صديق عمري كاد أن يلطمني !

الموضوع في 'إستراحة المنتدى' بواسطة alanzi, بتاريخ ‏19 مارس 2010.

  1. alanzi

    alanzi موقوف

    التسجيل:
    ‏9 ابريل 2007
    المشاركات:
    1,399
    عدد الإعجابات:
    0
    ---------------------------------------

    كما وصلني

    ---------------------------------------

    يقول راوي القصة

    حادث واقعي حدث معي أتمنى أن تقرءوه

    وأن يعتبر من يعتبر منها



    قبل يومين كنت مع صديق عمري جالسين في احد المقاهي نتبادل الأحاديث , لفت نظري أوراق على الطاولة فسألته وش هذي الأوراق ,

    قال: هذي تأشيرات للسواق الجديد سألته وأنت وش تبي بالسواق وما عندك غير زوجتك توصلها الشغل وترجعها

    قال: المشكلة هالأيام مشددين علينا في الدوام والتأخير

    وساعات تبي تروح السوق وأنا مشغول قلت أفك عمري وأجيب سواق .



    قلت له: زين وش رأيك بدال السواق والخساير أنا اخذ زوجتك وأوصلها للبيت كل يوم ببلاش ولو بغت أي مشوار أنا حاضر .

    طبعا كلمة حاضر هذي ما كملتها إلا يده ترتفع علي وده يضربني

    (أنا أصلا توقعت ردت الفعل هذي) مسكت يده ونزلتها وقام بسرعة وهو يهدد ويتوعد ,





    لحقته للسيارة ويوم شافني كمل السب والغلط ويوم خلص , قلت له: هاه خلصت الحين ممكن تخليني أتكلم ,

    رد علي بعصبيه شتبي تقول أكثر من إلي قلته وأنا معتبرك صديق عمري .



    قلت له: هنا مربط الفرس رغم إني صديق عمرك وماكلين عيش وملح والثقة بينا مالها حدود

    زعلت وعصبت علي وتحركت فيك الغيرة والرجولة إلي كانت قبل دقايق معدومة ,

    عصبت علي أنا صديق عمرك لما قلت بوصل زوجتك للشغل وحسيت بالغيرة

    لكن هالغيرة وينهي وأنت بتجيب رجال غريب لا تعرفه ولا يعرفك ولا هو من طينتك بتسمح له يختلي بأهلك ويوصلهم ليل نهار .



    ولا ذاك السواق ما هو رجال أو ما عنده أحاسيس

    شفت شلون بغيت تضربني مع إني متأكد انك تثق فيني أكثر من الهندي

    لكن للأسف ما دري وش هي نظرتك له حتى يكون الأمر عادي عندك لما يسوق بأهلك ؟؟



    ونفس الأمر ممكن يسيل فيه الدم لما أنا عرضت عليك إني أسوي إلي بيسويه بالضبط.

    طبعا صديق عمري ما تمالك نفسه بعد الكلام إلي قلته ومسك الأوراق والتأشيرة وقطعها ورماها في درام المهملات وتأسف مني



    وقال : والله الكف إلي كان ممكن أوجهه لك أنت بكلامك وجهته لي وصحيتني .
     
  2. دنياء غريبه

    دنياء غريبه عضو مميز

    التسجيل:
    ‏5 يناير 2009
    المشاركات:
    12,840
    عدد الإعجابات:
    686
    مكان الإقامة:
    ● فــَي قـًلـب بـًآبـآتيِ ..!ِ~}

    قصـة رآآئعـه

    ^ـآآسمحـلي اترك بصمــة شكرآ لموضوعك ^
     
  3. الهمس الخجول

    الهمس الخجول عضو مميز

    التسجيل:
    ‏6 أكتوبر 2008
    المشاركات:
    8,739
    عدد الإعجابات:
    2
    الله يعطيك الف عافيهـ ,,!!
     
  4. دربك أخضر

    دربك أخضر عضو نشط

    التسجيل:
    ‏12 فبراير 2010
    المشاركات:
    482
    عدد الإعجابات:
    14
    شكراً ، فعلاً قصه ذات عبر
     
  5. alanzi

    alanzi موقوف

    التسجيل:
    ‏9 ابريل 2007
    المشاركات:
    1,399
    عدد الإعجابات:
    0
    بااارك الله فيكم كلكم
    والجميع ترك بصمه رائعه


    اخووكم