السلام عليكم
اخوي بالنسبه لغسالة البطانيات ما فيه غساله ونشافه بنفس الوقت للبطانيات
واقل حجم لغسالة البطانيات اذا تبيها تغسلك صح 18 كيلو
طبعا هذي مو موجوده إلا بأماكن معينه بالكويت
هالاماكن مختصه بالتجهيزات الفندقة على سبيل المثال شركة الراشد ، وفيه شركه بالشويخ جنب هالرلي دافينسون اعتقد اسمه جنه صح مال السياكل أو جنب السوق المركزي اللي مقابل
سوق لندن ما اعرف اسم هذا السوق
وعند شركة دسمان الأولى هذي بعد بالشويخ قريبه على الشركة اللي قلتلك عنها بالشويخ
سعر الغساله مالت الديباجات يا طويل العمر 18 كيلو بحدود 1650 دينار طبعا يتفاوت من شركة لأخرى
وعند الراشد غساله للبيوت حجمها 10 كيلو بس مخصصه للديباجات سعرها 950 دينار بس هذي الغساله كانت عنده
من 3 سنين وما ادري اذا لي الحين عنده بس عنده اكيد الغساله اللي حجمها 18 كيلو
وبالنسبة للنشافه اذا كان حجم الديباجات كبير ( كنج سايز ) فالنشافات العادية ما تنفعك وهالشركات يبيعون النشافه اللي حجمها 18 كيلو بـ 950 دينار
طبعا هالأجهزه مو هافي ديوتي إلا اكثر من جذي يعني تشغلها 20 سنه وماتخترب الا قليل جدا
وكهربتها 3 فيز مو سنقل
بالنسبه لو عندك ديباجاك وكنابل صغيره ( لليهال أو السنقل العادي ) فبشركة الراشد عندهم غساله نوعها هيوبش امريكيه وبعد عندهم نشافه نفس النوع تقدر تغسلك الديباجات والكنابل الصغار
اتمنى اي اكون فدتك بهالموضوع
تقبل تحياتي
بو أمير
