أرجو نصيحتي ... أفكر ببيع دراريع نسائية

[! فارس !]

السلام عليكم ... إخواني الكرام هالموضوع

الهدف منه إنكم تفيدوني وتفيدون كل اللي في باله نفس هالفكرة


....

أفكر أفتح مشروع خياطة دراريع نسائية ... وبيعها بالمعارض

شرايكم تنصحون ؟

وهل من نصيحة ؟


أفكر أبلش بدراريع أسويها من الكويت \\ ومكن في المستقبل أجيب من برة


شنو نصايحكم

وشنو رايكم


أصدقوني القول \\ وراح أصدق لكم الدعاء

عسى الله يوفقك الجميع لكل خير

 

[! فارس !]

ناطركم يالطيبين .. الله لا يحرمكم الخير

 

[ikdla]

اخي الفاضل,
اي تجارة تخص النساء فهي رابحه 1000 بالمية حتى لو كانت دلاغات على قلوب حب والوان بناتيه وفيها كشاكش ودناديش "تجاره وحده تخسر فيها اذا ما عرفت لها وهي شغل الاندر وير وهالامور".

وللعلم فقط, غالب الاشياء الي ما تعجبنا حنا الرجال ترى تعجبهم
بمعنى اصح الي تشوفه حلو بنظرك لا تاخذه واخذ الي تشوفه حلو بس دفش "هذا يمشي 70 بالمية

اما الناعم او الفخم ممزوج بالنعومه فهذا الذوق الراقي تلاقيه عند فئه قليله جدا من النساء وايضا بتلاقيهم صعب ارضائهم وصعب تصريف بضاعتهم.

مشروع الدراريع هذا يعتبر شي زين حيل لكونه مبتعد عن المسائل الدينية والحرام والحلال, الله يوفقك لما يحب ويرضى.

بالتوفيق,,,

 

[dr.moon77]

جهزي نفسج حق رمضان
الاسعار تشعلل
شاركي في كل المعارض وخاصه في شهر رمضان
فهوه شهر الخير

 

[nabhaan79]

كثر شوارفسكي وإنت تربح

^_^

 

[am7]

وين أعرف متى تبتدي المعارض بجميع مناطق الكويت ؟

 

[a7mado0]

الله يوفقك برزقك الحلال شوف المشروع ناجح جدأ وحسب خبرتي قبل مع تعامل بهلمجال بس اخوي نصيحه لوجه الله الحريم يبون الغريب الحلو مو الغريب الى اي شي وعلى فكره اهم شي بدراريع 1_ الخياطه جيده 2_ التصاميم الغريبة واي استفسار انا حاظر دزلي بلخاص اي شي تبي انا مصمم ازياء تعاملت مع عدة مصممين على مستوا دول الخليج

 

[! فارس !]

أشكر الجميع على التفاعل \\ الله لا يحرمنكم الأجر

راح أرد على الجميع بشكل تفصيلي لكن قبل الرد

منو عنده أرقام خياطين .. شغلهم زين ورخيص خاصة إني بتعامل معاهم ؟

 

[أبـو راشـد]

اخوي واضح جدا عندك الفكرة بس ماعندك دراسة و لا تخطيط

والتنفيذ رايح يكون صعب انصحك اتريث واهم خطوة تبدأ فيها

تعرف شنو متطلبات السوق ولااااااااااا تعتمد على راي بنت

او مره وحده بس حاولي تستشير بالذوق مو اقل من 10 بنات

ونصيييييييييييييييييييحة بيع الشي بسعره لان الناس اذا شافوا

الشي مو بسعره تصير عندهم ردة فعل واخر شي الاعلان والتسويق

 

[a7mado0]

انا انصحك تييب خياط على كفالتك وتحطه بلبيت معاش بيكون 70 80 ومكينه سنجر لجديده وكذا مكينه ويها وتحطه بغرفه وتخلي يخيط الى تبي

 

[! فارس !]

ناطرين تفاعلكم يالطيبين لا تبخلوا علينا

وراح أرد على الكل بإذن الله كل على حده

 

[بحريني1972]

اذ سعر البيع ماراح يتعدي ال 10 الي 13 ميه بالميه راح تشتغل
راح ابعثلك بعض التفاصيل علي الخاص

 

[! فارس !]

صلوا على النبي يا شباب

اللهم صل عليه وآله وصحبه وسلم

 

[am7]

وين أعرف متى تبتدي المعارض بجميع مناطق الكويت ؟

 

[al3mlaaq]

السلام عليكم اولا اتمنى لك التوفيق اخوي
وثانيا سو دراسة جدوى لمشروعك قبل لاتبدي فية ادرس الاسعار بالكويت الجملة والمفرق وادرس الاسواق والتكلفة لو انك اتسويها الدراريع اهني او اتيبها من برة وانا اعتقد لو تبدي اتيب من برة كميات بسيطة لو تبدي بعشرين درزن لين يصير عندك خبرة ثم اتزيد الكمية شوي شوي لين يصير عندك نقاط تصريف وماانصحك انك اتسويهم بالبداية بالكويت لان راح يخسرونك العمالة من اخطاء ورواتب عالية وبطا بالعمل وراح اتواجه عدم توافر الايدي العاملة فبعد التوكل علا الله والدراسة قرر
واذكرك ان الكويت اذا صنعت الدراريع فيها مشاكل فالاسهل اتيب من برة من الامارات ولا الهند راح تتغلم ذوق المستهلك

 

[55652899]

السلام عليكم ...

أخوي في اول الشهر الجاي راح يكون عندي خياطين وعندهم خبره تقريبا 8 سنوات واول ما اجهز راح أبلغك < إذا حاب تتعامل معاي >
طبعا سعري راح يكون بسعر الجمله

مع الشكر

 

[البيت الخليجي]

أخوي بسوريا فيه دراريع خطيرة و برخص التراب في الشام و حلب شيء عجيب
أنا أشتري للأهل و بصراحة الناس يسولفون فيها بس أهم شي تشتري من المصنع نفسه فهو أرخص و ترسلهم بالبولمان ( الباصات) ببلاش .. شحن الشنطة الكبيرة ب12 دنانير يعني 2000 ليرة سورية بلاش..
ولا تبتدي برأسمال كبير لا .. خلك بحدود 1000 دينار كافي و اشترلك عشرين درزن طقطق فيهم ...
إذا ربحت فالحمدلله و إذا خسرت اعتبرها ماشلة هدوم حق الأهل ههههه و هدايا تتجمل فيها عند جماعتك .. وشغل معاك الحريم ترى هم أهل التسويق و فيهم جرأة على العرض و التسويق وعطهم عمولة تشجعهم...
و الله يوفقك

 

[! فارس !]

كلامكم ممتاز ... هل من مزيد ؟

 

[! فارس !]

السلام عليكم ...

أخوي في اول الشهر الجاي راح يكون عندي خياطين وعندهم خبره تقريبا 8 سنوات واول ما اجهز راح أبلغك < إذا حاب تتعامل معاي >
طبعا سعري راح يكون بسعر الجمله

مع الشكر

خل يكون بينا تواصل يالطيب ... اشكرك