استفسار يا أهل الـ شارجر ..!!

[for sell]

السلام عليكم ورحمة الله وبركاته

إخواني إداره واعضاء هذا الرح الشامخ

ماخاب من استشار ..

انا ودي اخذ شارجر لكن الناس تنصح اني ما اخذ

لعدة اسباب ومنها

[ قطع غيار غاليه جداً - التكيف غير بارد -كثيرة الخرابات ....الخ ]

فما هو رأيكم ..؟!

وانا عندي مكسيما 2004 بدي وداخليه نظيفه

كم تسوى وللعلم مطلوبه ( دفعه اخيره) 1200 دينار وقسطها 59

؟؟

 

[ابن مطير]

هلا اخوي

بالنسبه للتكيف اللي قدام 100%

والتكييف اللي ورا صفر %

وبالنسبه لقطع الغيار نعم غاليه جدا من الوكاله بس يمكن برا تحصل امريكي ارخص

هذا اللي اعرفه

 

[for sell]

ابن مطير

تسلم الله لايهنك

 

[بو هباش الكويتي]

اشتر وانت مغمض انا استعملته سنه ونص وبعته وتحسفت من افضل السيارات لدرجة بعد اسبوع باخذ واحد ثاني

 

[الكلكج]

يالغالي اخذ وانت مغمض انا كان عندي واحد2008 قعد عندي سنه وبعته
والله المكيف بارد ما عليه والبنزين ما يشرب وقطع الغيار بلاش عند الشركه الاهليه لقطع الغيار وتقدر تروح وتسال
وسلامتك ...

 

[NBKq8]

اشتريت 2007 من الوكاله وبعته
وخذيت 2009
لانه بجد سياره ممتازه

 

[for sell]

بيض الله وجيهكم

والله لا يهينكم

وانتظر احد اذا عنده اي رد او نصيحه او راي

وشكرا لكم مره اخرى ومقدما

 

[for sell]

كم سعر شارجر 2009

وهل فيه احد يبادلني بمكسيما 2004 لون تركواز

مطلوبه 1200 وقسطها 59

 

[بو بـدر]

2011 راح يتغير شكله وهذي نقطة مهمة الموديلات القديمة راح تنزل + شكل جديد يقعد وياك 5 سنوات

 

[aloood10]

اخوي آن كان عندي ماكسيما وبعتها وشريت واحد 2009 الموتر راح يفرق معاك عن الياباني لان الماكسيما انعم واهدا لكن الشارجر ماعليه كلام والحمدلله لاخرابات ولاشي المكيف بارد والحرارة نازله طول السنة مااشتكيت منه
ماجربت قطع الغيار عشان اعرف اسعارها
والله يوفقك ..

 

[for sell]

الله يعطيكم العافيه

المشكله اللي ينصحوني اني ما أأخذ شارجر

تسأله تقوله جربتها يقولك لا

تقوه تعرف احد عنده شارجر يقول لا

اجل شلون عرفت يقولك يقووووولوووووون

اتوقع وكاله يقولون هذي يا انها اسرائيليه او من بليس

 

[الأرستقراطي]

انزين محد قاله عن تبديل الدهن و سعره 45 دينار و اذا ما بدلته بالوكالة يهددونك باسقاط الكفالة ،،، و محد قاله عن كهربة الدوج عموما تعبانة و أن الملا يعتبر من أكبر نصابين الوكالات و خطته أبيعك موتر بسعر رخيص و أنشف جيبك بالسيرفس و قطع الغيار ،،، الشارجر بشكل عام جيد لأنه سعره مناسب جدا لكن السيارة موثابته و البريكات أي كلام من خلال تجربة شهرين وبعت السيارة ،،، نصيحتي تاخذ مستعمل 2009 ممكن تحصله بحدود 4500 ال 6 سلندر علشان لما تبيعه ما يطيح من سعره كثير ،،، بالتوفيق ،،،

 

[for sell]

انزين محد قاله عن تبديل الدهن و سعره 45 دينار و اذا ما بدلته بالوكالة يهددونك باسقاط الكفالة ،،، و محد قاله عن كهربة الدوج عموما تعبانة و أن الملا يعتبر من أكبر نصابين الوكالات و خطته أبيعك موتر بسعر رخيص و أنشف جيبك بالسيرفس و قطع الغيار ،،، الشارجر بشكل عام جيد لأنه سعره مناسب جدا لكن السيارة موثابته و البريكات أي كلام من خلال تجربة شهرين وبعت السيارة ،،، نصيحتي تاخذ مستعمل 2009 ممكن تحصله بحدود 4500 ال 6 سلندر علشان لما تبيعه ما يطيح من سعره كثير ،،، بالتوفيق ،،،

الارستقراطي

كلام على عيني وراسي .. لكن عكس كلام الاخوان تماماًََ

طيب اذا البريكات اي كلام كان شفت بطرف كل حادث شارجر

طيب شنو فيه كهرب ادوج ..؟!

 

[الحريه وطن]

خوش موتر عند واحد من الربع ويمدح فاله
بس انتبه تراه انواع

 

[بو هباش الكويتي]

انزين محد قاله عن تبديل الدهن و سعره 45 دينار و اذا ما بدلته بالوكالة يهددونك باسقاط الكفالة ،،، و محد قاله عن كهربة الدوج عموما تعبانة و أن الملا يعتبر من أكبر نصابين الوكالات و خطته أبيعك موتر بسعر رخيص و أنشف جيبك بالسيرفس و قطع الغيار ،،، الشارجر بشكل عام جيد لأنه سعره مناسب جدا لكن السيارة موثابته و البريكات أي كلام من خلال تجربة شهرين وبعت السيارة ،،، نصيحتي تاخذ مستعمل 2009 ممكن تحصله بحدود 4500 ال 6 سلندر علشان لما تبيعه ما يطيح من سعره كثير ،،، بالتوفيق ،،،

لايبا شنو 45 دينار انا اسوي سيرفس بالوكاله اللي من ظمنه تبديل الدهن 15 دينار منو قالك 45 دينار ___ ترا انا لمى انصحه لاني استعملت السياره وانا من النوع اللي مايحترم السياره حتى مخيمات كنت اروح عليه وكل واحد يطلبني السويتش اقطه عليه بالعربي مومحترمه والحمدلله ماشفت منه شي وسافرت عليه البحرين مرتين والسعوديه الحفر كان عندي شغل هناك يمكن 6 مرا بالعكس خفيف الموتر وسياقته حلوه وتكييف ثلاجه بارد وترا الملا مو شركتي علشان امدحهم لاكن كلمة الحق تنقال الشارجر ممتاز

 

[for sell]

ابو هباش

ارحب بك مره ثانيه للتوضيح

يمكن الرجال يقصد نوع وانت تقصد نوع ثاني

ننتظر رد الاخ ابو خالد " الارستقراطي "

 

[NBKq8]

انزين محد قاله عن تبديل الدهن و سعره 45 دينار و اذا ما بدلته بالوكالة يهددونك باسقاط الكفالة ،،، و محد قاله عن كهربة الدوج عموما تعبانة و أن الملا يعتبر من أكبر نصابين الوكالات و خطته أبيعك موتر بسعر رخيص و أنشف جيبك بالسيرفس و قطع الغيار ،،، الشارجر بشكل عام جيد لأنه سعره مناسب جدا لكن السيارة موثابته و البريكات أي كلام من خلال تجربة شهرين وبعت السيارة ،،، نصيحتي تاخذ مستعمل 2009 ممكن تحصله بحدود 4500 ال 6 سلندر علشان لما تبيعه ما يطيح من سعره كثير ،،، بالتوفيق ،،،

هههههههههههههههههه

الله يهداك ليش 45 وين قاعد تبدل زيت ؟؟؟


وعموما 2009 اذا لقيت بسعر 4500 و 6 سلندر انا اعطيك فايده 300 دينار وبدون فحص

 

[حياة]

اخوي الله بالخير ...

خذلك أي تيوتا أو لكزس (( وانت مغمض )) أحسن من (( اللي ماتعرفة ))

مع احترامي لجميع ارائكم ..

 

[bug]

اخذ srt8 وبسسسسس نصيحه لا تاخذ ٦ سلندر امريكي

 

[أبوسعد الخالدي]

موفق خيــر