احد يعرف محل يضبط تنسيم السيارة ؟

[Se7T]

احد يعرف محل يضبط تنسيم السيارة ؟
عندي سيارتي فيها تنسيم من الدرايش والفتحة

اذا في احد من الإخوان يعرف كراج بالشويخ يضبطنا
الأسعار للي جربو

ومشكورين سلفا

 

[جهاد666]

فيه ربله تلزق على امتداد الباب وتوقف التنسيم بسيطة وسعرها بسيط اتوقع دينار عند محلات الزينة تلقاها ..

 

[wooow]

غير ربلات الدرايش وربلة الفتحه وترجع نفس اول

 

[Se7T]

مشكورين والله يجزاكم خير

 

[AZIZ77]

والله عندي نفس المشكلة
تقول قاعد برة السيارة من كثر الازعاج
تنسيم من كل مكان
غيرت ربلات الجام ولكن نفس الشي
هل في حل اخر
ممكن فتح البيبان من داخل وتكسيتهم ببلاستك
بس وين نروح؟؟؟؟

 

[الاماكن]

اذا كانت السياره حايشتها دعمه وميزان البيبان مو مضبوط مستحيل تعدل الا عند واحد خبره يوزن البيبان عدل ويعوج بعض البراغي اللي داخل عشان يركب عدل واتوقع الخبره اهم الارمن والسوريين بس

 

[AZIZ77]

اذا كانت السياره حايشتها دعمه وميزان البيبان مو مضبوط مستحيل تعدل الا عند واحد خبره يوزن البيبان عدل ويعوج بعض البراغي اللي داخل عشان يركب عدل واتوقع الخبره اهم الارمن والسوريين بس

اعتقد كلامك صحيح
اتوقع السيارة مدعومة ,اخذتها مستعملة

 

[Se7T]

السيارة مومدعومة والتنسيم من البيبان والفتحة
قبل فترة قريت موضوع اهنيه عن كراج مختص بهالسوالف
ياليت يفيدونا الإخوان

واشكر كل اللي تفاعلو مع الموضوع الضوضائي

 

[احمد عبيد]

كراج السوري يالجليب والثاني بصناعية الصليبيه يرجع السيارة توب بس غالين شوي بس خذ شغل قبل اسبوعين مضببين اللند رجعه جديد

 

[Se7T]

اخوي احمد عبيد
اللي بالصليبية اهو السوري اللي يسوي تضبيب للقرقعه وهالسوالف؟

 

[Watches]

أنا عندي نفس مشكلة الباب حاشته دعمه خفيفه والظاهر تحرك وقامت تنسم على سرعة 120 وفوق ..فيدونا الله يبارك فيكم

 

[احمد عبيد]

الي بالصليبيه نفس الي بالجليب هم عيال عم وتفرقوا الدرعاويه

 

[Se7T]

الله يجزاك خير يا اخ احمد

 

[kuwaitey]

اخوى هذا رقم واحد يرد لك العيارات مثل الوكاله ولاتدفع فلس واحد الا بعد ماتجرب شغله

اسمه بولند / 99484628

قول له من طرف ابوحمد ومايقصر معاك ان شاء الله

بس لاتنسانى بدعاء الله يجزاك خير

 

[Se7T]

السبت بدق عليه ان شاءالله

مشكور اخوي كويتي والله يجزاك الف خير ويرزقك الصحة والعافية

 

[كويتى وافتخر]

اى والله ياجماعه سيارتى فورد من الوكاله وفيها تنسيم شنو الحل ووين اللى يلغيلى التنسيم ؟​

 

[كويتى وافتخر]

مافيه جواب ؟