كل ما يخص البناء في منطقة المسيلة - شرق القرين

[ديناركو لمتد]

ديناركوووو شنو الاخبار عندكم

الأخبار طيبه والاسعار نار مثل حرارة الجو حته اشتانه كان دافي هالسنه

واعتقد مارح يمدينه انبلش بنيان قبل ارمضان والله ياخوك للحين الرخصه ما طلعت واليوم متناجر ويه البلديه وسبب التأخير

وانطر استلم الرخصه واقدمها حق بنك التسليف وبنك التسليف يبله حروة الشهر ونص والصبر مفتاح الفرج

بس ما عليك الصبر جميل

وماني ناسي الشاي والقهوه والدرابيل والبقصم والضحه حب شمسي

بس الظاهر الصابون زايد بالسوق هاليومين قالو الكميه راح تخلص اخر شهر خمسه والحين دشينه بشهر زته يازول ولس الصبون مخلصشي يراقل

 

[ودي اربح]

مرت علينا الايام يا جيرانا بسرعه كلمح البصر
وبمناسبة مرور سنه نقدم لكم هذا الانتاج الجديد
فيلم ابوفطيرة
رابط الفيلم الجديد
v
v
v
v
v
v
v
v

اضغط هنا
سوينا شي ماصار
صرنا محط انظار​

 

[ديناركو لمتد]

انطباع جيد لي ابوفطيره

 

[عذبي 71]

أهداء للاخ الغالي ديناركولمتد
وجميع اهالي المسيله

 

[عذبي 71]

منطقه جميله

 

[ديناركو لمتد]

تسلم على اهدائك اخوي عذبي يا اسسسسسسسسسد شرق القرين :d

والقسيمه الي تصور منها ملك واحد من الربع القطان

حلاته مصور قطعه 5 قبال العدان الربع الي مبلشين هناك وايد

 

[ودي اربح]

تسلم الايادي يا عذبي
خوووش صور من فووووق دير بالك ياااا معووود

 

[بوعبدالعزيز68]

منطقه جميله

مشكور يا اخ عذبي71 على المرور بالقسيمه بس لي عتب عليك شدعوه شان ضيفناك اقلته ستكانة شاي والمكان مكانك وجميع الاخوان وحاب جدا اتعرف عليك وكنت وما زلت تييب الاخبار الحلوه

 

[ديناركو لمتد]

اخوي بو عبد العزيز شلون مقاولك خلدون طال عمر

وتنصحني فيه ولا موذي

واذا عندك فكره الخرسانه الجاهزه جم التكلف حق نفس مساحة قسيمتك والخلطه الأيرانيه جم التكلف

 

[ودي اربح]

مشكور يا اخ عذبي71 على المرور بالقسيمه بس لي عتب عليك شدعوه شان ضيفناك اقلته ستكانة شاي والمكان مكانك وجميع الاخوان وحاب جدا اتعرف عليك وكنت وما زلت تييب الاخبار الحلوه

يو عبدالعزيز ما شاء الله تبارك الرحمن

القسيمة اللى مصور منها عذبي قسيمتك ؟؟

 

[بوعبدالعزيز68]

اخوي بو عبد العزيز شلون مقاولك خلدون طال عمر

وتنصحني فيه ولا موذي

واذا عندك فكره الخرسانه الجاهزه جم التكلف حق نفس مساحة قسيمتك والخلطه الأيرانيه جم التكلف

اخوي ديناركو لمتد
الحمدلله الله وفقني بالمقاول خلدون من ناحية شغل ودقة ونشاط وتعاون وطيبه والله انصحك تاخذه وانشالله ما تحسف وترتاح بس انت عجل باجراءات البلديه وخلص شغلك بنفسك
وبالنسبه للخرسانه الجاهزه كلفتني تقريبا بحدود 12 الف طبعا من الشركة البريطانية وهي معروفه بجودتها وراح يسكر المبنى الاسود تقريبا بحدود 33 الف دينار طبعا مع الحديد المدعوم اما الخلطه الايرانية تحتاج تعب شويه ويمكن توفر 700 الى 1000 دينار على الكلام اللي سمعته
وحياك باي وقت

 

[بوعبدالعزيز68]

يو عبدالعزيز ما شاء الله تبارك الرحمن

القسيمة اللى مصور منها عذبي قسيمتك ؟؟

اي نعم وحياك انت وعذبي واللي يعز عليكم بس نبي نشوفكم

 

[طارق55]

ماشاء الله .. ولاحول ولاقوه الا بالله .. بارك الله لكم .. في مارزقكم

اهنيكم اخواني علي المنطقه وعلي الجيران الطيبه .. وعلي السكن .. جعله عامر بذكر الله

وأي استفسار في البنيان انا حاضر .. باللي اعرفه .. ولايردكم الا لسانكم

 

[bu sale7]

يو عبدالعزيز ما شاء الله تبارك الرحمن

القسيمة اللى مصور منها عذبي قسيمتك ؟؟

عسى الله يبارك لك فيها والله دايم امر صوبها

سبحان الله اطلعت لاخونا بو عبدالعزيز

 

[عذبي 71]

هلا بوعبد العزيز الغالي ابصراحه انا سعيد جدا اني دخلت بيت اخوي ..
وابصراحه لو ادري جان دقيت مسمار بالطوفه..
حق الزمن عشان كل يومين اجي ازور مسماري
حبيبي بوعبدالعزيز بصراحه فيلا رائعه جدا وتصميم اكثر من روعه ..
ومقاولك على البناء الاسود بصراحة عشره على عشره...
الله يهنيك يالحبيب..

 

[ديناركو لمتد]

مشكور على الرد

اخوي ديناركو لمتد
الحمدلله الله وفقني بالمقاول خلدون من ناحية شغل ودقة ونشاط وتعاون وطيبه والله انصحك تاخذه وانشالله ما تحسف وترتاح بس انت عجل باجراءات البلديه وخلص شغلك بنفسك
وبالنسبه للخرسانه الجاهزه كلفتني تقريبا بحدود 12 الف طبعا من الشركة البريطانية وهي معروفه بجودتها وراح يسكر المبنى الاسود تقريبا بحدود 33 الف دينار طبعا مع الحديد المدعوم اما الخلطه الايرانية تحتاج تعب شويه ويمكن توفر 700 الى 1000 دينار على الكلام اللي سمعته
وحياك باي وقت

تسلم اخوي بو عبد العزيز انه كلمت مقاولك وشفت شغله

ومشأالله تبارك الرحمن الله يهنيك فيها وشغله ممتاز

بس ياخوك كل الربع الي اعرفهم بنو انصحوني بالخلطه الأيرانيه بسبب التوفير لايقل عن 2500 الى 3000 الاف بس قالو دور واحد يخلط مضبوط
وياخوك محتار

 

[طارق55]

الاخ ديناركو

أسألني .. انا نص بيتي جاهزه والباقي ايرانيه .. يبيلها تعب .. وفهاميه وبالنهايه حظك نصيبك .. ولو يطيح بيتك ماراح تحصل علي شئ لان الايراني يقول مالي شغل والمقاول ايضا يقول مالي شغل .. لكن الجاهزه الشركه هي المسؤوله لو لاسمح الله صار شئ للبيت .. ثانيا الحين مو وقت البنيان .. الجو حار للصبه مهو زين .. الا ان تكون جاهزه لانها معيره بدرجه حراره معينه .. لاني شفت شركه البريطانيه يعطونك ورقه وقت الصب فيها النسب بكل شئ حتي درجه الحراره .. لكن لو كانت ايرانيه لازم تحط فيها ثلج .. ولها اشياء وايد .. من ناحيه مابعد الصب .. اشلون ترش الماي عليها .. لانه بعد خمس ساعات تقريبا من الصب .. ترش عليها رشه مطر .. يعني خفيف .. وبعدها في فجر اليوم الثاني غرق علي طول .. لثلاث مرات علي مدي تقريبا 7 ايام ..

------------

علي فكره .. الايرانيه اذا ضبطت .. احسن بالدبل من الجاهزه .. ورش ماي علي الاثنين .. وشوف الفرق .. ادري ضيعتك .. بس معلش الموضوع متشعب وفيه شجون ؟؟!!!!

----------------
الفرق بين الجاهزه والايرانيه من ناحيه السعر .. من الفين وانت طالع شوي ..

--------------------
الاخ بوعبدالعزيز68
اولا الله يبارك لك في بيتك .. عامر بأذن الله بذكر الله وجعله مبارك .. بس بغيت أسألك بكم اخذت سعر البريطانيه ؟؟ للان صديقي ماخذهم من كم شهر ب 22 دينار لل250 كي ؟؟
ثانيا لاتمدح المقاول الا ان جبت خبير او واحد فاهم بالبنيان يكشف علي بيتك الان .. راح يطلعلك اشياء لربما تكون خافيه عنك .. صدقني .. نادر الي تلقي مقاول يشتغل بضمير .. الا ان تكون انت فاهم وتوجهه .. ثانيا اشلون البنا الي عنده ؟؟ ممتاز ولا اشلون ؟؟ يحط خيط علي الطوفه ولا لا ؟؟ انزين انت جبت حديده المنيوم تقيس من وراه ؟؟ انزين .. يرش ماي علي الخشب قبل الصبه قدامك ويغرقه ؟؟ يحط زوايا بلاستيك علي الخشب ؟؟ وبعدين الحارس الي عندك .. يصب ماي عدل من وراء الصبه ؟؟ هل انت متأكد منه ؟؟ لاني شفت حراس يرش الماي علي الارض ليوهم صاحب القسيمه انه رش ماي .. وهو مارش .. عموما ارجوا ان تكون هذه النقاط انت تعرفها وتحرص عليها بنفسك ولاتتكل علي المقاول ..

 

[ديناركو لمتد]

مشكور اخوي طارق 55

لا ما ضيعتني

بتوكل على الله وصب خلطه ايرانيه امس قاعد مع المهندس يشرحلي

وقالي احرص على الخلطه

1 - صلبوخ اماراتي نص انج

2- رمل مغسول من الوطنيه

3 - اسمنت مقاوم حق القواعد والجسور

4- سيارة ثلج

5- غسل الصلبوخ قبل الخلط لأزالت الغبار منه

6- استخدام كيسين اسمنت للقواعد والعواميد وكيس ونص للأسقف

7 - ترك الجكات والخشب مده لاتقل عن 25 يوم

8 - مراعات رش المياه مرتين باليوم

9 - يفضل وقت الصب من 5مساء الى 5 فجرا في فصل الصيف

10 - مراعات كميت الرمل والصلبوخ والماء حسب المستطاع بقياس واحد

11- استخدام مادة الصلب ( اليجتا بوند) للاسقف او مع خلط الأسمنت العادي

وانشالله تكون مثل الخرسانه الجاهزه او افضل

وللعلم في بعض الشركات الخرسانه الجاهزه غير ممدوحه في خلطتها

اهم ثلاث شركات على الساحه

1- الوطنيه
2 - البريطانيه
3- الالمانيه

وباجي الشركات الخلطه الأيرانيه افضل منهم بوايد

وللعلم مع استخدامك للأسمنت المدعوم راح تكون وفرت تقريبا 3 الف دينار

والله اعلم


وماننحرم منك اخوي طارق ودال على الخير كفاعله

 

[طارق55]

الاخ ديناركو لمتد

شوف اخوي .. اغلب الي قلت عليه كلام ممتاز ولاعليه خلاف .. بس فيه نقاط لازم تعرفها ..

اولا .. انا بنيت قسيمتي .. تقريبا ماكو كويتي يكون متواجد في قسيمته خلال الصب .. الا من رحم ربي .. واحد اثنين من ضمن الالاف او العشرات .. اذا كنت تبي تجابل حلالك .. تعجبني .. لاتتكل علي احد .. وايضا هم مشكله .. راح تكون فوق في السطح تشوف الصب والهزاز ولا تحت عند الايراني وتشيك علي كم كيس اسمنت ؟؟ شوف اذا كنت اقشر علي الحارس مالك .. وماهو لعاب .. عطه كرسي ويجابل العمال الايرانيين .. لان العامل الايراني تقوله كيسين اسمنت ومن تدور ظهرك حط كيس لانه ماله خلق .. مهما يمدحونه او هو يمدح نفسه .. او يصير سوء فهم ..
المهم خلي هالنقطه ..
------------
اول شئ الجو حار .. انت مالك خلق تجابل الصبه .. او العمال .. وماادري اش حادك علي هالحر .. اصبر لحد مالجو يتعدل شوي .. علشان الصبه مرتاحه وانت مرتاح في قعدتك مع العمال ..

---------------------
1- الصلبوخ احسن شئ هالايام صلبوخ الرشيدي سعره 183 للسكس ويل هذا الممتاز
2- رمل مغسول من الوطنيه .. ماله داعي .. سعره غالي 70 دينار .. اكو رمل مغسول سعره 33 ممتاز .. وعلي فكره الي يعرفه هو ( المساح ) باليد .. يفركه ويعرفه .. لاانت ولاالمقاول والمهندس المساح فقط لاغير يعرفه .. وتري من الرمل المغسول اربعه انواع تقريبا .. وواحد منهم زين .. وعندي رقم الافغاني الي يجيب الرمل لكنه ايضا حاول ينزل الشين عندي ولكن لما عرف اننا نعرف الزين ماقدر يقص علينا .. فالمساح هو المهم بالموضوع ..
-------------
6 مثل ماتقول عن الاسمنت ومقاديرهم .. وايضا تقدرؤ تحط زياده في الاماكن الضعيفه .. لزياده القوه

------------
10 مستحيل تساوي كل الخلطه بالتساوي .. لانه زمن الخلط في الماكينه مستحيل يضبط ..وايضا كميه الماء ... فهمتني ؟؟ لانه جهد بشري قابل النقصان والزياده .. مو الكميات ... بل كميه الماء .. والوقت .. كم لفه بالماكينه .. انت عندك تقريبا 100 خلطه بالصبه تقريبا .. فمستحيل تضبط هال100 كلهم ..
------------
11 الجيتا بوند حق المساح بعدين .. اكو مواد يحطونها في الصبه تلقاها في شركه الحمراء .. روح لهم واستفسر عنها .. وانا بصراحه ماحطيتها .. لاني كنت مااعرفها ولو كنت اعرفها كان حطيتها ..
-------------
اما قصه التوفير .. لااخوي لاتفرح وايد .. لانك اذا استهلكت الكثير من الاسمنت راح تحتاج تشتري تقريبا 1000 الي 1500 من السوق بالسعر الرسمي تحتاجه بعدين حق المساح الداخلي والخارجي .. والسيراميك و الميزاييك بعدين .. يعني وفرت اهنيه وصرفت اهنيه .. ف 2000 دينار هيه هيه .. ماكو اكثر .. عموما اخوي تري الخلطه الايرانيه فيها مخاطره .. لو يطلع لك شرح في احد الجسور تقعد توسوس مني لي باجر .. حتي نوم ماتنام .. تقول اشلون ورطت نفسي بالمشكله .. ساعتها لو تدفع خمس الالاف زياده تقول مايخالف ولااشوف شرح في احد الجسور .. وانا شفت بيت في سعد العبدالله بعد مابني الاسود قام ودعمه بحديد ( اتش ) دار مداره لان اعمدته والجسور كلها منكسره.. وهذا البيت الله لايبلانا مااشتريه بالف دينار لانه بيت مكسور ... والشغله حظ .. والله يوفجك ان شاء الله

 

[فنان999]

مشكور اخوي طارق 55

لا ما ضيعتني

بتوكل على الله وصب خلطه ايرانيه امس قاعد مع المهندس يشرحلي

وقالي احرص على الخلطه

1 - صلبوخ اماراتي نص انج

2- رمل مغسول من الوطنيه

3 - اسمنت مقاوم حق القواعد والجسور

4- سيارة ثلج

5- غسل الصلبوخ قبل الخلط لأزالت الغبار منه

6- استخدام كيسين اسمنت للقواعد والعواميد وكيس ونص للأسقف

7 - ترك الجكات والخشب مده لاتقل عن 25 يوم

8 - مراعات رش المياه مرتين باليوم

9 - يفضل وقت الصب من 5مساء الى 5 فجرا في فصل الصيف

10 - مراعات كميت الرمل والصلبوخ والماء حسب المستطاع بقياس واحد

11- استخدام مادة الصلب ( اليجتا بوند) للاسقف او مع خلط الأسمنت العادي

وانشالله تكون مثل الخرسانه الجاهزه او افضل

وللعلم في بعض الشركات الخرسانه الجاهزه غير ممدوحه في خلطتها

اهم ثلاث شركات على الساحه

1- الوطنيه
2 - البريطانيه
3- الالمانيه

وباجي الشركات الخلطه الأيرانيه افضل منهم بوايد

وللعلم مع استخدامك للأسمنت المدعوم راح تكون وفرت تقريبا 3 الف دينار

والله اعلم


وماننحرم منك اخوي طارق ودال على الخير كفاعله

يا ديناركو اذا تبي تسوي كل هذه الأشياء صب خلط جاهز احسلك واوفر لك لأن راح يكلفك دبل اسمع كلامي وبعدين بقولك حاجه ما تقدر على الإيرانيين خلطتهم كلها ماي اسرع لهم
اذا تبي توفر في الإيرانيه
الأعمده على كبس ونص
الباقي على كيس
ورمل عادي
وصب بالليل بلا ثلج ولا بطيخ

في هذه الحاله راح توفر
غير هذا يغشك الي قالك
ودمتم