المحيط الهادئ
عضو نشط
ياصغيّر السن قدرك طاحت أبراجـه
الجرح خلى الصخر ينطق ونطقني
خلاص ماعاد تعنينـي ولا حاجـه
رح جعل ربـي يوفقـك ويوفقنـي
من بعد ما كنت نور العمر وسراجه
اليوم صرت الظلام اللـي يطوقنـي
عطيتك أكثر من اللي كنت تحتاجـه
أسرفت فالحب لين الحـب وهقنـي
خلاص مالي ومال الحب وإزعاجـه
مالي ومال الدروب اللي تضايقنـي
تعبت أضم البحر واهـدي أمواجـه
تعبت أجامل وأشوف الوقت يسرقني
شكواي للي عليه الضيق وافراجـه
اللي إذا شاء يرحمنـي ويرزقنـي
أما انت يابو جبين عقّـد احجاجـه
لاعاد تسأل علامك منـت طايقنـي
الناس كلٍ علـى دربـه ومنهاجـه
وأنا عن الناس مابه شي يفرقنـي
إلا اني دايم أحب الصدق وأواجـه
مخلوق والله على هالوضع خالقني
حتى رفيقي ضماد القلب وعلاجـه
على كثر ما أتمسك فيـه صدقنـي
لو ادري انه مرافقني على حاجـه
لاامسّكه حاجتـه وأقـول فارقنـي
