اللي يفهم في المرسيدس جزاك الله خير .....

[life-enginer]

سؤال بسيط الله يجزاكم كل خير

شنو الفرق بين البشر والايماراتي وكم فرق السعر بينهم ؟؟؟؟؟؟

 

[أبو الجوري]

في فرق طبعا في الامارتي ارخص شوي لان الامارات مايرغبون الاماني واحنا نرغب الاماني اكثر شوي عنهم وبعدين مافي فرق البنز بنز حتى في الصومال مصنع واااحد وقطع وحده

تقبل تحياتي

 

[DJ KuwaiT]

السلام عليكم
اخوي نفس الشي الالماني والاماراتي والكويتي
كلهم نفس الشي
بس الامريكي يختلف شوي
من ناحية الحراره الان عنده برد هناك
ولعداد في الميل الجديد المرسيدس لو ميل تقر تغير تخليه كيلو
بس انت اخذ رقم الشاصي حق السياره وروح حق قطع غيار البشر وعطهم رقم الشاصي وقولهم من اي مصنع طالع اذا قالك من المانيا اخذه الان في مصانع مرسيدس في الاردن ومصر ولبنان
واي استفسار انا حاضر

 

[maax1]

اخوى كلهم عادى نفس الشى بس الامريكى في اختلاف شوية بالأشارات وجم شغلة
بنسبة لدول العربية فيها مصانع تجميع

ال bmw الى شغال بدوريات المرور حجمة 540 تجميع مصر
ومن 2001 لليوم مكروف كرف وشغال حلاوة

 

[life-enginer]

جزاكم الله كل خير واخوي دي جي كلك بركه والله يطولنا بعمرك

 

[gulffalcon]

الاماراتي والكويتي والخليجي عموما نفس الشي لان فيه مواصفات خاصه بالخليج من ناحية تبريد المكيف والراديتر اكبر وطرمبة الماء تختلف وكذلك التورمستات تكون معيره لمقياس حراره معين

اما الالماني يكون الاختلاف فقط بنظام التبريد بنسبه بسيطه وهو الاقرب للخليجي

اما الامريكي يكون مختلف بشغلات وايد ولو تشوفه بالشارع تعرفه من الاشارات الاماميه والخلفيه والدعاميات وعداد السرعه مثل ماقالوا الاخوان بالمايل ونوعية الجلد ولونه وحجم المكينه ونظام التبريد والتكييف والعادم يكون مضاف عليه دبة تلوث ودائما يكون مواصفات كامله

اما الياباني اللي يوصل الخليج عن طريق الامارات يتم تبديل نظام التوجيه او السكان الى العكس والنظام الكهربائي

 

[saam]

المعلومة للجميع

الاماراتي جزء كبير منه امريكي مدعوم يشترى من هناك بسعر رخيص جدا ينزل فى الامارات ويصلح هناك ويصدر مره اخرى على الكويت على انها خليجية

 

[gulffalcon]

في شي اسمه رقم شاصي يبين السياره من وين يعني قبل لاتشتري سياره سواء من الكويت او الامارات تاخذ رقم شاصيها وتروح الوكاله ويعطونك وانت واقف وين مصدر السياره



.

 

[bo7amad-q8]

يبه انا اشتغل بالالماني حاليا مواصفات الخليج تكون السياره مناسبه لدرجة الحراره والبدي يكون عادي وفيه حمايه في الصبغ من الحراره واجهزة الثبات abs & esp تكون بدرجة عاديه وطبعا كل هذا للتقليل من تكلفة السياره والمحرك مع اجهزة تبريد المحرك تكون جميعها نفس الشي لوجود حساسات تنبيه للمحرك اذا كانت حرارة الجو او السياره عاليه
مواصفات الالماني يكون البدي يكون مدبول والشاصي بعد مع حمايه كامله للسياره من الصدا لوجود ثلوج في المانيا وهناك تغيير في انظمة الثبات وهي ان تكون بدرجات عاليه لثبات السياره في المنزلقات وطبعا المحرك والداخليه تكون نفس المواصفات الخليجيه
اما الامريكي يكون نفس مواصفات الخليج من ناحية البدي والمحرك وانظمة الثبات بس الفرق يكون الداخليه اذا كانت جلد يكون يختلف عن الالماني من ناحية الجوده والمواصفات مهما كانت هم تكون ناقصه وتختلف عن الالماني او الخليجي
وهذا كل شي عن جميع السيارات الالمانيه ونشاء الله قدرت افيدك

 

[life-enginer]

جزاكم الله الف خير عالمعلومات الطيبه

 

[الريان 1]

أنا أننصح بالمرسيدس وارد اليابان--وأنا شخصين مجربه-أخذ وارد اليابان ودعيلي---بس بشرط نظيف الموتر==