ممكن مساعده من الاخوان

[tazz]

انا بشتري سياره بشنو تنصحوني
شنو الاحسن
يـــوكــــن ولا بــــرادو
واي موديل
مع ذكر الاسباب او العيوب اللي في السيارتين واشكركم ​

 

[B-A-1983-A-B]

هلا اخوي كل انسان عندة راي وانا رايي يقول اليوكن موتر رزة ومرتب وممشاه حلو وقطع غيارة برخص التراب اذا بتقارنة بالبرادو .... هذا رايي وفي ناس تفضل البرادو عكسي خصوصا ان سعره ثابت لان الناس ترغبة حزت البيع لا أكثر ولا أقل

 

[tazz]

هلا اخوي كل انسان عندة راي وانا رايي يقول اليوكن موتر رزة ومرتب وممشاه حلو وقطع غيارة برخص التراب اذا بتقارنة بالبرادو .... هذا رايي وفي ناس تفضل البرادو عكسي خصوصا ان سعره ثابت لان الناس ترغبة حزت البيع لا أكثر ولا أقل

الله يجزاك خير اخوي ومشكور على النصيحه

 

[tazz]

ونسمع بعد آراء اخواني

 

[tazz]

وين نصايحكم ياشباب

 

[q8free2009]

السلام عليكم مبروك مقدما ويعطيك خير السياره ويكافيك شرها انا برايي البرادو احسن لان سعره فيه وشكله حلو ويصلح لجميع الاستخدامات والتيوتا ما يحتاج شهاده من احد
اما اليوكن ما يصلح للبر لوجود ميزة التراكشن اللي اتخليه يفصل بالغرازات وصحيح ان للتراكشن زر بس هم يشتغل اتوماتيك خاصة اذا كان الطريق رملي او فيه غرازات واذا كنت امعزم على اليوكن اخذ دبل لتلافي هالمشكله والله يوفقك

 

[tazz]

السلام عليكم مبروك مقدما ويعطيك خير السياره ويكافيك شرها انا برايي البرادو احسن لان سعره فيه وشكله حلو ويصلح لجميع الاستخدامات والتيوتا ما يحتاج شهاده من احد
اما اليوكن ما يصلح للبر لوجود ميزة التراكشن اللي اتخليه يفصل بالغرازات وصحيح ان للتراكشن زر بس هم يشتغل اتوماتيك خاصة اذا كان الطريق رملي او فيه غرازات واذا كنت امعزم على اليوكن اخذ دبل لتلافي هالمشكله والله يوفقك

الله يجزاك خير وان شاء الله في ميزان اعمالك

 

[tazz]

ونسمع راي اخواني الطيبين

 

[tazz]

للرفع

 

[قريدر]

السلام عليكم اول شي الله يباركلك فيما اشتريت .... اما بنسبه للسيارتين انا رايي ان البرادو اهو الاصلح مثل ماقالو الشباب تويوتا ما يطيح والبرادو والله حلو وقوي وهم شكلة حلو ومافيه مشاكل تقريبا .... واما اليوكن الاخ يقول ان قطع غيارة رخص التراب هاذا مو صحيح ارداها طربت البنزين فوق 80 دينار غير التركيب وما تركب قطع غيارة الا بعد ما تمرر رقم الكبيوتر .. وانا ما اقول انا ابرادو قطعه رخيصه بس صارحه تكده يالة يخرب ... الله يوفق والراي رايك .. وسلامتك

 

[خالد32]

برادو وانت مغمظ وبعد لو 2010 ياسلام سلم اما التاهو جاموسه على شكل سياره قرقعه بدون سنع ووكاله مادري شلون صايره خمس مرات اجيهم امسك بريك ترجف من ثاني طلعته من الوكاله وانيت سيلفرادو وترى نفس التاهو بالضبط من الداخل وبالاستعمال والديكوارت الفرق هذا وانيت وذاك جيب مغطى لعبو بحسبتي يدخلونها وتعال باجر واظطر ااجر سياره وارد ثاني يوم واستلمها وماراحت المشكله وارد ادخلها وااجر سياره وهذي حالتي الواحد شاري جديد يبي فكة التكاسي والاجار هذولا خلوني يوم بالشارع ويوم بالسياره لين بعتها بخساره فادحه يالله افتكيت منها واللحين ادور تيوتا وبس وتوبه اخذ غير تيوتا

 

[tazz]

الله يجزاكم خير يا اخواني

 

[مراقب الاسهم]

اخوى الغالي

والله اني لك لناصح والاجر على الله


انا قبل 4شهور مريت بنفس حالتك وسالت ودورت بالكويت وقارنت الاسعار بدول الخليج ورحت قطر والسعويه واتصلت على بعض المعارض في دبي

النتيجه بعد التوكل على الله اشتريت سياره جيب فورد اكسبديشن 2010 دبل قير من الشركه


ليش انا اخترت الاكسبديشن الان بحث البحث والتحري اكتشفت انها ىافضل سياره عائليه جيب من حيث السعر والمواصفات والاداء


اولا من حيث المقارنه بالتيوتا :-

البرادو الجديد 6 سلندر
ضيق وديكوره الامامي اسود باطراف نيكل شكله بايخ وفتحت التكييف الاماميه بارزه عن الديكور شخباري كأنك راكب سياره في زمن السبيعنات بالاضافه الى سعره غالي يبدأ من 11 الف ونص اقل درجه لغايه ال 16الف بالاضافه الى سيرفس الساير معروف يهد الحيل (والحين عندهم عرض سيرفس لغايه 30 الف مجاني وبعدها معروفه حركاتهم يطلعون رورحك ويعوضون 30 الف سيرفس المجاني اللي انت اخذتهم ) بالاضافه الى الاخبار اللي نسمعها بمشاكل التيوتا مره تنجيد عن احسان ومره اخطاء قاتله وسحب سيارات

اللاندكروزر

8 سلندر صراحه لايعلى عليه شي مرتب ومتعوب عليه ولكن الله يعينك 16600 ووانت صاعد
6 سنلدر ما ينفع معاك للمهام الصعبه تخيل معاي هالموقف انت بطريق سفر وشايل حمل و صاعد بجبال سوريا او لبنان او جبال الطايف وابها يبدل القير معاك ويريح المكينه لانها حدها مضغوطه وماتعطي الاداء المطلوب بالاضافه الى السعر 14000الف ومافوق واخرتها 6سلندر


ثانيا : اليوكن والتاهو

بدمجهم مع بعض الانهم متشابهين ووالفارق جدا بسيط



اليوكن والتاهو (الدبل قير )

طبها انتبه لوجه المقارنه اتكلم الدبل القير دفع رباعي الان بالنسبه لي شخصيا صعبه اشتري سياره يقولون عنها جيب وسعرها فوق 10آلاف واخرتها احفر بالبر او او انذل ادور واحد عنده قلص يطلعني من غرازه او تعليق موشرط بالبر حتى لو عند براحه عن بيتكم (حط فلوس بالشمس واقعد بالضلال كلها دقمه )
#ملاحظه 70%من اليوكن والتاهو اللي بالسوق من غير دبل ممكن وجه نظر خاصه فيهم مجرد اقتناء يوكن لان من غير دبل سعره يكون رخيص

اولا من حيث السعر :

للحديث بقيه بوقت لاحق ان شاء الله

 

[مراقب الاسهم]

برادو وانت مغمظ فادحه يالله افتكيت منها واللحين ادور تيوتا وبس وتوبه اخذ غير تيوتا

حلوه هذي وانت مغمض

ياخوي تيوتا على ايام ابوي وجدي كان مافيه الا مورسيدس وتوته

اما الحين المصانع تطورت الى ابعد مدي ولو تفتح بدال منت مغمض وتلقي نظره بالرمونت وادخل على قناه
ابوظبي العمليه (ناشونال جوغرافيكك) شوف شلون يصنعون السيارات ويختبرونها مدراء وخبراء يقعدون سنين عشان يطلعون لك موديل سياره

لكل اذا كنت تقصد التيوتا كد ومد وماتخرب هذي مردود عليها
(اشتر اي سياره من الوكاله مهما كان نوعها انا اتعهد لك مع كفاله الوكيل 5سنوات ماتشوف الكراجات )

اذا كنت تقصد قطع الغيار والخدمه
ة
وكاله الساير له افلام غريبه عجيبه مع العملاء واقولك موقف عابر حصل لي فكيت سياره كامري حق الاهل موديل 2004 انتظمت بالسيرفر لغايه 55الف كم وبعدها قمت اصلح برا الوكاله وفي احد الايام عبيت بانزين من محطه دايخه وصارت السياره تقطع وتدخن وكان الممشي في ذالك الوقت 90الف كم اتصلت على الخدمه وقالو لي افضل تصفيه تكلف 84دينار (هذا بالتلفون ) لما جيت لهم هناك تغير الكلام وصار السعر 108 (طبعا هذا فلم فن التسويق يرفع السعر للعميل وبعدين يتجمل فيك ويتدرج بالنزول لغايه وصول السعر 84 دينار وبالتالي يطلع العميل متشقق والابتسامه في محياه ويردد يحليله الساير والموظف والله سوالي خصم من 108 الى 84 و)

المهم
دخلت السياره لتصفيه 108دينار اليوم الثاني الصبح
اتصل فيني وطلع تقرير من 2صفحه
1- البريك ضعيف 2- بكره الدينمو و الغايش تحتاج تبديل 3- تشوك مكيف 4- باور سكان

بالنهايه قالي يكلف 340 دينار قيمه التصليحات خلك معاي باللي جاي بين الاقواس ((((اذا رفضت تصليح اللي بالتقرير ترا ما نضمن لك الكقاله على التصفيه ))) الحين البريك ضعيف شكوووووووووو التصفيه الحين الغايش وباور سكان تعبان شكووووووو التصفيه شنو الافلام كل هذا عشان ما التزمت معاهم بالسيرفس ويبون السالفه اثر رجعي هذا من ناحيه الخدمه ما بعد البيع



اذا كننت تقصد اشتر وانت مغمظ سعره مايصيح

هذي مرودود عليها يا الحبيب ترا العمليه نسبه وتناسب لما تشري سياره ب 16الف لاند كروزر بعد 3سنوات 12الف اكيد بتكون شيك مصدق وسعرها فيها

وايضا

لما تشتري سياره ب 10آلاف تاهو ويوكن وبعد 3 سنوات تبيع 7 آلاف اكيد بتكون بعد شيك مصدق سعرها فيها

العمليه نسبه وتناسب لاغرك الرقم كبير 12الف للسياره الاولى والثانيه 7 آلاف (شوي منطق وتفكير بعمق بتدبر لايغرك كلام الشريطيه )




والحديث بقيه ان شاء الله

 

[خالد32]

اخوي الفاضل مراقب الاسهم انا بصراحه جربت كل السيارات واعرف ان الساير سيئ جداً وجشع ويبيع السياره قطع مثال: سنة 2005 فكيت لاندكروزر منا لوكاله صدعو راسي قالي السعر 11وماني ذاكر كم تبي فتحه يصير 12 تبي خشب 12وميه تبي سيدي 12 وميتين تبي مادري شنو المهم طلعت دافع 12 ونص حتى الكشافات هم تحط فلوسهم وهذا حال جميع تجارنا النهب بأي طريقه والبخل حتى على نفوسهم المهم موموضوعنا حاولت اقاطعه مالقيت بديل شريت مرسيدس جبتها من قطر دخت تفتح ملف بالبشر 120 سيرفس خفيف 200 بعتها رحت للغانم فكيت سياره لوع جبدي ماكو متانه بسياراته جربت اللكزس وهي افضل سياره مرت علي بحياتي وتعتبرها صديق وليس سياره ولكن صدعني السيرفس وزحمته ولازم بالري وبيتنا بالعاشره يعني بتسوي سيرفس لازم تاخذ طبيه من الدوام وتفضي نفسك يوم كامل وترد متضايق وكلك رمل وتعب وهم 170 واطمر !! وبالاخير استقريت ان الساير افضل الاسوء قولي ليش تطلع من البيت ماتحاتي تطفي السياره فيك بالشارع اوماتشتغل الصبح والسيرفس يعني لاباس سعره و40 دقيقه مايطول ولابغيت تبيع ماتغص فيها وهذي وجهة نظر قد اكون مخطئ وشاكرلك اهتمامك ...ملاحظه: ماتلاحظ ان في ناس يعرضون لاندكروزر الجديد ويبون سعر اغلا من الوكاله ياترى شنو السبب!! اخاف قرو الاعلان اللي على باب وكالة الساير تيوتا ذهب 24 قيراط وشافو الذهب ارتفع قالو فرصه اوماني عارف شفيهم الناس واحد عارض 2009 يبي 16 بكويت كار وهي سعرها بالوكاله 2010 14و700!!!

 

[bol-bol]

السلام عليكم قبل كل شى يعطيكم العافيه يا اخوان كل كلامكم تبارك الرحمن حلو ومرتب والله يقويكم واقول حق اخوي تاز الله يباركلك ان شاء الله بالموتر الى تبى تشتريه استخير يبه ابذل الاسباب وتوكل على الله جرب التاهو وجرب اليوكن وجرب البرادو جرب الى اتجبه والى ترتاحله استخير قبلها وتوكل والله يوفقك

 

[bol-bol]

هذي لك اخوي تاز والله يوفقك
كيفية صلاة الاستخارة ؟
1- تتوضأ وضوءك للصلاة .
2- النية .. لابد من النية لصلاة الاستخارة قبل الشروع فيها .
3- تصلي ركعتين .. والسنة أن تقرأ بالركعة الأولى بعد الفاتحة بسورة (قُلْ يَا أَيُّهَا الْكَافِرُونَ) ، وفي الركعة الثانية بعد الفاتحة بسورة (قُلْ هُوَ اللَّهُ أَحَدٌ) .
4- وفي آخر الصلاة تسلم .
5- بعد السلام من الصلاة ترفع يديك متضرعا ً إلى الله ومستحضرا ً عظمته وقدرته ومتدبرا ً بالدعاء .
6- في أول الدعاء تحمد وتثني على الله عز وجل بالدعاء .. ثم تصلي على النبي صلى الله عليه وسلم ، والأفضل الصلاة الإبراهيمية التي تقال بالتشهد . « اللّهُمَّ صَلّ عَلَى مُحَمَّدٍ وَعَلَى آلِ مُحمَّدٍ كمَا صَلَّيْتَ عَلَى إبراهيم وَعَلَى آلِ إبْرَاهيمَ وَبَارِكْ عَلَى مُحمَّدٍ وعَلَى آلِ مُحمَّدٍ كمَا بَارَكْتَ عَلَى إبْرَاهيمَ وَعَلَى آلِ إبْرَاهيمَ في العالمينَ إنَّكَ حَمِيدٌ مَجِيدٌ » أو بأي صيغة تحفظ .
7- تم تقرأ دعاء الاستخارة : ( اللَّهُمَّ إِنِّي أَسْتَخِيرُكَ بِعِلْمِكَ وَأَسْتَقْدِرُكَ بِقُدْرَتِكَ ... إلى آخر الدعاء .
8- وإذا وصلت عند قول : (اللَّهُمَّ إِنْ كُنْتَ تَعْلَمُ أَنَّ هَذَا الأَمْرَ (( هنا تسمي الشيء المراد له
مثال : اللَّهُمَّ إِنْ كُنْتَ تَعْلَمُ أَنَّ هَذَا الأَمْرَ (( سفري إلى بلد كذا أو شراء سيارة كذا أو الزواج من بنت فلان ابن فلان أو غيرها من الأمور )) ثم تكمل الدعاء وتقول : خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ عَاجِلِ أَمْرِي وَآجِلِهِ فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ .
تقولها مرتين .. مرة بالخير ومرة بالشر كما بالشق الثاني من الدعاء : وَإِنْ كُنْتَ تَعْلَمُ أَنَّ هَذَا الأَمْرَ شَرٌّ لِي فِي دِينِي وَمَعَاشِي وَعَاقِبَةِ أَمْرِي ... إلى آخر الدعاء .
9- ثم تصلي على النبي صلى الله عليه وسلم .. كما فعلت بالمرة الأولى الصلاة الإبراهيمية التي تقال بالتشهد .
10- والآن انتهت صلاة الاستخارة .. تاركا ً أمرك إلى الله متوكلا ً عليه .. واسعى في طلبك ودعك من الأحلام أو الضيق الذي يصابك .. ولا تلتفت إلى هذه الأمور بشيء .. واسعى في أمرك إلى آخر ماتصل إليه .

 

[بوجود]

هذا الكلام الجميل جدااا نعم افعل اللي قالك الاخ bol-bol وصدقني راح تعرف وش تبي بارك الله

فيكم جميعاااا

 

[tazz]

هذي لك اخوي تاز والله يوفقك
كيفية صلاة الاستخارة ؟
1- تتوضأ وضوءك للصلاة .
2- النية .. لابد من النية لصلاة الاستخارة قبل الشروع فيها .
3- تصلي ركعتين .. والسنة أن تقرأ بالركعة الأولى بعد الفاتحة بسورة (قُلْ يَا أَيُّهَا الْكَافِرُونَ) ، وفي الركعة الثانية بعد الفاتحة بسورة (قُلْ هُوَ اللَّهُ أَحَدٌ) .
4- وفي آخر الصلاة تسلم .
5- بعد السلام من الصلاة ترفع يديك متضرعا ً إلى الله ومستحضرا ً عظمته وقدرته ومتدبرا ً بالدعاء .
6- في أول الدعاء تحمد وتثني على الله عز وجل بالدعاء .. ثم تصلي على النبي صلى الله عليه وسلم ، والأفضل الصلاة الإبراهيمية التي تقال بالتشهد . « اللّهُمَّ صَلّ عَلَى مُحَمَّدٍ وَعَلَى آلِ مُحمَّدٍ كمَا صَلَّيْتَ عَلَى إبراهيم وَعَلَى آلِ إبْرَاهيمَ وَبَارِكْ عَلَى مُحمَّدٍ وعَلَى آلِ مُحمَّدٍ كمَا بَارَكْتَ عَلَى إبْرَاهيمَ وَعَلَى آلِ إبْرَاهيمَ في العالمينَ إنَّكَ حَمِيدٌ مَجِيدٌ » أو بأي صيغة تحفظ .
7- تم تقرأ دعاء الاستخارة : ( اللَّهُمَّ إِنِّي أَسْتَخِيرُكَ بِعِلْمِكَ وَأَسْتَقْدِرُكَ بِقُدْرَتِكَ ... إلى آخر الدعاء .
8- وإذا وصلت عند قول : (اللَّهُمَّ إِنْ كُنْتَ تَعْلَمُ أَنَّ هَذَا الأَمْرَ (( هنا تسمي الشيء المراد له
مثال : اللَّهُمَّ إِنْ كُنْتَ تَعْلَمُ أَنَّ هَذَا الأَمْرَ (( سفري إلى بلد كذا أو شراء سيارة كذا أو الزواج من بنت فلان ابن فلان أو غيرها من الأمور )) ثم تكمل الدعاء وتقول : خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ عَاجِلِ أَمْرِي وَآجِلِهِ فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ .
تقولها مرتين .. مرة بالخير ومرة بالشر كما بالشق الثاني من الدعاء : وَإِنْ كُنْتَ تَعْلَمُ أَنَّ هَذَا الأَمْرَ شَرٌّ لِي فِي دِينِي وَمَعَاشِي وَعَاقِبَةِ أَمْرِي ... إلى آخر الدعاء .
9- ثم تصلي على النبي صلى الله عليه وسلم .. كما فعلت بالمرة الأولى الصلاة الإبراهيمية التي تقال بالتشهد .
10- والآن انتهت صلاة الاستخارة .. تاركا ً أمرك إلى الله متوكلا ً عليه .. واسعى في طلبك ودعك من الأحلام أو الضيق الذي يصابك .. ولا تلتفت إلى هذه الأمور بشيء .. واسعى في أمرك إلى آخر ماتصل إليه .

الله يجزاك خير اخوي وماقصرت

 

[tazz]

مانستغنى عن آرآء اخواني