للضمان محل كمبيوتر بالمنقف بسعر مغري

[kwspace]

السلام عليكم


يا جماعة الخير

عندي محل كمبيوتر بالمنقف موقع ممتاز ونظيف وسمعه طيبه وجميع الخدمات قريبه وبمجمع تجاري راقي

مع الرخصة طبعا وتشمل

بيع - شراء - تأجير - تصليح - برمجة بإختصار كل مايشمل الكمبيوتر ( راس مال الرخصة 30 الف دينار كويتي )

مساحة المحل

العرض 3,80 م
الطول 6 م

يحتوي على غرفة صيانه مجهزة وصغير مساحتها

2,50 م
2 م

طبعا المحل على ثلاث واجهات

واجهة زجاجية رئيسية على الشارع ولها باب + شتر كهربائي للحماية و

واجهة على جنب من داخل المجمع زجاجية و

واجهة زجاجية بداخل المجمع وتحتوي على باب داخل المجمع

ويوجد بداخله

مكتب رئيسي يصلح لصاحب المحل و طاولة للصيانة و طاولتين عرض و علاقات للبضايع

طبعا المحل شغال حاليا وفيه بضاعة

وسبب الضمان عدم التفرغ

وبالنسبة لسعر الضمان مغري حيل تقريبا كأنه سعر أجار محل بس الفرق انه هذا مجهز بالكامل ولا يبيله تعب بس ضمان شهري وشغل والتوفيق من الله

فرررررررصة للاخوان اللي يبون دخل ثاني

ولأي استفسار

66223532

 

[متوازن]

عموما الله يوفقك

ولو فيه خير ... ماعافه الطير !!

بالتوفيق مره اخرى

 

[kwspace]

اخوي متوازن حديث الرسول صلى الله عليه وسلم يقول : من كان يؤمن بالله واليوم الآخر فليقل خيرا او ليصمت


شكرا لك على مرورك ولكن تعليقك يدل على الحسد والعياذ بالله

الحمدلله والشكر المحل مدخوله طيب والفواتير تشهد وله سمعه طيبه

وانا رجال ما ظمنته الا لاني مريض وبعد فترة بسافر علاج بالخارج ويمكن اتأخر هناك اسأل الله ان يشفيني ويشفي مرضى المسلمين

ويا اخوان اللي يبي يستفسر يتصل ولا يمر المحل

والتوفيق من رب العالمين

 

[احبك]

يالله ياكريم يارب تشافيك وترزقك وتعافيك والله العظيم

ماعرف لكن كلمتك موبايل اسلوبك سمح وباين عليك قمة الاحترام والطيب


الله يرزقك ياكريم ويشافيكم

 

[kwspace]

جزاك الله خير وهذا من طيب اصلك يالغالي

ويعلم الله اني ماعرف الاخ متوازن ولا حصل بيني وبينه اي شي؟؟

بس انا مستغرب من رده الله يسامحه

والموضوع للجادين فقط

 

[Q 8 T]

الله يبارك لك فى مالك ويشافيك ويشفى مرضى المسلمين

اخوى كم ايجار المحل وكم طالب سعر للضمان

تحياتى لك

 

[kwspace]

آمــــين

جزاك الله خير يالغالي

اخوي سعر الاجار 300 دينار

وسعر الضمان 350 شامل الضمان

يعني عليك تدفع 350 شهريا وتبلش شغل والمحل مجهز بالكامل

وللعلم اجارات المحلات اللي يمي 350 وانت طالع والضمان من 500 واكثر

والسبب اللي خلاني احط هالسعر مثل ماذكرت موعد السفر قرب والوقت ضيق وقلت العوض ولا القطيعة اخذ 50 فايده احسن من اسكر المحل وادفع 300 شهريا

والتوفيق من رب العالمين