مطلوووووب بدل شمال غرب صليبخات

[mini coopre]

​

أرغب بالبدل مع قسيمة في شمال غرب صليبخات سد أو موقع ممييز حسب الموقع يكون السعر ولدينا طلب 97 شهر 5 مع دفع الفرق لكم

​

الرد يفضل رسالة على النقال رقم 99957768

 

[مستريح]

في موقع مميز ب80 الف راس على ثلاث شوارع

وفي سد ب40 ألف قريب من مدخل المنطقة

 

[mini coopre]

السلام عليكم أخوي المستريح ما تلاحظ انه أسعارك غالية شوي انا محصل بطن وظهر 50 يعني الفرق 30 ألف موشوية والسد قريب المخرج تقريبا 30 ألف بس ..... مادري انت مكتب اذا مكتب لك ألف على البدل وسلامتك بس اللي حاط السعر صاحب الارض مبالغ وايد في السعر وسابق الوقت لأنه راجعت الهيئة قالوا ما كو بدل رسمي حق ش غ صليبخات الا بعد سنة ونص الى سنتين ... يعني هذا انه البدل هلأيام بس ربط كلام وأشكرك على مشاركتك للرفع ​

 

[q8ii]

عندي موقع زاوية 3 واجهات شارعين وارتداد ق1 . 100 الف دينار .

 

[mini coopre]

للرفع للرفع للرفع للرفع للرفع

 

[خالد7777]

http://www.indexsignal.com/vb/showthread.php?t=229221

 

[BU ALI]

السلام عليكم :

شباب انتوا من صجكم هالأسعار الي تقولونها ..... لا تفهموني غلط آنا بدلت

طلبي مع واحد من الشباب بأرض راس 3 شوارع وارتداد حلو ( طبعا التبديل عن طريق محامي

يعني مو رسمي حتى يسمحون بالتبديل الرسمي ) بسعر 45000 . والناس تقول ان الأسعار

راح ترتفع بس مو هالكثر , آنا من مصلحتي توصل 80 ولا 100 ألف بس أعتقد صاحب الموضوع

لو يدور راح يلقه بسعر مناسب .

 

[mini coopre]

أخوي bu ali1انا أدور شارع أو موقع مميز وانت شايف اللي معروض بس يا خوي في مبالغة وهم مجازفة في البدل شنو الضمانة أنه اللي تبدل معاه ما يخوون يويقول هذي المحاكم روح دور افلوسك وأرضي عندي بهلوقت ودك لو أنك ما بدلت معاه صح ولا لا وبعدين انت بدلت طلبك بأرض مميزة وعطيته 45 شقصدك من مصلحتك انها ترتفع .. والشي الاهم وين تحصل الثقة اللي تضمن معاه البدل وشكرا على مرورك​

 

[BU ALI]

السلام عليكم :

1 - ما في شي بالدنيا اسمه ضمان 100/100 . كل شي جايز .

2 - آنا كتبت عقد عند محامي وتم التوقيع عليه وكذلك توقيع زوجة صاحب الأرض كونها المستفيده
مع زوجها .
3 - صاحب الأرض عطاني شيك بالمبلغ بالكامل لضمان حقي .

4 - المحامي يقول العقد بالنهاية عبارة عن أوراق فلازم يكون هناك حسن نية بين الطرفين .

5 - الحمدلله الله وفقني بواحد ابن حلال وزادت ثقتي فيه بعد ما عرفته زيادة ...بس ؟

لا ننسى ان الموت علينا حق ... وهذي هي المخاطرة لأن معظم الشباب الي يبون يبدلون

برأي الشخصي مو حاطين في بالهم ينصبون , النصب في له قنوات كثيرة ما يحتاج ينطر تطلع له

أرض علشان ينصب . الشي الي لازم تخاف منه هو الموت لأحد الأطراف راح يقلب كل شي .( بالنسبة لي آنا واعي بكل شي سويته . كان عندي خيارين اما انطر وابدل رسمي طبعا بسعر

أعتقد راح يكون أغلى . أو أبدل في الوقت الحالي وأتحمل أي شي يصير بالمستقبل . )

آنا عندي مبدأ بأن اذا آنا قاعد أسوي شي مو حرام ولا يغضب الله سبحانه انشاءالله ربي راح

يوفقني وخصوصا هذا الشي حق اعيالي .

 

[mini coopre]

الله يعنيك ويرزقك على قد نيتك وزود

يالغالي أولا : اشكرك على هذا الرد اللي أكثر من رائع وان دل فهو يدل على أخلاقك العالية ، وما قول الا الله يهنيك بنيتك هذي وقر عيونك بأهلك وعيالك .

ثانيا : انا أعلم بأن الامور كلها بيد الله تعالى يصرفها كيف يشاء بس احنا بأيدنا بذل السبب ومن بذل السبب انه الواحد ما يقط نفسه بمتاهات من غير ما ياخذ الحيطة والحذر ،ومع كل هذي الاجراءات راح تعتبر مجازفة لما تبدل والله يفقك وبلغك بيت العمر وتسلم​

 

[BU ALI]

مشكور وما قصرت على الدعوة , الله يرزقك الي في بالك ويحفظك ويحفظ جميع المسلمين .