رايكم يهمنه دش وقول رايك بكل صراحه :)

[بالول]

سؤال شنو احسن شركة اتصالات زين ولا الوطنية ولا فيفيا بالنسبه للخدمات والسيرفس للخط وشكرا للجميع

 

[الجعص]

السلام عليكم
رأيي ان الوطنيه احسن
بالنسبه للخدمات
اكو خدمتين حلوين
خدمة الوينك وخدمة الماكس اكسبرس
اسئل عليهم وراح يعجبك اكيد واثنين مجانيه
واسف عالقصور

 

[خدمة الشعب]

(( وش حدّك يا المسمار ؟ قال المطرقه ! ))

جميع الشركات تعبانه : إذا شفت خدمه تلقى النصب بالأسعار

و إذا شفت أسعار تلقى الشبكات تعبانه !!

ياخوي خلها على الله , لكن الجوعان ياكل أي شيء و هذا حالنا بالكويت​

 

[khaled6]

انا جربت الشركات الثلاث



زين نصابين وفيفا موبعيد عنهم افضل شركه الوطنيه بلامنافس

 

[بحريني1972]

وش حدّك يا المسمار ؟ قال المطرقه !

هذي الزبده من الاخر

 

[اسكاليد]

انا خطي زين

بس قبله كان وطنيه للامانه الوطنيه افضل من جميع النواحي فيفا خلها علي صوب لانها توها

يبيلها وقت ..

تحياتي لك

 

[silent night]

الوطنيه و بسسسس

 

[بالول]

بس شباب الوطنية ترى هم ينقصها شى مهم مكاين الدفع واحس انهم شوى بالمكالمات شوى قاصينه اكثر وزين هم نفس الشى واضم صوتى للاخ اسكاليد والاخ سايلنت ممكن توضح لنا ليش بس الوطنية لو تكرمت وشكرا للاخوان ومشاركاتكم الحلوه

 

[بالول]

الحين اللى بياخذ شنو ياخذ حق عياله وطنية ولا اتصالات ولا فيفا ؟؟

 

[العازمي32]

والله ياخوي فيفا ابرك شئ دقيقه 38 فلس وطلب شخص مدي الحياء دقيقه 10 فلوس ومسج مجانا وشتبي بعد واي رقم ثاني 25 فلس ==نظام تعبئه وشكرا

 

[mosawi]

فيفا تقدر (الأفضل)

زين = شين

الوطنية = شركة إعلانات فقط (الأحمر يعبر خخخخخ)

 

[نبض الهواجر]

بصراحه انا استعمل الهواتف من سنة 96 والامانه مريت على جميع الشركات وغير الوطنيه ماتحصل افضل ، ، ،

لا تفكر ولا تحتار

 

[حد أعلى]

مرحبا يا اخوي

من دراسه السوق يتبين لنا شي واحد هو ان السوق مقسم بين 3 شركات و على حسب الاعمار و الفئات يعني :

زين :
مركزه على خطوط الفواتير و للاعمار المتوسطه و الكبيره ابتداء من 28 و ما فوق و الدليل على ذلك شوف الشياب اغلبهم ارقامه كلها فواتير و الاباء و الامهات ... مع قليل من التركيز على خطوط التعبئه و الانترنت .
اخر عرض للخطوط التعبئه اذا ماخاب ظني هو : اشتر خط بــ 15 د.ك فيه رصيد 20 د.ك على هذا الشكل.

الوطنيه للاتصالات :
تركيز قوي للعروض في البدايه على خطوط التعبئه و الغايه منها الانتشار بصوره سريعه و تمثلت في العروض اللي صارت مثل عرض بيتزا هت و عروض المحلات بشراء خط بــ 5 دنانير فيه رصيد 5 و ايضا عروض كروت الشحن التي تمثلت في زياده بنسبه 10% و تصل لي 40% على الكرت الاساسي كدعم قوي لزياده التعبئه و نلاحظ على ذلك بأن اغلب عملاء الوطنيه هم من فئه الشباب الذين يتراوح اعمارهم ما بين 15 سنه لي منتصف العشرينات و ايضا العماله الغير كويتيهز
مع تغيير مجلس الاداره ادي ذلك الي تغيير واضح في سياسة الربحيه للشركه و و انتهاج خطه للتوسع في فئه خطوط الفواتير عن طريق عرض الخطوط الذهبيه و البلاتينيه بأعفاءك من دفع قيمة الخط و لكن يترتب عليك رسم شهري يترواح ما بين 10 دنانير الي 400 دينار للمده سنه و ايضا خدمه Wnet و هي توصيل خدمه الانترنت لك اينما كنت في البيت ولا في الدوام ولا في القهوه.

فيفا :
واضح انها شركه جديده من سياساتها و يوجد بها قليل من تخبطات على مستوى الاستراتيجيات التسويقيه حيث لا يوجد فئه عمريه لهم ... مره يركزون على خطوط التعبئه بعروض تسحب البساط من الشركات الاخرى مثل عرض الصديق المفضل و العروض على اسعار الخطوط كعرض الحالي اشتر خط بــ 5 دنانير فيه رصيد 10 دنانير و مره اخرى يركزون على الانترنت مثل عرض الحالي اشرك لمدة سنه باشتراك 18 دينار و احصل على قطعة USB مجانا.
ايضا من حسناتهم الواضحه ثثمتل فيه عملية الحجز التي تمت في بداية الشركه ... لكن برجوعنا للتخبطات التي ذكرتها بالسابق هي عدم استقرار الشركه اداريا هذا يوجد في كل الشركات حديثه الانشاء حيث لا يمكن الحكم على الشركه حــالـيـا و لكن الشركة متجه للصعود بعد حل مشكلة التغطيه حل جذري حيث ان فـيـفـا امتداد للشركة الاتصالات السعوديه الرائده و العريقه في العروض و الخدمات.

اخيرا
اتوقع ان تحصر اختيارك بين وطنيه و فيفا للسبب واحد وهو : ان هذي الشركتين ينافسون شركة زين لكن زين لا تنوي منافسه احد

و اسف على الاطاله
و لك جزيل الشكر في فتح هذا الموضوع

 

[ابو زيد الشمري]

فيفا بدون منازع واصبر عليها وراح تشوف انها الافضل والوطنيه وزين انصب شركات عرفتهم وجربتهم ومليت منهم

خلك الاقوى مع فيفا << دعايه حق فيفا خخخخخخ

انا اقول اخذ لعيالك فيفا وسو لهم خدمه الصديق المفضل لوووووول

 

[Camaro]

انا للاسف استعمل زين بس مقتنع بفيفا

 

[it's me]

انا بصراحه ما جربت الا زين
وبصراحه اقول ابعـــد عن زيـــن
اسعـــار نااااااار
وفاتورة كـــل يـــوم غيـــر ومبالغ خيـــاليه

من خلال تجربتي اقول ابعد عن زين
وانا لو مو الخط عندي صارله 9 سنين تقريبا والكل يعرفه جـــــان من زماااااااااان مغير الشركه
ولو احصل نفس رقمي على اي شركه ثانيه اغيييير على طووووووول

والافضل اكيد بين الوطنيه وفيفا
واغلب اللي اعرفهم يمدحون الوطنيه

 

[بالول]

شباب انا استعمل زين بس احسهم شوى بالمكالمات يقصونه قص والوطنية شوى اهون على كلام الربع بس نبى النصايح وكل واحد يقول رأيه بصراحه وشنو فى يديد بالطريج فى بعد شركة رابعه ولا بس حجى؟؟

 

[بالول]

شباب صج فى شركة يديدة ابتنزل؟؟؟ هالخبر صحيح ولا حجى !!

 

[الفارس30]

الواطنيه