اراضي اشبيليه باخر احصائية للعدل بين93و110الاف

[خالد العليان]

اخر احصائية لوزارة العدل اراضي اشبيليه وصلت اسعارها مابين 93الف للاراضي 400متر و110للاراضي 500 متر..اذا هذي اسعار اشبيليه وهي منطقة ممتازة وكسرت سعر 100الف..ليش للحين اراضي شرق القرين متمسكة بسعر 100الف ومافوق...اتوقع راح الكثير ومابقى الا القليل..واقول للشباب لاتستعجلون على اراضي ابوفطيرة والفنيطيس والمسيلة..الاسعار راح ترجع لوضعها الطبيعي..

 

[العميل عبدالله]

اخوي خالد الاسعار هذي كلها اهلها ماخذينها من زمان نظام اجاره الاسعار اكثر من اللي تقوله

 

[خالد العليان]

اهلين

هلا اخوي عبدالله يرجى مراجعة موقع وزارة العدل..اسعار الاراضي موجودة فيها وبكمية كبيرة..اللي قاعد اشوفه تصريف للاراضي...راجع الرابط مع الشكر
http://www.moj.gov.kw/RealEstate/census2010/march/28-3-1-4.pdf

 

[خالد العليان]

up up

 

[شمس العصر]

قبل مدة وقفوا الرهن العقارى والحين وقفوا تجديد القرض واللى جاى توزيع اراضى بلهبل يعنى الى مايبيع الحين الله يعوضة 00 والله اعلم00الشراء واللبيع انت يصاحب القرار00

 

[خالد العليان]

للرفع

 

[الحريه وطن]

هذي الاخبار اللي ترد الروح يابو وليد

 

[فنان999]

هلا اخوي عبدالله يرجى مراجعة موقع وزارة العدل..اسعار الاراضي موجودة فيها وبكمية كبيرة..اللي قاعد اشوفه تصريف للاراضي...راجع الرابط مع الشكر
http://www.moj.gov.kw/realestate/census2010/march/28-3-1-4.pdf

انت اذا اردت تشتري مر المكاتب العقاريه وهم يعطونك الأسعار الواقعيه
وانت تحكم
اترك عنك الإحصائيات والنشرات وكلام الجرايد
ودمتم

 

[كنز المعرفه]

انت اذا اردت تشتري مر المكاتب العقاريه وهم يعطونك الأسعار الواقعيه
وانت تحكم
اترك عنك الإحصائيات والنشرات وكلام الجرايد
ودمتم

النشرات والأحصائيات إذا ما جت على هواكم صارت مالها معنى !!!

خل أقولك سالفه صارت معاي بهالمنطقة بالذات ومن المكتاب اللي حضرتك تشتهد فيها !
رحت مكتب من أياهم ولقيت عدة أراضي معروضه وحطيت عيني على وحده وقالي صاحبها حادها بسعر معين وإنه يقدر يكلمة وينزل بالسعر ولح علي فرصه لا تتركها يمكن لما تطلع يجي واحد يآخذها .

رحت للمكتب الثاني وإلا نفس الأرض وبسعر آخر !
ومكتب آخر بمنطقة آخرى عنده نفس الأرض بسعر آخر جديد !

بالأخير حاولت احصل صاحب القسيمة لأني اكتشفت إنه نصابين والمضحوك عليه البايع والشاري بنفس الوقت " لا صاحب الملك باع ولا الشاري اشترى "

أنت بالكويت صل على النبي التقييم العقاري الآن بيد مغاوري وعتريس !!!​

 

[خالد العليان]

هلا بالفنان

انت اذا اردت تشتري مر المكاتب العقاريه وهم يعطونك الأسعار الواقعيه
وانت تحكم
اترك عنك الإحصائيات والنشرات وكلام الجرايد
ودمتم

صديقي فنان..مع احترامي الكامل لرأيك...الا ان المكاتب العقارية...معظمها وليس جميعها لان التعميم مايجوز..معظمها لها مصالح بتصريف الاراضي حتى لو على حساب الكويتي المسكين اللي من وين مايطقها ماتضبط معاه بالرغم اننا بديرة خير..عموما موقع وزارة العدل يمثل جهة رسمية والارقام اللي يحطها رسمية مية بالمية...بينما المكاتب العقارية مالها اي صفة رسمية...بالعكس ممكن في مكاتب ماعندهم رخص تجارية...عموما صديقي انا سبق وكتبت في موضوع سابق عن بعض المكاتب ...مرفق الموضوع
طبعا يوميا نقرى عبر هذا المنتدى او غيره اعلانات كثيرة حق بعض المكاتب العقارية...اللي عنده ارض او اللي يبي يصرف بيت او شاليه...الخ..وبما اني ممن يتابعون الوضع العقاري لاسباب كثيرة..صار عندي قناعة لما اقرى الحين اسم مكتب عقاري محدد او سمسار بدون ذكر اسامي..على طول اتجاهله لاني متأكد ان هذي المكاتب اسعارها خيالية وماعندها سالفة وقاعده تبيع الاوهام حق اهل الحلال وتظلل الشباب الكويتين المساكين.. و صار العقار يحدد قيمتة مكتب عقاري او دلال يمكن حتى شهادة اولى متوسط ماعنده..في امريكا توجد قوانين هي اللي تحكم سعر العقار..واللي مايلتزم..غرامة ومحاكم وبهدلة..بس عندنا بالكويت يصبحك الدلال ومكاتب العقار ببيع الاوهام والاحلام...الحين من اشوف اسم بعض المكاتب والدلال اقول...انحش ياعوض...حتى عروضهم ماادخل اشوفها..والحمدلله ان اساميهم من العناوين باينة..السؤال ليش ماتكون في صفحة خاصة حق امثال هذي المكاتب والدلالين ...اي واحد يشوف مكتب او دلال قاعد يبالغ في الاسعار نحط اسمه واسم مكتبه...عشان الكل يحتاط ويحذر منهم وسلامتكم

 

[خالد العليان]

اهلين بالحرية

هذي الاخبار اللي ترد الروح يابو وليد

الاخبار الطيبة مابقى لها شي...انطر شوي والحياة راح تكون سعيدة للشباب..يعطيك العافية

 

[خسران جداً]

المكاتب العقاريه اهم ساس البلا...واتمنى من وزارة العدل بمعاقبتهم وانهاء فكرة المكمتب العقاري بالكويت...لانهم مو كفو ياخذون حتى 1% واتمنى تقوم الدوله بدور المكاتب العقاريه داخل الوزاره لانهم مو كفو يتحكمون بالسوق العقاري. عندنا مليون مكتب عقاري واللي قاعد ينباع بالمكاتب يدل على ان نص المكاتب او ثلاث ترباعهم ماعندهم ما عند جدي ولا عندهم بيع ولا مشترى بس اعلانات على الفاضي

 

[خالد العليان]

اهلين وسهلين

قبل مدة وقفوا الرهن العقارى والحين وقفوا تجديد القرض واللى جاى توزيع اراضى بلهبل يعنى الى مايبيع الحين الله يعوضة 00 والله اعلم00الشراء واللبيع انت يصاحب القرار00

مرحبا شمس العصر..قول الحمدلله عندنا مجلس الامة اللي اقر قوانين وقفت جشع التجار على حساب المواطن المسكين...لو الموضوع بيد تجار العقارات جان شفت العقار على مليون وانت طالع..ولاتستغرب هالمبلغ الحين اراضي بالمنطقة العاشرة..منطقة هدية مثلا في اراضي على 400و500الف...والمناطق الداخليى عادي تشوف اعلانات لاراضي على مليون وانت طالع..
فيما يخص موضوع وقف القروض..بعد الضغط النيابي البنك المركزي تحرك اخيرا عشان يوقف جشع البنوك..اللي مصت جيوب المساكين مص...اعرف واحد صارله خمس سنين يقاسط قرضه وللحين قاعد يسدد الفوائد واصل الدين(القرض)للحين ماوصله..خلها على الله

 

[شمس العصر]

تدبسنا بلقروض بلاسهم 0يبوليد الحكومة كانت ملتهية بنفط 0 الحين عينهم على المواطن عاد شبسون فينة العلم عند الله

مرحبا شمس العصر..قول الحمدلله عندنا مجلس الامة اللي اقر قوانين وقفت جشع التجار على حساب المواطن المسكين...لو الموضوع بيد تجار العقارات جان شفت العقار على مليون وانت طالع..ولاتستغرب هالمبلغ الحين اراضي بالمنطقة العاشرة..منطقة هدية مثلا في اراضي على 400و500الف...والمناطق الداخليى عادي تشوف اعلانات لاراضي على مليون وانت طالع..
فيما يخص موضوع وقف القروض..بعد الضغط النيابي البنك المركزي تحرك اخيرا عشان يوقف جشع البنوك..اللي مصت جيوب المساكين مص...اعرف واحد صارله خمس سنين يقاسط قرضه وللحين قاعد يسدد الفوائد واصل الدين(القرض)للحين ماوصله..خلها على الله

 

[خالد العليان]

تدبسنا بلقروض بلاسهم 0يبوليد الحكومة كانت ملتهية بنفط 0 الحين عينهم على المواطن عاد شبسون فينة العلم عند الله

شمس العصر ...التجار مايشبعون..اليوم اتمنى انك تتابع جلسة مجلس الامة...المفروض يناقشون موضوع الخصخصة...قبل البترول بيد الحكومة ..والحين يبون التجار هم اللي يسيطرون على الدخل الوحيد للكويت...والله يستر

 

[خالد العليان]

المكاتب العقاريه اهم ساس البلا...واتمنى من وزارة العدل بمعاقبتهم وانهاء فكرة المكمتب العقاري بالكويت...لانهم مو كفو ياخذون حتى 1% واتمنى تقوم الدوله بدور المكاتب العقاريه داخل الوزاره لانهم مو كفو يتحكمون بالسوق العقاري. عندنا مليون مكتب عقاري واللي قاعد ينباع بالمكاتب يدل على ان نص المكاتب او ثلاث ترباعهم ماعندهم ما عند جدي ولا عندهم بيع ولا مشترى بس اعلانات على الفاضي

هلا خسران جدا..انشالله ماتشوف الخسارة لابالدنيا ولا بالاخرة...اخوي المكاتب العقارية وراها هوامير...هم اللي يتحكمون فيهم...مع الاسف الحين عندك مؤشرين ومصدرين لقياس سعر العقار في الكويت المصدر الاول هو موقع وزارة العدل وهذا الموقع رسمي مايقدر الهوامير يدخلون فيه...المصدر الثاني هي المكاتب العقارية وهي مصدر غير رسمي..عشان جذي التجار لهم مكاتب معينة وباعداد كبيرة..وهم اللي يحددون للمكاتب العقارية اسعار العقارات..بدون اي حسيب او رقيب من الدولة او وزارة العدل او التجارة او حتى حماية المستهلك..ومع الاسف بعض رواد المنتدى يقولك اعتمد على رأي المكاتب العقارية وماعليك بتقرير وزارة العدل..وهذه المصيبة الكبرى..عموما الله كريم..شكرا على المرور

 

[خالد العليان]

قانون الخصخصة

على فكرة قانون الخصخصة اقروه في المداولة الاولى في مجلس الامة ويحتاج للاقرار في المداولة الثانية عشان يصير قانون نافذ وجاهز للتطبيق بعد ان يصدر فيه مرسوم اميري...موقع الان الالكتروني...معلقين عالموضوع هذا وقايليين ان الكويتيين راح يكونون صبابين قهوة للتجار..لاطبنا ولاغدا الشر..صدقوني التجار ماراح يخلون الكويتيين المساكين بحالهم..صايرين مثل المنشار طالعين واكلين نازلين واكلين ولا تتوقعون انهم راح يخلون القطاع العقاري يطلع من ايدهم..وراح يقاومون لاخر لحظة..المطلوب من الشباب العزوف عن شراء الاراضي بالسعر المبالغ فيه لايصال رسالة واضحة للتجار الجشعين بس...وسلامتكم

 

[شمس العصر]

بعد سنة الشراء 0 لانى اشوف النزول تدريجى وهذة الصح 0 الفهد يلعبها صح 0 بتوفيق للجميع

على فكرة قانون الخصخصة اقروه في المداولة الاولى في مجلس الامة ويحتاج للاقرار في المداولة الثانية عشان يصير قانون نافذ وجاهز للتطبيق بعد ان يصدر فيه مرسوم اميري...موقع الان الالكتروني...معلقين عالموضوع هذا وقايليين ان الكويتيين راح يكونون صبابين قهوة للتجار..لاطبنا ولاغدا الشر..صدقوني التجار ماراح يخلون الكويتيين المساكين بحالهم..صايرين مثل المنشار طالعين واكلين نازلين واكلين ولا تتوقعون انهم راح يخلون القطاع العقاري يطلع من ايدهم..وراح يقاومون لاخر لحظة..المطلوب من الشباب العزوف عن شراء الاراضي بالسعر المبالغ فيه لايصال رسالة واضحة للتجار الجشعين بس...وسلامتكم

 

[خالد العليان]

بعد سنة الشراء 0 لانى اشوف النزول تدريجى وهذة الصح 0 الفهد يلعبها صح 0 بتوفيق للجميع

شمس العصر تحياتي
اتوقع الشراء راح يكون على الصيف المقبل..لان اغلب الشركات راح تحاول من الحين للصيف تصريف اراضيها اللي اكثر من 5 الاف متر كون ان قانون الضريبة العقارية راح يشملها...واللي اتوقع راح يحل عليها بشهر2/2011 والشركات اللي ماراح تصرف قبل هذا الوقت وضعها راح يكون سيئ..خصوصا ان اغلب الاراضي محتكرة من قبل شركات لا اشخاص..شكرا عالمرور

 

[nomas1]

انا ادور ارض باشبيلية يا خوك على ايدك انا شراي ب 105000 وهم السعي لك بعد بدزولي رساله على الخاص وانا والله جاد