كل ما يخص البناء في منطقة المسيلة - شرق القرين

[foreman96]

احب اشكر الاخ ودي اربح على فتح الموضوع
وانشالله تربح
انا عندي سؤال اشكثر يطول لاستخراج الترخيص البناء ؟؟
وشكراا

 

[foreman96]

وعندي سؤال ثاني الحين منو اللي يحدد الارض ؟ اخاف باجر جاري ياخذ مني متر او انا ادش على جاري واخذ منه متر ما مرت عليكم هالمشكلة ؟ او صارت من قبل جذي؟

 

[foreman96]

الظاهر ما في اقبال على منطقة المسيلة مثل ابوفطيره والفنيطيس!!!!

 

[بوعبدالعزيز68]

يا فور مان فيه اقبال بس والله المشاغل كثيره والله يعينكم على البلديه وبالنسبه حق ترخيص البناء ما يطول الكتب الهندسي هو اللي يقوم باستخراجه بس تعهد الاشراف وتسليم الحدود هو الدوخه

 

[بوعبدالعزيز68]

للرفع

 

[القصاص 2]

السلام عليكم ورحمة الله وبركاتة
يا اخوان اريد النصيحة كم الاسعار وهل الاسعار مقبولة او الانتضار افضل وهل اذا شريت ارض استطيع ان استخرج الترخيص البناي وابني القسيمة وشكرا

 

[عذبي 71]

السلام عليكم ورحمة الله وبركاتة
يا اخوان اريد النصيحة كم الاسعار وهل الاسعار مقبولة او الانتضار افضل وهل اذا شريت ارض استطيع ان استخرج الترخيص البناي وابني القسيمة وشكرا

غفر الله لك يا اخي القصاص

انما الدين النصيحه ...
فالاسعار نار الله الموقده التي تتطلع على الافئده...

واذا كنت تقدر تنتظر فصبرا جميل وعلى الله المستعان ...
وان كنت لا تقوى على الانتظار فعليك بالشراء والى الله المشتكى بالشدة والرخاء...
وان اردت استخراج الترخيص ..
فإن البلدية تعطي أهل المسيلة صك شرعي يرخص البناء

واما الفنيطوس والبو فطيرة فطرك الله من مائدة جناته
فلا زال الوالي لايمنح اهلها صكوكا لترخيص البنـــــــــــــاء.
هذا والله اعلم.

 

[ودي اربح]

احب اشكر الاخ ودي اربح على فتح الموضوع
وانشالله تربح
انا عندي سؤال اشكثر يطول لاستخراج الترخيص البناء ؟؟
وشكراا

هلا بالغالي هذي الساعة المباركة طال عمرك وانا اخدمكم بعيونى

 

[ودي اربح]

السلام عليكم ورحمة الله وبركاتة
جزاك الله كل خير على الصور واشوف الشباب طايحين تصوير جزاهم الله خير
ما شاء الله تبارك الرحمن انا جيت المسيلة قبل شهر تقريبا او اقل ما فيه شي واليوم ما شاء الله تبارك الرحمن العالم حفرت وبنت الله يبارك لهم
كم الاسعار في المسيلة
احبكم بالله

حياك الله يا الغالي

 

[bu sale7]

السلام عليكم

اليوم مريت المسيله العامره ما شاء الله فيها حركه

شفت واحد توه يحفر لا يكون بو عبدالعزيز ولا ناف ولا فورمان وما بلغنا الله يهنيه

لقطت بعض الصور على السريع ونوعدكم مره ثانيه بصور اكثر



هذي اول ما دشيت المنطقه من اشارة العدان خلاطه توها داشه المنطقه



هذي اللوحه ما ادري قديمه ولا جديده

ما يحتاج تعليق تعبر عن نفسها



هذي الاخيره لقسيمة احد الملاك الله يهنيه

 

[القصاص 2]

السلام عليكم ورحمة الله وبركاتة
ما شاء الله تبارك الرحمن كل يوم وانا جاى الدوام تكون على طريجي اشوف كل يوم شي جديد والسيارت اللى تدور داخل كثيرة الله يبارك لهم وشكرا

 

[طارق55]

الاخ الي يسأل عن تسليم الارض ويمكن يكون هناك تجاوز علي ارض جارك .. هذا الشئ مستحيل يصير لان المقاول يروح للبلديه ويأخذ موعد يطلع معاه موظف من البلديه يسلمه الارض ويحددها له .. وتسمي هالعمليه ( تسليم حدود ) فلاتخافون

 

[بوعبدالعزيز68]

السلام عليكم

اليوم مريت المسيله العامره ما شاء الله فيها حركه

شفت واحد توه يحفر لا يكون بو عبدالعزيز ولا ناف ولا فورمان وما بلغنا الله يهنيه

لقطت بعض الصور على السريع ونوعدكم مره ثانيه بصور

هذي اول ما دشيت المنطقه من اشارة العدان خلاطه

هذي اللوحه ما ادري قديمه ولا جديده

ما يحتاج تعليق تعبر عن نفسها

هذي الاخيره لقسيمة احد الملاك الله يهنيه

شكرا بوصلاح على المجهود الطيب والله المفروض اليوم المقاول يستلم الحدود بس المساح كشت وقال عنده شغل وايد فان شاء الله عن قريب وتصورنا وحنا نحفر

 

[عذبي 71]

بوصالح ...
تصوير رائع تسلم الايادي وعساك عالقوة بوصالح وبانتظار كل جديد منك يا صاحب المفاجئات
****

طارق 55...

من وين طالعه الشمس اليوم ؟؟؟
والله فاقدينك ومشتاقيين لمواضيعك القيمة وشكرا لك على التوضيح..
****

بوعبدالعزيز...

يارب يسهل عليك واسمع مني انت الحين مثل المجاهد في سبيل الله
لانك تبذل مجهودك وقوتك ومالك في ما يرضي الله
وبناء بيت لعيالك هو امر فيه طاعة الله ومأجور عليه..

بس نبي نفرح لك يوم اللي تحفر ونبي نشوف الصور منوره بالمنتدى

وعساك عالقوة
***

 

[Horizon BBC]

السلام عليكم

مبروك لجميع ملاك بالمسيله الجديدة
لكن أنا عندي ملاحظة على المنطقة بخصوص مباني المحولات الكهربائية لم تبنى لغاية الآن بعكس منطقة الصديق التي حاليا على وشك الإنتهاء من إستكمال مباني المحولات , لكن بالنهاية المسيله ستعمر وتبنى وتسكن ونتمنى الإستعجال ببناء هذه المحولات بالمسيله لتكتمل الخدمات بها .

 

[ودي اربح]

اشلونكم يا الربع

 

[bu sale7]

ودي اربح اشلونك

الظاهر اخوانا اهل المسيله شياب ماكو تصوير حده الكيبورد دقه دقه

لكن باجر عندي جوله صباحيه ان شاء الله وبشوف شنو شي جديد بصوره

 

[foreman96]

ودي اربح اشلونك

الظاهر اخوانا اهل المسيله شياب ماكو تصوير حده الكيبورد دقه دقه

لكن باجر عندي جوله صباحيه ان شاء الله وبشوف شنو شي جديد بصوره

ييبتها بوصالح اي والله احنا حدنا الكيبورد مانعرف هالسوالف
واحنا امفوضينك و الى الامام والله يرزقك انشالله

 

[bu sale7]

السلام عليكم

اشلونكم يا اهل المسيله ما شاء الله كل يومين تلقى واحد حافر الله يهنيهم

اليوم مريت واخذت بعض الصور

تابعونا

هذي الصور اخذت من الدوار اللي بين المسيله والفنيطيس











وهذا واحد توه حافر
بالتوفيق



وهذا صاره كم يوم



وهذا حاط خيمته استعداد للحفر



وهذي اخر لقطه



لكن ما راح نوقف ان شاء الله

 

[القصاص 2]

السلام عليكم ورحمة الله وبركاتة
ما شاء الله تبارك الرحمن الله يوفقكم جميعا