب الموضوع قب من المنتدى قبل معاقبته بالايقاف!! و من العجيب ان نفس المطبلين (المساعدين) يسوون انهم ضحايا علشان يبعدون عن انفسهم الشبهه هذا اذا ما طلعت الأربع نك نيم لنفس صاحب الموضوع|| قصص المطبلين ما تنتهي و يروح واحد و جي ثاني و ما يخلصون\\ و لا نستبعد حصول هالشي في أي يوم من الأيام الجاية,, لأن هذا مرض ما ينتهي مثل الانفلونزا تروح و تجي و الشاطر هو الي ما تنطلي عليه هالألاعيب مهما كان صعود السهم مغري\\ العبره بالنهايه مو في أثناء صعود السهم,, و ترى صانع سوق السهم يعرف الي له و لربعه و الي للضحايا لأنه بعد كل تداول يحسب الكميات!!!!!!
نكشه: ترى ما فيه أحد يحط توصية حقيقية 100% على العام لأنها تكون سرية أو محفوفه للمقربين \\ أما باقي التوصيات فهي غير مؤكده 100% أو يكون وراها مصلحة خاصة اذا صدقت التوصيات أكثر من مرة لأن التوصية الثالثة تكون قاتله بسبب الثقة العمياء بصاحب التوصية و هذا صلب موضوعنا || أما المحللين الفنيين ان شاء الله لهم أجرين اذا اصابوا و أجر واحد ذا ما صابوا,,
و الله من وراء القصد,,,
و عساك على القوة اخونا الفاضل علقم على الموضوع المهم