بأجر رنج روفر سبورت ، 150 كيلو كافي؟

[المهندسـة]

السلام عليكم
بأجر رنج روفر سبورت ، 150 كيلو كافي؟
مو كانه شوية والا انا يتهيألي ؟؟

​

 

[sound blaster]

اكيد شوي ..خاصه اذا تبي تفرفر فيه..

والله يعينك على الكمبياله الي راح يوقعونك عليها

بالتوفيق ....

 

[Se7T]

حسب حاجتج بالمسافة
ولو اني واثق مافي اي حاجه

 

[بوعبدالله 11]

نعم شوي ولا لها داعي الاجار من اساس
لانها وراها مشاكل ودفع فلووووس وانتي تضحكين
طبعا مكتوب بالعقد السياره تامين شامل 100% في حال حصول حادث لاسمح الله
وانتي ماتتكفلين شي من التصليح
ولكن راح تدفعين اجار السياره اليومي طوال فتره التصليح وعليج الحسبه
فرضا قعدت شهر من 40 دك هذي 1200 دك
والسبب كشخه جم يوم

انا اقول القناعه زينه وشفيها الكامري ولا اروع

طبعا مو تشاؤم ولكن في حال حصول حادث شنو العواقب جد جد ماتسوي

تحياتي بالتوفيق

 

[sound blaster]

لا تنسى قيمة السياره بعد البيع .. وكم سيسقط من سعرها بعد البيع .. سيتم تعويضه من المأجر ..

مثال بسيط..!

قيمة السياره 16 الف .. بعد الحادث صارت قيمتها 14 الف دينار

يدفع المؤجر الفين دينار ..دينار ينطح دينار .. والكمبياله تكون عل بياض ..

 

[Nawaf_q8eee]

قزي الكويت قز لاتخلين داعوس الادشيه وبعد ماتطحنين الحب اللي براسج 10 دنانير نزلي العداد وجنه ماصار شي

 

[ابو سالم1]

نعم شوي ولا لها داعي الاجار من اساس
لانها وراها مشاكل ودفع فلووووس وانتي تضحكين
طبعا مكتوب بالعقد السياره تامين شامل 100% في حال حصول حادث لاسمح الله
وانتي ماتتكفلين شي من التصليح
ولكن راح تدفعين اجار السياره اليومي طوال فتره التصليح وعليج الحسبه
فرضا قعدت شهر من 40 دك هذي 1200 دك
والسبب كشخه جم يوم

انا اقول القناعه زينه وشفيها الكامري ولا اروع

طبعا مو تشاؤم ولكن في حال حصول حادث شنو العواقب جد جد ماتسوي

تحياتي بالتوفيق

كلامك عدل اخو بوعبدالله حبيت اوضح لك شى بالنسبة للتامين
الشامل عند اهل الاجار اذا السيارة ماتتصلح بالامرة يعنى سكراب ماتدفع شى بس اذا كان الحادث تتصلح السيارة ا نت تتحمل كل تصليحها

 

[اسكاليد]

شحقه تأجرين رنج انا اعطيج البي أم الي عندي

وبلاش تستاهلين يا خويتي

 

[Nawaf_q8eee]

شحقه تأجرين رنج انا اعطيج البي أم الي عندي

وبلاش تستاهلين يا خويتي

خويتك ولا وخيتك ؟

 

[for sell]

150 كيلو باليوم مناسب اتوقع اذا كان لمشاوير قريبه


150 كيلو
يعني من مدينة الكويت الى السالمي

 

[Se7T]

شحقه تأجرين رنج انا اعطيج البي أم الي عندي

وبلاش تستاهلين يا خويتي

LooooooooooooooooooooooooooooooooooooooooooooooL

 

[ابو تركي 22]

عند باص اذا تبين تقزين عليه

بلاش بس عبي بانزين وقزززززي

 

[ديوان الحاكم]

انا عندي رنج سبورت
2010 اذا تبي اتقزين في
رساله على الخاص​

 

[ابو_نايف]

استغفر الله

يا شباب البنت تبي تاجير سياره ماطلبت منكم سياره

اذكرو الله يا عيال

 

[بو بـدر]

والله في ناس ما تستحي ولا فيها رجولة البنت تبي تستأجر موتر لمناسبة ولا سيارتها بالكراج ولا غيره وشباب طايحين له تقزين .... تعالي اخذي سيارتي

ترا هل كلمة مو بسيطة وما تنقال للبنت ... ابي شنب واحد فيكم يرضى على اهله هل كلام

 

[بوجويس88]

صدقت يا بوبدر لو واحد فينا يشوف واحد يسوي باخته جذي يعصب

 

[المهندسـة]

والله في ناس ما تستحي ولا فيها رجولة البنت تبي تستأجر موتر لمناسبة ولا سيارتها بالكراج ولا غيره وشباب طايحين له تقزين .... تعالي اخذي سيارتي

ترا هل كلمة مو بسيطة وما تنقال للبنت ... ابي شنب واحد فيكم يرضى على اهله هل كلام

مشكور بو بدر على الكلام اللي قلته
وفعلا الكلام اللي قلته لان فعلا فيه ناس لا رجولة ولا مستحى

ديوان الحاكم
شنو يعني ايي اخذ سيارتك ماكو شغل؟
على بنات الناس ترد جذي بس لو واحد قال جذي لاحد من اهلك شوف شبتسوي
هذا اللي يسمونه التناقض!

 

[japan skyline]

1500 كيلوا كافيه باليوم وزيادة

يعني لو بتروحين النويصيب وترجعين او السالمي راح يطلع عليك حول 800 كيلوا..

 

[اسكاليد]

بو بدر صراحه انت نيتك شكلها عطلانه

الرجوله الواحد يساعد الناس وانا قلت تستاهلين سيارتي ابلاش

يعني خدمه انسانيه

وعلي نياتكم ترزقون

 

[sound blaster]

بو بدر صراحه انت نيتك شكلها عطلانه

الرجوله الواحد يساعد الناس وانا قلت تستاهلين سيارتي ابلاش

يعني خدمه انسانيه

وعلي نياتكم ترزقون

ماشاءالله عليك جان زين كل الناس مثلك

خدمة إنسانيه ها ..!

في ناس لو أخوه يطلبه سيارته ما يعطيه من طيحت حظهم ورداهم .. والحبيب أبو الإنسانيه مخليها سبيل بس إن شاءالله السبيل مو للقوارير بس



رفيجي يسلم عليك يقول أبي سيارتك يوم الخميس يابو الإنسانيه

إستح ساااااااااااان ..!