جم ربحت من السوق الكويتي عام 2004 ؟

[المقرود]

الربح والخسارة

 

[الراقي]

نعمممممممممممممممممممممممممممممم

 

[المقرود]

كيف كانت ميزانيتك الختامية لعام 2004 في السوق الكويتي:

(ملاحظة أرجو جمع الأرباح والخسائر المحققة والغير محققة ، بعنى لو أنك بعت كل مالديك الآن بالسعر الحالي في بداية 2005 ، فكيف سيكون صافي محفظتك؟ بمعنى ماهي نسبة الربح أو الخسارة من رأس المال؟ )


أرجو المشاركة للأهمية حيث سأجري مقارنة مماثلة في السوق الأمريكي ، وتحقيق نتائج التصويت ليكون مرجعا للجميع)

يعطيكم العافية


ملاحظة:
- مو تنسون نبي الصافي سواء محقق أو غير محقق
- أرجو الإجابة بكل صراحة لأن محد راح يعرف منو أنت ، وكلنا راح نستفيد من النتيجة

 

[المتفائل2004]

مثل ماقال المثل "كل ماطقها عويه" (
والله كريم
والامل موجود بالله سبحانه ثم بالوجيه الطيبه في هذا المنتدى

 

[فارس العنزي]

بدايتي بالتداول كانت خلال شهر 6 / 2004 وكنت غشيم بس التوفيق من الله سبحانه وتعالى وكنت مجتهد بجمع المعلومات لأتخذ قرار صائب وفعلاً ربحت بجميع صفقاتي الأولى وكسبت بربح ل بأس به وبفتره قليله جداً كل ما أطقعها ولا أوكي معاي بس عوكست معاي تالي لأني قمت آخذ شركات سكه وخسرت بس لما حسبت ربحي وخسارتي طلعت ربحان بس شويه ومع الصرف راح راس المال والحين بس إكتتابات وناطر بس مواصل متابعتي للسوق حتى أتعلم وما أفقد ما تعلمته ، في النهايه أقدر أقول أنا ربحان بس شويه .

 

[المقرود]

هذا هو الموضوع الأصلي

 

[المقرود]

هذا الموضوع الأصلي أخوي المتفائل والراقي وفارس

بس طبعا الخيار الأخير حطيته بالغلط ، مافي أحد يخسر أكثر من 100% ، إلا إذا واحد خسر أمواله وزوجته وعياله يحط الخيار الأخير ، وهذا أحسن له مايدش النت ، ماكو فايدة

 

[المقرود]

أشكرك أخي المراقب

 

[سوق التجار]

الأخ المقرود

ترى خساره ال 100% تسيير.

خصوصاً الى حاط كل فلوسه في الآجل ممكن يخسرهم كلهم.

الله يبعدكم عن هذه الخساره.

 

[ولد الديرة]

أخوي ولد الديرة شارك بالتصويت ماعليك أمر

وأرجو من المراقب إغلاق الموضوع

ولا يهمك يا اخي المقرود انا لغيت مشاركتي علشانك

 

[المقرود]

نرجو من الجميع المشاركة

 

[شخص ما]

يعطيك العافيه على الموضوع خليتنا ننفس عن اللي في صدورنا



بس ما حطيت
ربحت اقل من 1%

جان زين


مشكور

 

[المقرود]

فرصة كل واحد ينفس عن روحه ويقول قصته

أنا بصراحة في بدايتي كنت أربح ربح معقول (مو وايد) من البورصة ، إلى أن جاء اليوم المشؤوم ، اللي أنا أسميه (يوم السفن) ، بصراحة دخلت بأغلب اللي عندي بسهم السفن على أساس إني راح أبيع بنفس اليوم ، اللي حصل إني شريت السهم ب 495 فلس ، على أساس إني راح أبيع عند 500 فلس ، ربح 5 فلوس ، بس اللي صار إني سرحت وقتها وحطيت أمر البيع عند 495 فلس ، يعني نفس سعر الشراء ، فما استفدت شي ، وخسرت عمولة على الفاضي ، وبالحقيقة تفاجأت شلون الأمر تنفذ بسرعة حتى قبل لايمديني ألغيه. انبطت جبدي وقلت إلا أضارب بهالسهم اليوم ، حطيت أمر شراء ثاني عند 495 فلس ، بس للأسف ، كان السهم وقتها قاعد يطيح ، شريت السهم على هالسعر ومن ذاك اليوم والسهم قاعد يطيح ، وأنا صابر ، إلى أن وصل اليوم 390 فلس ، يعني راح من راس مالي أكثر من 20% ، الحمدلله إن خسارتي مو محققة ، وماراح تتحقق بإذن الله لأني ماراح أبيع السهم إلا لما يوصل حق السعر اللي يعجبني ، وراح أتم علج ببلعوم أعضاء مجلس الإدارة النصابين ، حتى لو عقب 5 سنوات

الله يسهل ويرتفع السهم وأصوت مع اللي اربحو في السنة القادمة بإذن الله

وفقكم الله

 

[المقرود]

اليوم آخر موعد للمشاركة بالتصويت

أرجو المساهمة حتى يتم الاستفادة من النتائج والتعليق عليها

 

[بوعنتر]

ههههههههههههههههههههههههههههههههههههههه والله ضحكتني يالمقرود واثبت انك اسم على مسمى ههههههههههههههههههههههههههههههههههههههههههههه :d :d

ذكرتني بقبل 3 شهور تقريبا كنت بشتري الصناعات المتحده على اخر السوق ب196 رن تلفوني وانشغلت وويم حطيت الباسورد الا صكر السوق بدقيقه وبعدها بيوم حد اعلى وصعدت لين طافت ال300 عموما الحمد الله نصيب والسفن انشالله لها طلعه بس طول بالك والله كريم ويرزقك ويرزق الجميع
بس طلبتك اذا بتبيع دزلى رساله على الخاص اذا وقتها عندي سيوله اشتريهم منك