فمان الله السوق الكويتي والى لقاء قريب ان شاء الله ..!!

الموضوع في 'السوق الكويتي للأوراق الماليه' بواسطة خوش ولد, بتاريخ ‏1 فبراير 2005.

  1. خوش ولد

    خوش ولد عضو متميز

    التسجيل:
    ‏5 فبراير 2004
    المشاركات:
    1,284
    عدد الإعجابات:
    149
    مكان الإقامة:
    الكويت الحبيبة
    اليوم خرجنا من السوق والحمدالله على كل حال , خلاص ودعنا الهم , ودعنا ارتفاع ضغط الدم , ودعنا طول الانتظار ودعنا الجلوس تحت رحمة لكبار , وانشاء الله لنا رجوع مرة اخرى لكن متى الله العالم ..

    الله يوفق الجميع ان شاء الله يرزق الكل , وودي اقول شي يا اخوان ان مومعناتة ان هناك اسهم مو زينة بالعكس اسهم ممتازة ويستحق الواحد يشتريها وراح اذكرها على عجالة

    المخازن
    وطنية عقارية
    صناعات
    تمويل خليج

    هذيلة اهم الشركات

    ومع السلامة
     
  2. فارس العنزي

    فارس العنزي عضو جديد

    التسجيل:
    ‏15 سبتمبر 2004
    المشاركات:
    1,240
    عدد الإعجابات:
    0
    مكان الإقامة:
    الكويت
    السلام عليكم

    عندي لك نصيحة يا خوش ولد " لا تقطع عن متابعة السوق عن كثب وكأنك لم تخرج من السوق وتابع كل أخبار الشركات وأرباح الشركات وإذا إنت حاط عينك على كم شركة تابع حتى صفقاتهم " وذلك متى ما رجعت تكون عندك خبره وستجد خبرتك زادت وبالتأكيد سيكون صفقاتك ربحها أفضل ، ويعز علي سماع خروجك من السوق :( وأتمنى من الله سبحانه وتعالى أن تكون عودتك قريبة جداً :cool:
     
  3. خوش ولد

    خوش ولد عضو متميز

    التسجيل:
    ‏5 فبراير 2004
    المشاركات:
    1,284
    عدد الإعجابات:
    149
    مكان الإقامة:
    الكويت الحبيبة
    مشكور اخوي على النصيحة والله يعطيك العافية

    انا موجود معاكم في المنتدى ومتابع للسوق شي اكيد

    وان شاء القى فرصة ثانية عشان ادش فيها السوق

    والتوفيق للجميع
     
  4. saja

    saja عضو جديد

    التسجيل:
    ‏9 أكتوبر 2004
    المشاركات:
    205
    عدد الإعجابات:
    1
    خلك موجود

    زين سويت بس خلك موجود لانه لازالت فيه فرص حلوه بتجي بالطريق
     
  5. beckham_23

    beckham_23 عضو نشط

    التسجيل:
    ‏16 سبتمبر 2004
    المشاركات:
    390
    عدد الإعجابات:
    0
    لا تزعل

    افا يا خوش ولد لا تزعل هذا مو اخر المطاف يوم لك ويوم عليك السوق يبيلة واحد يدرس الشركات التي يبي يدخل عليها ويصبر والصبر مفتاح الفرج يا خوي انت الحين بين المايتين يعني لا انت بحر ولا بر الحين احسن وقت لدراسة بعض الشركات حتي اتعرف اشلون الطريق الي النجاح انا اباكر رايح السوق وبشوف السوق عسي اني اتعرف عليك حتي من باب المعرفة ولو حتي علي شرب فنجان شاي شنو رايك
     
  6. خوش ولد

    خوش ولد عضو متميز

    التسجيل:
    ‏5 فبراير 2004
    المشاركات:
    1,284
    عدد الإعجابات:
    149
    مكان الإقامة:
    الكويت الحبيبة
    مشكورين يا اخوان على المشاعر الطيبة والنصائح الذهبية الي تدل على دماثة اخلاقكم الكريمة , بصراحة شديدة السبب الرئيسي لخروجي من البورصة الكويتية هوعدم وجود فرص استثمارية تعطيك 50% او اكثر ..!!

    يعني يدوب يعطونك 25% ...!! وان شاء الله تعتبر استراحة محارب والتفكير في الدخول الاسواق الخليجية مثل سوق القطري والسوق الاماراتي والسوق السعودي , لكن الاقرب هو السوق السعودي لان هناك فرصة استثمارية كبيرة فيها ان شاء الله اقل شي 60% خلال فترة قصيرة ..!!
     
  7. TechnoFund

    TechnoFund عضو متميز

    التسجيل:
    ‏12 مايو 2004
    المشاركات:
    919
    عدد الإعجابات:
    20
    مكان الإقامة:
    الروضة

    والله ان موضوع السوق السعودي يقرقع بقلبي من فتره .. بس يبيله سيوله قوية وانا اخوك .. اسهمهم غاليه .. وتصحيح سوقهم إييب أكتاف .. وبعدين يا خوي يا خوش ولد .. تره فرص السوق الكويتي مازالت موجوده .. انت تبي ربح اكثر من 50% خلال مده معينه ؟؟ إذا أكثر من نص سنه .. تره في وايد اسهم انا اقولك بتعطيك أكثر إذا الله اراد .. وأولها .. ****** :d

    عالعموم اتمنالك شخصيا .. كل التوفيق في حلك وترحالك .. وان شاء اشوفك مليونير .. متواضع ;)

    تقبل مني أعطر وأرق تحية وأحلى الأماني وبالتوفيق بإذنه تعالى ،،،
     
  8. man_70kw

    man_70kw عضو جديد

    التسجيل:
    ‏25 أكتوبر 2004
    المشاركات:
    190
    عدد الإعجابات:
    0
    أنا واحد من الي طلعو من السوق .... وأقولها باالفم المليان طول مافي ارهاب او ترويع السوق في الحظيظ ..... مافي أحلى من العقار مربح او ماي فلس الواحد ....... والسوق مستقبله أظلم لاتقولولي خبراء اقتصاد يقولون كل شي تمام والأمور زينة خلكم واقعين شوي او قولو الصراحة مانبي الواحد يدلل على سهم ماخذه صارله سنه طايح ابجبده .... طوال شوارب راحو فيها من السوق او قامو يبجون !!!!
     
  9. فارس العنزي

    فارس العنزي عضو جديد

    التسجيل:
    ‏15 سبتمبر 2004
    المشاركات:
    1,240
    عدد الإعجابات:
    0
    مكان الإقامة:
    الكويت
    سوقنا زيين من واقع تجربة ليست بالطويله ، ربحت من خلالها وخسرت أيضاً وسبب خسارتي إندفاعي مع المضاربات والتي أغلبها لشركات تعبانه أشتري وعقبها يخفق السعر وتجمد فلوسنا وأبيع بخساره لأعوض بسهم آخر وأحياناً أخسر بالآخر وأحياناً أربح ، وإقتنعت بشغله واحده خلك مع الشركات الكبيره فقط وماعليك يرتفع السوق أو ينزل ما يهمك ، الشركة قويه ومصيرها بترتفع وتربح والقناعة بالربح والطمع وخر عنه وأهم شي لا تخسر والعمليه تبي صبر وطولة بال والرزق على الله .
     
  10. دهن العود

    دهن العود عضو جديد

    التسجيل:
    ‏14 مايو 2004
    المشاركات:
    47
    عدد الإعجابات:
    0
    مكان الإقامة:
    الكويت
    ياسلام عليييييييييك

    صح السانك
    كل ما صعد السوق وستانسنا إلا ورفعو الفائده وردين مر ثانيه للكدر وعوار الراس
    والشغله الثانيه الحكومه يخليها ربي اتخطط على فرض الضرائب على الدخل الفرد والشركات والمؤسسات

    http://www.taxnzakat.org/ موقع الضرائب

    يعني الحين الشركات بدون ضرائب تعطينا ارباح بالعافيه اشلون لو في ضرائب
    ويقولون السوق زين....

    زين طل

    لاتظنون اني خسران عشان جذي قلت هذا الكلام بالعكس انا والله العظيم رابح فوق راس مالي
    بس الحكومه الله يطول في عمرها مو جاده في تحسين الاقتصاد دوله مافيها مصانع ولا فيها تعداد سكاني كبير
    ويبون ياخذون منهم ضرائب على شنو ؟؟؟؟؟؟؟؟؟؟؟؟
    تخيل انت مستثمر اجنبي وناوي تعمل مصنع بالكويت اكيد يهمك عدد السكان الدوله يعني اللي يبيع منتج في مصر مو مثل اللي يبيع منتج في الكويت اكيد الربح في الكويت قليل لعتبار السكان قليل

    زبدت الحجي:

    زيادت فائده + ضريبة الدخل + سوق صغير جداً (سكان قليل) + الاعتماد على اسعار النفط + سوء تخطيط حكومي وعدم الجديه في تحسن الاقتصاد + وعدم الاستقرار السياسي = بطل اعيونك زين ودير بالك على صحتك وكثر من عصير المشمش يقولون حق عوار القلب زين :eek:

    هذه مجرد وجهت نظر يا شباب خاصه فيني وحبيت اقولها لكم
     
  11. الراقي

    الراقي بوعبدالله

    التسجيل:
    ‏3 ديسمبر 2004
    المشاركات:
    11,607
    عدد الإعجابات:
    16,191
    مكان الإقامة:
    بيتنا
    الاخ العزيز خوش ولد بماأنك طلعت من السوق تكفى شنو الشركات الي تربح 25% ترى أخوانك صغار المستثمرين ناشفه معاهم من يوم انت طلعت من سوق
     
  12. فارس العنزي

    فارس العنزي عضو جديد

    التسجيل:
    ‏15 سبتمبر 2004
    المشاركات:
    1,240
    عدد الإعجابات:
    0
    مكان الإقامة:
    الكويت
    الأخ الراقي إسمحلي بالتوصيه ، عليك هاليومين بالمخازن ، مركز سلطان ن هواتف وإنشاء الله بتربح لأن للحين مو هذا سعرهم وخاصة المخازن مع الأرباح لعام 2004 وعقد جديد ضخم حسب ما هو مذكور بجريده الوطن اليوم وأيضاً من مشارك بالمنتدى ذكره اليوم بمقال عن مركز سلطان ليش ثابت على 1240 فلس ، هذا رأيي بقناعة شخصية وإترك عنك الباقي ، والأمر أولاً وأخيراً لك .
     
  13. كويتي

    كويتي عضو جديد

    التسجيل:
    ‏5 مايو 2003
    المشاركات:
    123
    عدد الإعجابات:
    0
    كان الاصول تسيل نصف المال
    صراحة انا طلعت نصف المال
    خوف من الارهاب والحكومة مومثل حكومة السعودية
    تدعم السوق وقت الهجمات الارهابية

    عن الحسافة
    راعي النصيفة سالم



    اللة يحفظ الكويت وشعبها
     
  14. الأمير

    الأمير عضو نشط

    التسجيل:
    ‏21 ديسمبر 2001
    المشاركات:
    116
    عدد الإعجابات:
    15
    مكان الإقامة:
    الكويت
    أخي العزيز "خوش ولد"

    سوق الأسهم كمثل الأسواق الأخرى كما تعلم تأتيه حالة انتعاش وركود، وأرتفاع ونزول، اعلم أن الشركات الكويتية في حالة إعادة هيكلة لها وتوسعة خاصة بعد سقوط النظام العراقي البائد حيث كان له الأثر في أكثر من عقدين في تأخر الكويت في مشاريعها الأقتصادية بسبب عدم الأستقرار والأمان في المنطقة.

    ما الذي يجعلك تخرج الآن !! نعم، أنا معك إن المسؤولين الكويتيين إلى الآن غير جادين في تسهيل الاسثمار ووضع عراقيل تحد من المنافسة الأقتصادية.

    لكن لا تنسى من موقع الكويت في بناء العراق فالعراق دولة غنية وتحتاج لبناء للبنية التحتية، فالعراق محتاج للشركات العالمية من خلال الشركات الكويتية فالكويت بوابة لبناء العراق وعدد سكانة 25 مليون نسمة.

    ولاحظ بورصة الكويت فمنذ أن وصلت 3000 نقطة بدأت الاشاعات بانهيار السوق وقد خرج أناس منها بعد تصحيحات موجعة تصل ل 100 و200 نقطة والآن السوق أكثر من 6000 نقطة.

    فما هو الحل؟

    هو في وضع أسس ودراسة للإستثمار في الشركات الكويتية خاصة الآمنة وأقصد بها التي لها أنشطة توسعية خارج البلاد على شرط أن يكون هذا النشاط مدروس بجدية وله مردود، وفي هذا المقام شركات عدة
    فهذه الشركات ليست متضررة من رفع الفائدة ربع أو نصف نقطة لأن وضعها المالي قوي ولا تحتاج الإقتراض بل إن العديد من الشركات بدأ بطريقة زيادة رأس المال من خلال علاوة الاصدار وهذا جيد للشركة فلا تتحمل ديون تثقل كاهلها وتسعى للتطوير وزيادة الأرباح. ولا تظن أن هذا التطوير يأتي بثمرته خلال 3 أو 6 أشهر بل سنتين أو ثلاث. ومن ثمة تقطف الثمار وستجد رأس المال تضاعف إن شاء الله.

    الفائدة لو كانت عندنا في الكويت 6 أو7 نقاط هنا نحتاج التأمل بارتفاع الفائدة أما الآن فلا. والله أعلم

    هذة وجهت نظري فإن أصبت فمن الله وإن أخطأت فمني ومن الشيطان.
     
  15. خوش ولد

    خوش ولد عضو متميز

    التسجيل:
    ‏5 فبراير 2004
    المشاركات:
    1,284
    عدد الإعجابات:
    149
    مكان الإقامة:
    الكويت الحبيبة
    المشكلة دائما احنه تستبق الاحداث

    يا اخوان لاحظوا اني ما ذكرت سبب خروجي من السوق ؟؟ فا ليش كل واحد يعطي تحليل بدون لا ايعرف السبب؟

    منصور خان كالعادة تسبق الاحداث وتستخدم الاسلوب الهجومي , على اي اساس حكمت ان ما عنده خبرة بالسوق وانت ما عرفت سبب خروجي من السوق؟

    كل مافي الامر خرجت من السوق محتاج سيولة هذه الفترة ( 3 اسابيع ) ومن ثم البحث عن فرصة استثمارية اكبر في الاسواق الخليجية واعتقد انها موجودة

    فا يا شباب طولوا بالكم انا ما طلعت من السوق عشان السبب انى راح ينزل والدليل اني ذكرت ان في شركات زينة ,

    الاخ الراقي لو سامع توصيتي لما ذكرت المخازن كانت تحت ال3 دنانير جان الحين خذيت 11% تقريبا والخير جدام ان شاء الله

    وطنية عقارية ( الحصان الاسود القادم )

    والله يوفق الجميع

    والله يوفق الجميع ويرزقهم
     
  16. saif4807

    saif4807 عضو جديد

    التسجيل:
    ‏2 فبراير 2005
    المشاركات:
    8
    عدد الإعجابات:
    0
    اللة يحفظ الكويت وشعبها