اذا الله رزقك 100 الف دينار ,, شنو المشروع اللي تبطله

يعطيكم العافيه يا اعضاء و قراء و ضيوف المنتدى

حبيت استشيركم:

لو الله رزقكم 100 الف دينار الكويتي

الوالد الله يحفظه ويطول بعمره من الجيل القديم
اللي اقصى الطموح عنده ,, يشتري عماره او بيت اجارات ويرتاح
طبعا عن طريق احد البنوك
وانا مو عاجبتني هالفكره
على ما تسد الدين اللي عليك ,, وتاخذ من خيرها راح تطول
وفي مشاريع افضل


شنو المشروع اللي تبطله بهالوقت

واللي عنده افكار لا يبخل علينا

وعساكم عالقووة

 

خلك علي كلام الوالد الله يطول بعمره ابرك لك من عوار الراس

 

فكر باي شئ الا البورصه​

 

تسلم وما قصرت

 

البورصه

انسى الفكرة

هههههههههه

 

باالعكس فكرة الوالد الله يطول بعمرة حلوة العقار يمرض ولايموت وشي ثابت ولة مدخول شهري اما المشاريع اخوي تلتزم في ايجارات وعمال ومشاكلهم هذا منحاش هذا مايبي يشتغل والثاني يبوق ووتعب ودوخة الشؤون والتجارة في تجديد الرخص واذا مامشي المشروع تتراكم عليكم الايجارات , انا مابي احبطك بس هذا الي قاعد اشوفة من الربع الي عندهم مشاريع تجارية من مطاعم وصالونات ......
خل يشتري عقار ويتوكل علي الله ومن بعدها فكر بالتجارة الحرة حتي لو طحت الله لايقولة ولافي شي يسندك
وموفق انت والوالد

 

من الوالد الله يخليه لك و يطول بعمره

الارض ذخر دنيا و صج تمرض ما تموت

و فوق هذا اهي دخل لك بس ما تاكل عليك وايد مثل التجاره

 

العقار إبن بار​

 

العاب اطفال

مثل طفل المستقبل

بس زيدهم .. اتوقع 100 الف ما تكفي

او تفتح صالة بولينج وتكون على مستوى عالي ومو شرط موقعها حلو

اهم شي تكون قريبه وحتى لو بدواعيس هم بيونك الناس

موفق خير

 

البيت ماتخسر فيه

 

.
آآآممم طبعا اول حاجه :. ابعدهـ عن الاسهم <<تجــربـة وحدهـ بالعمر
تكفي وخسـرة الاسهم تجـربـة قوويه بس موكثيـر


ثاني حاجه :. بما اني بنوتهـ واحب الحركآآت رآح اشتري في نصف المبلغ
>كــل شئ جديد ومميز وعــلى الموضـة <


ثالث حـاجه :ورآح اكلم حبيبي عموو يتصرف في نصف الثاني
وعــلى مسؤؤليتــه الخسارهـ والربح لــي





.

لاآآ ..والله عمــ امززح معاكم

.


إذا تبــــــون الصرآآآحه وش رآح اسوي في 100 الف دينار ..!!



7

7


انا بنت عــز والله وموحــاجة هالمبلغ و ابوي عوون اليمين لي <الله يحفظه


يعني بختصار : المشروع اللي بفتحهـ ..!!


بتبــرع فيهـ الى اي انسان مــريض وماعندهـ ثمن علاجهـ .
بتبــرع فيهـ الى اي انسان فقيـر وماعندهـ لقمـة تسد جوعهـ
بتبــرع فيهـ الى اي انسان محتــاج العوون وماعندهـ احد يساعدهـ


والله يسامحني إذا قصرت ..



شكر على الموضوع لــ مآآآآسي


​

 

بارك الله فيج

بس لاتنسين اخوك بطرش رقم حسابي بالخاص ​

اخوي عسى الله يوفقك ويباركلك إن شاءالله ​

 

بالفلوس اللى معاك تقدر تشترى بيت وتؤجره بدون ديون من البنوك

صدقنى العقار هو الخيار الصحيح ..​

 

الله يعطيكم العافيه على مشاركاتكم الحلوة

والله لا يحرمني منكم

بس الصراحه اخوي انطلق2

صج ظحكتني

العقااار ابن بااار

صك علي ههههههههههههههههههههههه

 

اسأل يقول المثل من سأل ماضاع


والله يخليلك ابوك ويباركلك بحلالك​

 

تبى صج فلوس افتح مغسله سيارات راس مالك ماى وصابون وشويه زينه بس وربحها مضمون بس اذا عندك واسطه افتحها بالمنطقه الاولى بيصير ضرب ومضارب عليها
وبالتوفيق ان شاء الله​

 

تسلم الله يبارك فيك

ومشكوور على الدعوة الله يجزاك خير

 

الله يرزقني مثلهم حتى أسدد الدين اللي كاسر ظهري وما يبقى من راتبي التقاعدي شيئ

 

السلام عليكم ,,

مرحبا ً ,,

طبعا عندي (تعليق بسيط ومن ثم نصيحه ومن ثم سؤال وثم توجيه )

* كل شخص ينصحك بشيء ثق تماما ً نصحك لأنه هو يحب هذه الفكره او المشروع وليس انت !

* إستثمر بشيء تحبه وتبدع فيه وتقدر تطوره بشكل شبه مستمر.

* هل فكرت لوحدك بجديه لهذه المسأله , كيف ترى نفسك بالمستقبل؟

* إذا تعبت من التفكير ولم تجد حل ! استعن بمستشار ( ناجح ) ونجاحه ملموس امامك وليس خيال , وإن استدعى ان تدفع له مبلغ من المال.

الله يوفقنا معك وكل المشاركين​

​

​

 

اميين

والله يفك عوقك ويسد دينك انت وكل المسلمين