سؤال عن حق المطلقة التي لا تعمل في الرعاية السكنية من الدولة

[الشجرة]

السلامــــــ عليكمـــ.

هل يحق للمطلقة التي لا تعمل الحصول على أي نوع من أنواع الرعاية السكينة من قبل الدولة ؟؟

لا أقصد المساعدات التي تقدمها وزارة الشئون التي هي مساعدة تحمل نوع من الذل ....

اسأل عن حقها في الحصول على بدل اجار من الحكومة او حق حتى حق التقديم وطلب بيت ... كونها مواطنة كويتية ...

علما بأنه ليس لديها أبناء ذكور بل بنات ... وبناتها موظفات ولا يحصلون على نفقة أو بدل إيجار من الاب.


ما هي الشــــــروط و المستنـــــــدات و الاجــــــــــراءات ؟



وشكــــــــــــــراا

 

[fayoona74]

اختي بالكويت السيلانية والزلمة احسن من الكويتية يعيشون بفلل اما الكويتية مالها اي شي

الجواب
اذا وحدة من بناتك صار عمرها 30 سنة وماتزوجت او كانت مطلقة يعطونج قرض من بنك التسليف تقريبا ماني متأكدة من المبلغ بس اظن 35 ألف واجراءاتها انج تروحين بنك التسليف وتقدمين الطلب اذا توفرت فيج الشروط ومن شروطهم بعد اضافة للي ذكرته قبل ان مايكون مسجل باسمج عقار لا انتي ولا بناتج وهناك يشرحولج اكثر والحل الثاني انج تقدمين طلب شقق المطلقات من الاسكان وعاد تحصلين او لا وسلامتج غير جذي مافي
نصيحتي لج حاولي تيمعين وتشترين شي من فلوسج ولاتنطرين الدولة لان على مايتطورون وتصير المرأة لها قدر واحترام مثلنا مثل امريكا والدول المتحضرة يبيلهم قرن

 

[ابو عبدالله333]

كل هلحقوق الى عندكم يا النساء وهم ما فيه حقوق ارضاء الناس غايه لا تدرك

 

[الشجرة]

fayoona74
شكــــــــــــرا وما قصرتي ....

لكن عندي سؤال ...
اعتقد ان وحدة من بناتها متزوجة وداخلة مع ريلها بقرض البيت ... يعني الوثيقة مشتركة .... فهل هذا يمنعها من اخذ القرض ..

وشقق المطلقات على ما يطلع للوحدة الدور ما يعطونهم بدل ايجار مثلا ؟!!

(وترى مو أنا .. بس قاعدة اسأل حق وحدة )

مشكــــــــــورة مرة ثانية ...

 

[عبدالمذرى]

الاستاذه المحاميه


اعتقد ان السيلانى والزلمه بشر نفس البشر ماينقصهم شى وعيب هالكلام

 

[fayoona74]

اختي الشجرة دام عندها بنت مو متزوجة وصار عمرها 30 شرط مو متزوجة او مطلقة تاخذ انشالله القرض واظن يا 35 الف او 45 الف مو متأكدة بس بهالحدود خليها تروح بنك التسليف اقرب فرع وتسالهم هناك يقولولها الشروط بالتفصيل
وبالنسبة لبدل ايجار مافي نهائيا

 

[شيل و مشي]

اختي بالكويت السيلانية والزلمة احسن من الكويتية يعيشون بفلل اما الكويتية مالها اي شي

الجواب
اذا وحدة من بناتك صار عمرها 30 سنة وماتزوجت او كانت مطلقة يعطونج قرض من بنك التسليف تقريبا ماني متأكدة من المبلغ بس اظن 35 ألف واجراءاتها انج تروحين بنك التسليف وتقدمين الطلب اذا توفرت فيج الشروط ومن شروطهم بعد اضافة للي ذكرته قبل ان مايكون مسجل باسمج عقار لا انتي ولا بناتج وهناك يشرحولج اكثر والحل الثاني انج تقدمين طلب شقق المطلقات من الاسكان وعاد تحصلين او لا وسلامتج غير جذي مافي
نصيحتي لج حاولي تيمعين وتشترين شي من فلوسج ولاتنطرين الدولة لان على مايتطورون وتصير المرأة لها قدر واحترام مثلنا مثل امريكا والدول المتحضرة يبيلهم قرن

ماله داعي هالجملة نهائيا اذا انتي تبي تحطين رد على تساؤل قانوني بدون سخرية لأي جنسية او عرق
ارجو من الاخ رحالي التعامل مع تلك العضوة وتعديل الرد وانذارها حتى لا تكررها مرة اخرى

 

[general]

مو عيب عليج يافيونه تنطقين بكلمه سيلانيه او زلمه او مقيمه ؟ ممنوع عليج حتى لو كان هدفج ايصال رساله بمحتوى (عامي) بدون اهانه او انتقاص منهم , لكن الحق كل الحق مع الاخ (عبدالمذرى والاخ شيل ومشي) لان لو بينفتح موضوع فيه انتقاد للمقيمين بيكونون اول ناس يسفلون بالمقيمين (حراميه ومخربين البلد ولازم يسفرونهم والديره مو امان منهم) لكن انتي يافيونه ممنوووووع تنطقين بحرف واحد تجاه المقيمين .

ملاحظة : ذمتي وسيعه وأحب اتكلم على لسان الناس واحكم على تصرفاتهم بشكل غيبي .
لزياده التثقيف عند البحث عن مشاركات الاخوين بتشوفون شاهرين الحرب على الكويتيات والزوجات ووصفهم بما معناه انهم حيتان , وكله نقد فيهم , لكن مادري ليش حن قلوبكم على السيلانيه عسى مو شايفين شي انا مو شايفه ؟ يعني صارت السيلانيه احسن من الكويتيه ؟ اووووه نسيت انهم بشر بعد (السيلانيات)

 

[القراشي]

اختي بالكويت السيلانية والزلمة احسن من الكويتية يعيشون بفلل اما الكويتية مالها اي شي

الجواب
اذا وحدة من بناتك صار عمرها 30 سنة وماتزوجت او كانت مطلقة يعطونج قرض من بنك التسليف تقريبا ماني متأكدة من المبلغ بس اظن 35 ألف واجراءاتها انج تروحين بنك التسليف وتقدمين الطلب اذا توفرت فيج الشروط ومن شروطهم بعد اضافة للي ذكرته قبل ان مايكون مسجل باسمج عقار لا انتي ولا بناتج وهناك يشرحولج اكثر والحل الثاني انج تقدمين طلب شقق المطلقات من الاسكان وعاد تحصلين او لا وسلامتج غير جذي مافي
نصيحتي لج حاولي تيمعين وتشترين شي من فلوسج ولاتنطرين الدولة لان على مايتطورون وتصير المرأة لها قدر واحترام مثلنا مثل امريكا والدول المتحضرة يبيلهم قرن

الكويتية ماخذه حقها عدل بالقانون وزياده هم بعد تبي بيت وتتزوج وافد أخرتها والله دنيا