لكل من يعاني من حرارة الصيف عند عودته الى سيارته وقت الظهيره

[hassankoc]

اي اجدها وهل من مجرب لها ويفضل الصوره

 

[الوانيت1]

أترك داخل السيارة بطل ماء مفتوح يعنى لاتسكر غطاء قنينة ماء الصحة الصغيره وجرب وشوف أسهل وأرخص حل ومجرب. مع تنسيم بسيط لزجاج باب السيارة لأن الماء يتبخر داخل السيارة ويلطف الجو .حتى لو وضعت عازل حرارى مع جونا فى الصيف لاااااااااااااااااااا ينفع ألاااااا هذة الطريقة وتقبل منى الشكر والأحترام ..................///////.

 

[Winchester SX3]

أساسا يقولك مو زين تخلي السياره بلصيف فتره طويله بالشمس ودرايشك مسكره لأن الهواء اللي داخلها ما يتغير ويصير موزين

يا إنك تخلي بطل ماي مبطل ودرايشك منسم عليها شوي عشان تخلي الجو بالسياره رطب نسبيا


ولا حطلك مظله

وسلامتك

 

[ابن مطير]

طيب يا الربع بطل الماي لمى يتبخر ما يخلي فيه رطوبه بالكشنات وممكن تكون ريحتها مو زينه

 

[Duke wahid]

لاتطلع بالنهار

اخ سوري انتوا يالفقارة لازم تطلعون تراجعون وداومون ههها

انا حطيت بطل ماي بس للأسف موذاك الفرق
وأذا غيمت السيارة ياويلك توهم مخرجين دفعة جديدة من الكلية
والأفلام الحرارية اللي تحطها عالجام احس انها صج افلام مامنها فايدة لأن الحديد نار وشرار

 

[hassankoc]

والله احترنا مع الفحص الفني مزاج التضليل مره يطوفون ومره يمنعون واذا من ربعه خلاهم المهم شوفو لنا طريقه نتفق عليها

 

[الباحث بوفيصل]

بس اتمنى لكل واحد حاط سيارته بره بالشمس قبل ان يشغل السياره يفتح (الجام اي الدرايش) الانه احتمال من الحراره يتسرب البانزين في داخل السياره ومجرد تشغل سيارتك تنفجر@@!!

 

[عبدالـ ع ـزيز]

السلام عليكم ورحمة الله وبركاته

أبشركم ياشباب تم الموافقه على تضليل زجاج السياره
ولا يمكن مخالفة من يضلل سيارته

بالعربي الحين مسموح تضلل السياره (( التغييم ))

 

[a7mdoosh]

.

صج الكلام اخوي عبدالعزيز الحين اروح الصناعية اصكه سوبر

 

[MraseeL]

شنو الدليل طال عمرك بخصوص التغييم انه مسموح ولا عليه مخالفه مروريه

ونبي شي رسمي بخصوص تضليل السياره ان مسموح وشكرا


وتقبل مروري

 

[hassankoc]

كل دوله اصدق قوانينها الا ديرتي ما اصدق قوانينها لأن محسودين ونحسد يعضنا الله المستعان

 

[halfmoon]

العام قريت في بيع وشراء المتفرقات..واحد حاط جهاز بسيط وهو عباره عن جهاز يتعلق على الجام مثل الهوايه ....بس ما أذكر فكره تشغيل الجهاز وهل هو يآخذ الهواء من بره إلا داخل السياره أو العكس.....وشكراااا

 

[مهم للغاية]

اشتر اودي audi a8 بميزة سولار سن روف واسفطها تحت الشمس بالقيظ تلقاها بااااااااااااااااارده شحلاتها

ومادري اذا يركبون الميزة هذي على السيارات الثانية جان زين .... خصوصا بالكويت

 

[hassankoc]

تعجبني ياراعي الأودي

 

[((ابو نادية))]

السلام عليكم ياشباب ، مما لاشك فيه بان تنسيم النوافذ يقلل من نسبة الحرارة داخل السيارة بكثير من ماهي عليه مغلقة حتى ولو لم يتم وضع الماء ، لأن الماء مجرد زيادة في الرطوبة فقط ونجد في بعض البيوت في وقت الصيف لايستطيعون الاستحمام في النهار بل غسل اليدين فقط وقد لجأ بعضهم الى وضع مروحة داخل خزان الماء لمرور الهواء ليتبدل الهواء الداخلي بهواء جديد وعلى اثر ذلك تكون عملية تبريد طبيعية بمجرد دخول وخروج الهواء
ولكن توجد هناك مشاكل في عملية تنسيم النوافذ في مثل بلدنا هذا لوجود الفصول الاربعة في يوم واحد مثلا:
تركت انا سيارتي امام البيت وقد فتحت من النوافذ فلما استيقضت في الصباح وجت السيارة قد امتلئت من الماء بسبب الامطار
ومرى اخرة تركت النوافذ مفتوح منها جزء لمدة يوم امام العمل ولما عدت لها رأيتها قد امتلئت من الغبار بسبب وموجات الغبار التي اجتاحت البلاد ( العجاج )
ونحن نريد حلا افضل من ذلك واسمحوا لي على الاطالة
والسلام

 

[كوستا]

الاحل الامثل (( الرقى)) بشرط يكون باااااااااااااااااارد من تركب السياره وتجلس على الكرسى وتشغل السياره مالك حل الى انك تاكل رقى وادعيلى مجرب كل جيرانا من يطلعون من البيت كل واحد بيييده رقيه ورايح على الدوام
7 السنين وانا على هالحال

ملاحظه
الرقى السعودى الطويل هو المقصود ...أما المدور المصرى ما ينفع