السلام عليكم
اول شي باركولي شريت لاب توب جديد عقبالكم ان شاء الله بس المشكله اللي صارت معاي بنزل برنامج بيتك للتداول عن طريق موقعهم مو راضي يبطل معاي هل هذا من الويندوز او خلل بالموقع مالهم ارجوا الافاده منكم وشكراً
أول شي مبروك للجهاز الجديد وعلى النظام المثالي ( 7 ) .
مثل ما قالولك نزل برنامج الجافا sun java ، على جهازك ، وشوف النتيجة لو تبي البرنامج وما تعرف تنزله راسلني على الخاص أيبلك رابطهم الخاص بنظام 7 . بعد الساعه 6 المغربيه .
اخي العزيز انا عندي وندز 7 من زمااااااااان واستخدم برنامج بيتك للتداول عليه صارلي تقريبا فوق الشهرين وما عمري اشتكيت من اي مشكله نهائيا ....
الظاهر المشكله عندك في شي ثاني ابحث عن السبب
السلام عليكم
اخوي اول شي شوف windows
64bit
اذا كان 64 اتوقع مايشتغل انا صارت معاي روح غيره حط 32bit وان شاء الله يصير اذا تبي اتعرف الي عندك 64 او 32
روح على my computer بعدين كلك يمين propertise بعدين system type تلقا مكتور يا 64 او 32
مو مسألة أقط الرابط وجني ما ادري لكن مسألة اني بالدوام يعني الكنترول عندي ضعيف وايد علشان جذي قتلك بعد الساعه 6 اكون قاعد من النوم وعند اجهزتي . لكن الحين انه صحيت ودبرت اموري . لا تنسى الرستات بعد التثبيت ، ولا تنسى إزالة حماية الــــ UAC المزعجه لأن ما يسوى على كل شي يقولك هل موافق على الاستمرار !