مبروك لاهالي الفنيطيس بداية العمل في البنيه التحتيه

[المنظور الشامل]

رب ضارة نافعة

شباب يوجد تخبط بالمعلومات لدى البلدية أدارة التصاريح الهندسية

قبل أمس توجهت لمكتب البلدية بمنطقة القرين وأكدو لي الخبر بالنسبة لتصاريح البناء وقالوا لي سكرتارية المراقب نفس الكلام إلي ذكرته .

اليوم وبعد زيارة ميدانية من قبل أحد فرسان بوفطيرة لإستيضاح المعلومه وصعوده للدور الأول قابل أحد المهندسين ونفى الخبر بقوله أن التصاريح خاصه فقط لمنطقة غرب بوفطيرة مؤيد كلام العضو الموقر أبو نجم .

أي بمعنى كل واحد كلامه غير المهم أنا يوم الأحد بأذن الله لنا زيارة للمراقب المسئول عن التصاريح الهندسيه وسوف نقطع الشك باليقين .... تفائلوا بالخير تجدونه .

وأنا بدوري لن اقصر بأستيضاح الخبر بأي طريقه كانت .... وأمانه نريد من الكل المساهمه بالموضوع .

 

[MUSAED77]

شباب انا صاحبي مهندس هناك شفته سنة 2007 بلدية مبارك الكبير وكان رئيس قسم والحين سمعت انه صار مراقب اليوم بالليل ادق عليه واعطيكم الزبده انشاء الله

 

[فنان999]

لا تعليق حتى نتبين الخبر اللي ذكره فنان

انا اتصلت اليوم بالبلديه (فضول) للأسف قالت وحدة تشتغل هناك ان ما في تصاريح الا للمسيلة وهذا الكلام على لسان مسؤول اتصلو فيه
الحين عطنا العلم عن الفنيطيس والبنية التحتيه

 

[bu sale7]

يا اخواني امس لما رحت للبلديه سالت سكرتيرة مدير البناء عن منطقة الفنيطيس

لو ذاكر لها بو فطيره جان قلت التبس الامر عليها بدورها اتصلت بالمدير واذكرت الفنيطيس فقط

وقالها نعم عن طريق مكتب هندسي

لكن نقول ان شاء الله مثل سالفة المسيله ناس قالو اتصلنا وقالو في ترخيص يرد واحد ويقول

انا اتصلت وقالو لا للحين وصار تخبط بالتصاريح

 

[bu sale7]

البنيه التحتيه

اليوم شفت واحد من اهل الفنيطيس سولفت معاه اشوي وذكرت له انه في تصريح للبناء

الرجال طار من الفرحه وقام يسال عن مكاتب الهندسيه وقمت اصرح لكن انصدمت

لما شفت الخبر لكن عسى في الامر خيره

المهم الرجال ذكر ان شركة برهان نزلوا مكاتبهم وجتهم البلديه وشيلوهم قالوا للحين

ما طلعتوا تراخيصكم وطالبين عليهم برائة ذمه ان ما عندهم مخالفات او مطلوبين لاحد

 

[ابوفلجة]

مناقصة بناء المحولات من المفروض ان تنزل المناقصة شهر 2 ولكن تم تأخيرها بسبب تعديلات فنية على مواصفات المحطة.
وسوف يتم طرح جميع المناقصات الخاصة بمحولات شرق القرين قريبا جدا وتباعا.
ارد واكرر اللي عندة ارض ويبي يسكن يبدا بالمخططات من الأن.

 

[فنان999]

البنيه التحتيه

اليوم شفت واحد من اهل الفنيطيس سولفت معاه اشوي وذكرت له انه في تصريح للبناء

الرجال طار من الفرحه وقام يسال عن مكاتب الهندسيه وقمت اصرح لكن انصدمت

لما شفت الخبر لكن عسى في الامر خيره

المهم الرجال ذكر ان شركة برهان نزلوا مكاتبهم وجتهم البلديه وشيلوهم قالوا للحين

ما طلعتوا تراخيصكم وطالبين عليهم برائة ذمه ان ما عندهم مخالفات او مطلوبين لاحد

مثل ما قلت الشركه فيها بله ليش كل هذه المده مو مطلعين براءة ذمه وتراخيص
قالي احد مهندسينهم اول اربعه والحين دخلنا الأسبوع الثاني من اربعه وما في شيء الى الآن
مثل ما يقولون الكتاب يعرف من عنوانه اذا هذا اولها الله يستر من تاليها
الله يكتب الي فيه الخير

 

[q8-speed]

مبروووووووووووووووووووك ابشاره يا شباب ادخلو علي موقع وزارة الكهرباء والماء واكتب بالبحث كلمة الفنيطيس سو بحث راح تشوفون مناقصة الكهرباء بالمنطقة وخلال عامين الكهرباء واصله المنطقة

 

[عذبي 71]

تسلم سبيد على هالاخبار الحلوه وتستاهل الفنيطيس والفال لابوفطيره

 

[bu sale7]

عذبي صباح الخير

شنو الفنيطيس قبل بوفطيره

 

[ودي اربح]

شباب الفنيطيس تراكم بارديييييييييين نبي صوووور

 

[bu sale7]

اشلونك ودي اربح

انا تقريبا كل يوم في المنطقه مستعد اصور لكن الشركات والبلديه بطو جبودنا من الروتين البارد

وبردونا وياهم

 

[ودي اربح]

هلا بالغالي بوصالح

الله يعطيك العافية واذا رحت كل يوم ما تلام انت رايح تكحل عيونك بحلاك

لا تحاتي بتشوق الشغل يبدي من غير مقدمات مثل ما صار مع بوفطيرة وهي محسومة وخالصة قووول يا رب بس وبتلقي خير ان شاء الله

 

[bu sale7]

ان شاء الله هاليومين يبين شي جديد

الا بالنسبه للصين ما لك نيه تروح تشتري تشطيبات البيت لان فيها خيارات اكثر وارخص

 

[bu sale7]

هذي صوره لقيتها ضايعه في الكمبيوتر

 

[عذبي 71]

تسلم ايدك بوصالح
صورة طيبة ومبين فيها حركة بالامام وثبات بالخلف...

 

[q8-speed]

شباب اليوم بلليل كانت لي زيارة الي الفنيطيس وشفت المحول الموجود الي بالمنطقة فنيطيس شاب ليتات يعني المنطقة فيها كهرباء

 

[bu sale7]

سبيد ان شاء الله هونت

بعدين لو تمرها الصبح احسن تشوف عمال توقف تسولف معاهم اشوي

لكن بالنسبه للمحول اشسالفته

 

[TCR3]

يا شباب جاني اتصال يقول ان المعدات انزلت في المنطقة صحيح هالخبر او لا؟

 

[TCR3]

يا شباب اي احد قريب من المنطقة ياكد لنا هالخبر صحيح او لا ؟