ابي افتح رخصة محل

[mohamm3d]

السلام عليكم ياجماعة بغيت افتح رخصة محل

بس ماني عارف شنو الطلبات وشلون افتحها

ياريت احد ينورني ؟

وهل اقدر افتح للمحل فروع بعدين ؟

ولا لازم اغير الاسم بالرخصه الثانيه

وشكرا

 

[القراشي]

السلام عليكم ياجماعة بغيت افتح رخصة محل

بس ماني عارف شنو الطلبات وشلون افتحها

ياريت احد ينورني ؟

تروح للتجاره اللي تابعه لمنطقتك
الاوراق المطلوبه:-
1- شهاده من التأمينات باب خامس .
2- شهاده بنكيه ( المبلغ حسب النشاط)
3- عقد ايجار + وصل ايجار .
4- شهادة من المعلومات المدنية للمحل (جنوب السره)

وهل اقدر افتح للمحل فروع بعدين ؟

ولا لازم اغير الاسم بالرخصه الثانيه

وشكرا

وبالتوفيق يارب

 

[kwspace]

اي تقدر اخوي تقدر تفتح فروع

بس الله يعينك على المراجعات

اذا نشاطك كمبيوتر عندي لك خوش عرض
اتصل علي وبقولك التفاصيل ٦٦٢٢٣٥٣٢

 

[الحلال بين]

السلام عليكم ياجماعة بغيت افتح رخصة محل

بس ماني عارف شنو الطلبات وشلون افتحها

ياريت احد ينورني ؟

وهل اقدر افتح للمحل فروع بعدين ؟

ولا لازم اغير الاسم بالرخصه الثانيه

وشكرا

طبعا تقدر باذن الله والمطلوب :
1- تأجير محل .
2- رخصة تجارية للمحل من وزارة التجارة باسم شخص غير موظف بالحكومة [ويلزمك رقم جهة مدني من البطاقة المدنية-يسبقها شهادة لمن يهمه الأمر من التأمينات الاجتماعية -وشهادة لا حكم عليه من الداخلية(الادلة الجنائية)] .
3- موافقة بلدية المحافظة على الترخيص الصحي للمحل [يشوفون المخطط ويكشفون عالمحل].
4- موافقة المطافئ على المحل واستيفائه للشروط المطلوبة لهم [لا بد تنتبه لها أثناء تجهيز المحل!] .
5- تروح الشئون لا ستخراج تقدير عمالة عالمحل .
وبعدين تفتح المحل، وتقدر تفتح فروع بنفس الاسم .
هذي اهم المعلومات .. وحياك الله .

 

[mohamm3d]

مشكورين اخواني وماقصرتوا شكل المراجعات تهد الحيل شكثر لووووووووول

 

[متوازن]

ول ول .... كله هذا ... عشان يفتح محل ... وين التقدم وعصر السرعه .... مابقى الا تستخرج جوازات لعيالك ... وتختمها في طرابلس ... ومن ثم ... تودع حساب بنكي في الرياض حي العليا ... بالله عليكم هذه طلبات لمستثمر صغير ... ماقول الا حسبي عليك زمن

بالتوفيق ياخوي

 

[mohamm3d]

شفت شلون اخوي متوازن مايبون احد يشتغل واخر شي يقولون الكويتي كسووول ,,

ويوفق الجميع ابوي .

 

[am7]

طبعا تقدر باذن الله والمطلوب :
1- تأجير محل .
2- رخصة تجارية للمحل من وزارة التجارة باسم شخص غير موظف بالحكومة [ويلزمك رقم جهة مدني من البطاقة المدنية-يسبقها شهادة لمن يهمه الأمر من التأمينات الاجتماعية -وشهادة لا حكم عليه من الداخلية(الادلة الجنائية)] .
3- موافقة بلدية المحافظة على الترخيص الصحي للمحل [يشوفون المخطط ويكشفون عالمحل].
4- موافقة المطافئ على المحل واستيفائه للشروط المطلوبة لهم [لا بد تنتبه لها أثناء تجهيز المحل!] .
5- تروح الشئون لا ستخراج تقدير عمالة عالمحل .
وبعدين تفتح المحل، وتقدر تفتح فروع بنفس الاسم .
هذي اهم المعلومات .. وحياك الله .

مشكور على التوضيح أخوي
لا عزالله بنصير الدوله المركز التجاري للمنطقه
ما يطبلون فصيلة الدم بعد ؟
و رقم حساب ببنك الراجحي فرع الدوادمي ؟

 

[شركة القيروان]

هلا يا اخوي
في فرق اذا تبي رخصه عادية او رخصه مؤسسة او رخصة شركه

انا انصحك تسلم معاملتك لمكتب تخليص وتريح راسك

 

[mohamm3d]

اخوي شركة القيروان على ايدك دلني على مكتب سنع يضبطني انا مو لاقي للحين

 

[شركة القيروان]

ابشر باذن الله بس احصل كرت المكتب اللي خلص لي معاملة شركتي برسله على الخاص

 

[المتفائلون]

من قلبي الله يعينك ... لاني اعرف المعانات ... للاسف هذي دولة ماتبي احد يشتغل ... عالعموم موفق وعطها مخلص معاملات اريحلك ..

 

[mohamm3d]

من قلبي الله يعينك ... لاني اعرف المعانات ... للاسف هذي دولة ماتبي احد يشتغل ... عالعموم موفق وعطها مخلص معاملات اريحلك ..

وين المكاتب الحين مافي

واذا مكتب يطلب لك مبلغ خيااااال بخيال