عاجل جدااااا,,

[ريح المسك]

السلام عليكم ورحمة الله وبركاته ,

موضوعي هو بخصوص احد البنوك المعروفه بالكويت (تجاريه)

هناك امرأه اعرفها جيدا اخذت قرض قبل 4 سنوات تقريبا بقيمة 30 الف , والقسط 370 دينار , وراتبها الشهري هو 780 دينار , والمصيبه هي ان القسط ارتفع جدا حيث لايتبقى من راتبها الا القليل ولايكفيها ولايكفى اولادها ولامصاريفها المنزليه, والمشكله ان البنك يرفض ان يعطيها كشف حساب بالمبلغ , بعني لاتعرف هي لحد الان كم المتبقى وكم سددت ,

ماهو الحل ؟ ارجوا الاجابه بأسرع وقت ؟

وهل يحق لها رفع قضيه على البنك ؟

وشكرا

 

[ديوان الباشا]

اخوي تقدر تجيك عالاونلاين جم مسدده وجم باقيلها من القرض ...

 

[ريح المسك]

بارك الله فيك اخوي , بس قصدك اجيك على موقع البنك ؟


طيب ورفع القسط والمديونيه شلون عليه؟ شنو الحل اذا اتضح انهم رافعين القسط والمديونيه؟

يعني كل هالاسنين ماطاح دينار من اصل الدين .

ياليت الحل ؟

 

[rahaly]

يمكنها ان تقيم دعوى محاسبة يندب لها خبير ... ويبين ايضا اذا كان البنك مخالف للقانون بخصوص الاستقطاع من الراتب وحدوده المسموحة

والله اعلم

 

[مودQ8]

دعاوى البنوك لها قصه تصدقون عندنا مجموعه حوالي 12 دعوه والحين ما نقبل مثل هذه الدعاوى لان اتجاهات الخبراء مو واحده يعني ممكن ان تصدر احكام مختلفه وبشكل عام الخبير يحسب الفايده لغاية تاريخ رفع الدعوى ولا يحسبها لغاية انتهاء القرض والبنك ممكن يقدم مستندات لاتطابق الحقيقه ( مثال قدم البنك مستند ان هناك انتظام بالسداد وان القرض راح ينتهي بالوقت المتفق عليه دخل ابن اختي وهو مدير فرع بنفس البنك وقال لي ان مدة القرض زادت 7 سنين هذا على السستم يعني البنك كذاب بس ما حبيت اثيرها امام الخبير علشان ما اضر ابن اختي ) وفيه اشياء كثيره بخصوص دعاوى البنوك وعلى يوم انشاء الله راح اكتب لكم تفاصيل دعوى كامله من واقع ملف احدى القضايا وارجو من الاخ رحالي ان يثبتها علشان الجميع يستفيد منها 0
انا بصراحه ما ادش وايد لاني مشغول جدا والله بس احاول تكون الاسبوع القادم انشاء الله

 

[fayoona74]

مود كويتي تقارير الخبرة استشارية وغير ملزمة للقاضي بمعنى اذا المدعي ماقتنع بتقرير الخبير يقدر يطعن فيه ويعاود الخبير بحث الموضوع مرة اخرى بامر من القاضي
الموضوع باختصار مثل ماقال رحالي اول خطوة تكون بطلب اثات حالة وفي ضوئها يقرر المدعي رفع قضية ضد البنك من عدمه
من واقع المعلومات اللي حطها السائل يبين ان البنك متجاوز حدود الاتفاق وقوانين ولوائح البنك المركزي بخصوص الفائدة
وايد ناس كسبت القضية اذا المتضررة حاسة ان في شي غلط بالموضوع لاتتردد انها ترفع اثبات حالة وجميع تفاصيل الموضوع سبق ادراجه بمواضيع سابقة مشابهة وهم تلقا الاجراءات بتفاصيلها واحكامها وصيغ دعاويها في موقع خالد الزامل

 

[ريح المسك]

شكرا على التوضيح وسوف اتوكل على الله برفع القضيه وان شاء الله تكسبها المسكينه , والله قالولها القسط 370 وبعد سنه صار 420 والفايده زادت ولحد الحين مانزل ولادينار من قيمة اصل الدين .,

 

[مودQ8]

استاذه قيونه
الموضوع مو مثل ماقلتي القاضي ياخذ بتقرير الخبير صح ممكن نطعن فيه ونعيده للخبراء لكن مو من المتصور ان نرفع دعوى حساب لمحاسبة البنك عن تجاوزاته وعدم تطبيقه لوائح البنك المركزي وعدم احترامه قانون التجاره ثم يودع الخبير الحسابي تقريره ونقول ان ممكن يلتفت عنه القاضي صح ان القاضي الخبير الاعلى ولكن جرى العمل على الاخذ بتقرير الخبير