abdullah6868
عضو نشط
الناس اجناس
فى عام 2001 رحت للمحبوبة اندونيسيا كالعادة للبحث عن استوكات على الكويتية وكان معاى بنفس الرحلة 4 من الجماعه شباب -- و خمس حريم كبار كبر الوالدة الله يطول بعمرها ومعاهم ولدهم شباب 16 سنه تقريبا وخادمتهم اندونيسية وانا بروحى طبعا -- صراحة استانست لما شفت الربع واثناء الرحلة قعدت يم واحد من الاخوان لتبادل الاحاديث -- بس حسيت انه ماله خلقى واعيال عمه نفس الطريقة لانى سئلتهم عن سبب الروحة --- وهذا غلط طبعا فى عالم التجارة لكن بحكم القرابة سئلت -- لكن سحبت روحى بكل احترام ورجعت لكرسيي -- والحريم ماشاء الله عليهم مبتسمين ويضحكون ويسولفون مع بعض الله يهنيهم -- وصلنا جاكرتا وبعد اربع ايام صادفت الاخوان فى منطقة الاثاث فى جاكرتا وعرفت انهم يبون يشترون اثاث لبيوتهم -- ايامها كلنا نبنى قسايمنا فى ام الهيمان -- وخامس يوم لقيتهم فى اللوبى فى فندق شوبوترا -- من اللقافه رحت لهم بقصد النصيحة بحكم خبرتى بالاثاث الاندونيسى -- لكن تكرر النفسية وعدم رغبتهم فى وجودى -- اعتقادا بانى راح اقلدهم او من هذا القبيل -- صراحة زعلت فى نفسي وقلت هين الوعد قدام لما يشترون ويشحنون راح اصدمهم -- سحبت حالى وقضيت شغلى وشريت بضايع وشحنت حلالى -- وبعد 9 ايام تقريبا موعد العودة للكويت وفى المطار عند كونتر الكويتية وانا بالدور الا الحريم ماشاء الله عليهم معاهم خياش بضاعه ومشتريات مستانسين شايفين اللى على الكونتر كويتى معتقدين انه راح يمشيهم بحكم ان الطيارة كلها خدم وما معاهم وزن والطيارة فاضيه -- لكن هيهات -- اللى على الكونتر اردى كويتى شفته فى حياتى -- الله يسهل علية انتقل من محطة جاكرتا غير مؤسوف علية -- طبعا انا وراهم وعارف شنو راح يصير بالحريم -- لما وزنوا الامتعه -- طلع معاهم وزن زايد بحدود 200 كيلو -- تدرون كم الكيلو الزائد باسيا
انتباه
(تايلند - ماليزيا - اندونيسيا - الهند - الخ )
الكيلو 7 دنانير ونص
قالهم المحترم ادفعوا 1500 دينار وزن زائد
طبعا نشف ريق الحريم وهم يترجونه بدون فايدة
والله العظيم اكثر من نص ساعه
طبعا الحريم يطالعونى يبون النجدة بحكم انى كويتى ويمكن يطلع منى شى
دشيت بينهم وقلت شوى لو سمحتى خالة -- على طول الاخ نط وقالى مالك شغل عبدالله -- بحكم عملى معاه فى مطار الكويت من قبل الغزو لكن اعرفة ردى
قلت يعنى ما كو فايدة -- قال انا اطبق القانون حتى على الحماية الكويتية ( طبعا كلامة صح )
قلت خالة ردوا بضاعتكم وانا احملها معاى بالكونتينر وبعد 21 يوم اسلمكم بضاعتكم بدون مقابل -- وفعلا ناديت الاخت بخيته ( موظفة الشحن اللى كانت معاى موصلتنى للمطار مع السائق الخاص بمكتب الشحن
وقلت بخيته حملوا البضاعه مع كونتينرى وسجلوها بالفاتورة وفعلا تم استلام البضاعه من الحجيات الكويتيات اللى كبر امى
شوفوا شنوا صار بالكويتى
منو ولدة انت يالردى
والله نشتكى عليك
وسب فية -- من الاحراج قب الموظف للبوابة
قلت حجية اتركوة قبلنا كويتيين سوى فيهم العن من جذية
واحنا بالطيارة اخذوا كرتى وعنوانى -- الله يذكرهم بالخير ---- وعند وصولنا بالكويت وطلع ولدهم ضابط كويتى كبير ومعروف بطيبته
نرجع للكويتيين الربع
المهم بعد اسبوعين صادفت الربع بديوانية عمى بالفحيحيل وقلبى يقرقع ابى اصدمهم -- قلت مبروك شريتوا ابواب لقسايمكم قالوا نعم
قلت مبروك شحنتوا قالوا خلاص على وشك الوصول
قلت هاكم الصدمه
انتباة للى يبون يشترون اثاث او ابواب
قلت الابواب رطبة وما تحمل جو الكويت الحار والناشف وبعد يوم واحد راح تعوج ابوابكم وتبيعونهم بالسكراب مع اثاثكم يا اغبياء -- هذا علشان نفسيتم التعبانه معاى يعنى صايدين التجارة
وفعلا بعد 3 اشهر مت من الضحك قاص عليهم واحد وقايل لهم حطوا الابوب فوق بعض راح تتعدل -- لكن مانفع -- خسروا بالابواب وباعوها بسكراب الخشب على دينار
اما الحريم سلمناهم حلالهم -- وكسبنا دعائهم الطيب
فى عام 2001 رحت للمحبوبة اندونيسيا كالعادة للبحث عن استوكات على الكويتية وكان معاى بنفس الرحلة 4 من الجماعه شباب -- و خمس حريم كبار كبر الوالدة الله يطول بعمرها ومعاهم ولدهم شباب 16 سنه تقريبا وخادمتهم اندونيسية وانا بروحى طبعا -- صراحة استانست لما شفت الربع واثناء الرحلة قعدت يم واحد من الاخوان لتبادل الاحاديث -- بس حسيت انه ماله خلقى واعيال عمه نفس الطريقة لانى سئلتهم عن سبب الروحة --- وهذا غلط طبعا فى عالم التجارة لكن بحكم القرابة سئلت -- لكن سحبت روحى بكل احترام ورجعت لكرسيي -- والحريم ماشاء الله عليهم مبتسمين ويضحكون ويسولفون مع بعض الله يهنيهم -- وصلنا جاكرتا وبعد اربع ايام صادفت الاخوان فى منطقة الاثاث فى جاكرتا وعرفت انهم يبون يشترون اثاث لبيوتهم -- ايامها كلنا نبنى قسايمنا فى ام الهيمان -- وخامس يوم لقيتهم فى اللوبى فى فندق شوبوترا -- من اللقافه رحت لهم بقصد النصيحة بحكم خبرتى بالاثاث الاندونيسى -- لكن تكرر النفسية وعدم رغبتهم فى وجودى -- اعتقادا بانى راح اقلدهم او من هذا القبيل -- صراحة زعلت فى نفسي وقلت هين الوعد قدام لما يشترون ويشحنون راح اصدمهم -- سحبت حالى وقضيت شغلى وشريت بضايع وشحنت حلالى -- وبعد 9 ايام تقريبا موعد العودة للكويت وفى المطار عند كونتر الكويتية وانا بالدور الا الحريم ماشاء الله عليهم معاهم خياش بضاعه ومشتريات مستانسين شايفين اللى على الكونتر كويتى معتقدين انه راح يمشيهم بحكم ان الطيارة كلها خدم وما معاهم وزن والطيارة فاضيه -- لكن هيهات -- اللى على الكونتر اردى كويتى شفته فى حياتى -- الله يسهل علية انتقل من محطة جاكرتا غير مؤسوف علية -- طبعا انا وراهم وعارف شنو راح يصير بالحريم -- لما وزنوا الامتعه -- طلع معاهم وزن زايد بحدود 200 كيلو -- تدرون كم الكيلو الزائد باسيا
انتباه
(تايلند - ماليزيا - اندونيسيا - الهند - الخ )
الكيلو 7 دنانير ونص
قالهم المحترم ادفعوا 1500 دينار وزن زائد
طبعا نشف ريق الحريم وهم يترجونه بدون فايدة
والله العظيم اكثر من نص ساعه
طبعا الحريم يطالعونى يبون النجدة بحكم انى كويتى ويمكن يطلع منى شى
دشيت بينهم وقلت شوى لو سمحتى خالة -- على طول الاخ نط وقالى مالك شغل عبدالله -- بحكم عملى معاه فى مطار الكويت من قبل الغزو لكن اعرفة ردى
قلت يعنى ما كو فايدة -- قال انا اطبق القانون حتى على الحماية الكويتية ( طبعا كلامة صح )
قلت خالة ردوا بضاعتكم وانا احملها معاى بالكونتينر وبعد 21 يوم اسلمكم بضاعتكم بدون مقابل -- وفعلا ناديت الاخت بخيته ( موظفة الشحن اللى كانت معاى موصلتنى للمطار مع السائق الخاص بمكتب الشحن
وقلت بخيته حملوا البضاعه مع كونتينرى وسجلوها بالفاتورة وفعلا تم استلام البضاعه من الحجيات الكويتيات اللى كبر امى
شوفوا شنوا صار بالكويتى
منو ولدة انت يالردى
والله نشتكى عليك
وسب فية -- من الاحراج قب الموظف للبوابة
قلت حجية اتركوة قبلنا كويتيين سوى فيهم العن من جذية
واحنا بالطيارة اخذوا كرتى وعنوانى -- الله يذكرهم بالخير ---- وعند وصولنا بالكويت وطلع ولدهم ضابط كويتى كبير ومعروف بطيبته
نرجع للكويتيين الربع
المهم بعد اسبوعين صادفت الربع بديوانية عمى بالفحيحيل وقلبى يقرقع ابى اصدمهم -- قلت مبروك شريتوا ابواب لقسايمكم قالوا نعم
قلت مبروك شحنتوا قالوا خلاص على وشك الوصول
قلت هاكم الصدمه
انتباة للى يبون يشترون اثاث او ابواب
قلت الابواب رطبة وما تحمل جو الكويت الحار والناشف وبعد يوم واحد راح تعوج ابوابكم وتبيعونهم بالسكراب مع اثاثكم يا اغبياء -- هذا علشان نفسيتم التعبانه معاى يعنى صايدين التجارة
وفعلا بعد 3 اشهر مت من الضحك قاص عليهم واحد وقايل لهم حطوا الابوب فوق بعض راح تتعدل -- لكن مانفع -- خسروا بالابواب وباعوها بسكراب الخشب على دينار
اما الحريم سلمناهم حلالهم -- وكسبنا دعائهم الطيب