ليش النصب والاحتيال

الموضوع في 'اعلانات المركبات' بواسطة sunkist_q8, بتاريخ ‏30 ابريل 2010.

حالة الموضوع:
مغلق
  1. sunkist_q8

    sunkist_q8 عضو جديد

    التسجيل:
    ‏25 مارس 2009
    المشاركات:
    557
    عدد الإعجابات:
    0
    السلام عليكم


    حبيت اثير موضوع وندور مع بعض احسن حل لمكافحه هذه الظاهره


    قبل سنه اخوي شاف له موستنج lx وعجبه واتفق مع راعيه انه يتم الفحص في احد الاماكن المشهوره في الكويت لفحص السيارات

    لكن الظاهر البايع ولد الحرام وصاحب مكان الفحص ولد الحرام كان بينهم اتفاق ان السياره يطلعونها مافيها اي خراب وكل شي سليم

    المهم بالتقرير قالو ان السياره سليمه والشاصي سليم

    المهم اخوي اشترا السياره لتطيبت خاطر وليس اكثر يعني استعماله للسياره 5 مرات مو اكثر وتمت فتره سنه سافطه جدام البيت


    المهم بعد السنه قرر يبيعها ويابت له سعر فوق المشترى ب 1600 لنظافتها واهتمامه فيها

    والصدمه انه وقت الفحص للبيع انصدم في انه من نفس المحل الفحص ولد الحرام يقوله ان السياره فيها الشاصي متعور وباعها بخساره 500 دينار


    شنو احسن حل الواحد يسويه مع عيال الحرام الي يفحصون والي يعطون رشاوي للفاحص او يكون بينهم اتفاق ؟؟

    علما بان لو الواحد لعن والدين عيال الحرام طق راح تصير السالفه قانونيا عكسيه على الواحد وهو الي يتبهدل

    ياريت من اصحاب الخبره الافاده
     
  2. ابو فوزي

    ابو فوزي عضو جديد

    التسجيل:
    ‏31 يوليو 2009
    المشاركات:
    149
    عدد الإعجابات:
    0
    اخوي والله نصيحة لا تقول " عيال الحرام " لان والدينه مالهم ذنب انك تطعن بعرضهم والله يستر على الجميع

    لكن الحل الوحيد انك ماتحلله ليوم القيامة وهذا كافي وحقك مايضيع لان النصاب وين يبي يروح فلوس النصب ماتجيب الا الامراض الخبيثه وماتدوم والله سبحانه وتعالى يقول " متاع قليل " خله يتمتع بالفلوس اللي نصب عليك فيها وراح يشوف مصيبة بحياته ساعتها الامر بيدك اما ان تبيحه او ماتبيحه وكذلك اخي لا تقبل حجه لشخص مديون بنصب للناس والله اعلم

    عشان كذا لا تحرق قلبك على الفلوس اهم شي على الانسان صحة وعافيتة والفلوس يطقها مرض

    وياليت ياخوي تفضحون اسم الفحص وتفضحون اسم الرجال لان التشهير بالنصاب عادي عشان الناس تاخذ الحذر لان قاعد تحذر اخوانك المسلمين من هذا الامر


    بالتوفيق
     
  3. خالد32

    خالد32 عضو نشط

    التسجيل:
    ‏15 أكتوبر 2009
    المشاركات:
    358
    عدد الإعجابات:
    0
    اذا عندك اوراق الفحص القديمه اشتك عليه وعادي لويحولون السياره للادله الجنائيه ويبين الخبير الفني ان الحادث قبل المشترى وتحويل السياره اذا انت راعي طواله وحاطهم براسك وراح يعوضونك قبل لاتوصل المحكمه يبون السمعه والخوف انه ينفضحون الزباله مادري شنو صار بالناس ماقامت تخاف من الله يلعب بالعداد ويلعب بالفحص والكل يبي ينهب صارلي شهرين ادور سياره وعندي سياره اجار والله ماني لاقي العموم صاير جشع لاحراج لامكاتب ولاناس يستذكي ويبي يبيع اغلا من الوكاله وهذا يرفع حق هذا نجش والله استاذيت وشكلي بروح الوكاله وافتك واللي باط جبدي ماعنده مشكله يعرظ السياره سنتين اهم شئ يدبسونها بحلج واحد مستعجل اويستحي عالنيه ..!!!
     
  4. sunkist_q8

    sunkist_q8 عضو جديد

    التسجيل:
    ‏25 مارس 2009
    المشاركات:
    557
    عدد الإعجابات:
    0
    اشكر تفاعل الاخوان

    ونصيحه الاخ خالد 32

    وبالنسبه للاخ ابو فوزي احب اذكر لو انهم عيال حلال ما ياكلون حرام وتكون مهنتهم الغش والنصب والاحتيال

    بالذمه هل لايق على نصابين نفس هذيل اقول ان عيال الحلال راعي محل الفحص والي بايع السياره عيال الحلال نصبو على اخوي ؟؟

    لان ولد الحلال ما ياكل الا الحلال المبارك

    المهم انا لم اقصدها فعليا انهم عيال حرام لكن صفاتهم صفات عيال الحرام ( للتوضيح )

    وبالنسبه اني افضح المكان والله ماحب اذكر المكان لان قطع الاعناق ولا قطع الارزاق وبذات انه هالمحل كل ما امر صوبه طابور سيارات ينتظرون دورهم لفحص السياره
     
  5. yes.man

    yes.man عضو جديد

    التسجيل:
    ‏18 أغسطس 2009
    المشاركات:
    676
    عدد الإعجابات:
    0
    مكان الإقامة:
    الكويت
    السلام عليكم
    ياخوي اذا بقيت تشتري سياره
    اي محطة غسيل ارفع السياره بنص دينار وشوف الشاصي
    ترا سهل جدا يبين اذا مطقوق او مصلح
    والجير يبين معاك بالمشى يعني مابقى الا البدي والمكينه
    افحصهم بالفحص
    وبعدين وخر عن محلات الفحص المشهوره
    روح الشويخ مليانه محلات فحص احسن من الرمال وغولدن صن او النجم الثلاثي
    وبعدين قبل لادش السياره الفحص جيك على درج السياره شوف فيه فلوس او الطفايه او شوف البايع اذا يسولف مع احد من العمال اهني تجكهم اذا في نصب او لا الرشاوي على وذنه بالرمال بالذات
     
  6. ميكانيكي

    ميكانيكي عضو مميز

    التسجيل:
    ‏4 نوفمبر 2006
    المشاركات:
    18,640
    عدد الإعجابات:
    93
    مكان الإقامة:
    الكويت
    المفروض تخلي تقرير الفحص عندك القديم

    وتاخذ الجديد

    وتروح حماية المستهلك عشان ياخذون حقك :)

    ترا يوقفون معاك :)
     
  7. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    عادي حتى لو يروح حماية المستهلك ما راح يستفيد شي..

    لأن المحل بيقول أن الحادث صار بعد الفحص وهذه النتيجه

    ثاني شي حماية المستهلك من عرفتهم نايمين ..معقوله قعدوا من النوم؟
     
  8. ابو عذاب

    ابو عذاب عضو جديد

    التسجيل:
    ‏30 أكتوبر 2005
    المشاركات:
    471
    عدد الإعجابات:
    0
    لا يا خوي كل وزارة الدوله قاعدين لكن اين المشتكي اللى له حق ياخذه ان كان ظالم او مظلوم

    ولكن بالنسبة لفحص لابد كل واحد يحتفظ بوراق الفحص حتى لا يتعرض لمثل هذي العملية واذا له حق ياخذه مثل ما قال اخوي خالد32 راح يبين من السياره اذا كان عليها قضية حادث بعد او قبل الفحص من المرور اذا كان مستخرج ورقة حادث تقدر تروح لحماية المستهلك وتطالب بحقك واسف على الاطاله
     
  9. abdullah6868

    abdullah6868 مشرف قسم الإستراحه مشرف

    التسجيل:
    ‏3 مايو 2008
    المشاركات:
    6,217
    عدد الإعجابات:
    162
    مكان الإقامة:
    kuwait
    بعد ما حطيت كارفاكس مجانى للشعب الكويتى بان المستور واتضحت الصورة اكثر ناس مايهمها الا الربح ويكون اتفاق بين البايع وصاحب الفحص -- وهذى حقيقة وليست من خيالى بحكم التعامل مع العالم لكن الاجراء يجب ان يكون على المكشوف وفضح الفحص ورفع قضية رسمية للسلامة الاخرين
    1 - الاتصال على وزارة التجارة الخط الساخن ( 135 ) او الاتصال بمديرهم الاخ ابو سعد ( 99032145 )
    2 - الاحتفاظ دائما بنسخة الفحص
    3 - فحصك للسيارة قبل الفحص -- مشاهدة جميع الفواصل بين المداقر والابواب اذا كان فية فتحات معناة قياسات الشاصى فية مشكلة
    4 - بعدها افحص وتاكد ان الفاحص كاتب ان الشاصى سليم
    اتمنى التوفيق والسلامة للجميع​
     
  10. sound blaster

    sound blaster عضو نشط

    التسجيل:
    ‏13 ابريل 2007
    المشاركات:
    1,004
    عدد الإعجابات:
    3
    مكان الإقامة:
    الكويت
    لالالا صراحه أقنعتني .. !

    حسستني أنه بس بيروح حماية المستهلك بياخذ حقه..!

    ماراح يقبض من دبش ..!

    يبه الله لا يهينك دق سيارتك سلف الصبح وروح لمكانهم بالشويخ اذا ما لقيت الموظفين نايمين أنا ماعندي سالفه ..!

    وثاني شغله مو كل واحد يسوي حادث تصير له قضيه .. بعض الحوادث تنتهي بشكل ودي بين الطرفين ..!

    .. الله يعوضك أخوي والكلام المثالي حلو بس الواقع يقول لا تتعب نفسك .

    .. شكر للأخ عبدالله على وضع رقم المدير والخط الساخن للوزاره .. !

    اتوقع التواصل مع المدير ومع الخط الساخن أفضل حل ..
     
  11. eesa

    eesa عضو جديد

    التسجيل:
    ‏19 يونيو 2009
    المشاركات:
    93
    عدد الإعجابات:
    0
    مكان الإقامة:
    الكويت
    اوراق الفحص القديمه مع اوراق الفحص الجديده

    وتروح المخفر وتسجل نصب واحتيال

    وسلامتك
     
  12. كهمس

    كهمس عضو جديد

    التسجيل:
    ‏29 ابريل 2010
    المشاركات:
    22
    عدد الإعجابات:
    0
    والله يا اخوان ماشفت مكان حق الفحص وحقانيين مثل كراج البشر اللي مجابل

    فطاير الشويخ بشارع كندادراي .

    راعي الحلال رجال ملتزم وتلقاه مجابل حلاله مومخليه وفيهم خير اي احد من العمال يهمس ولا يغلط .
    اصعدله وقوله وشوف شيصير وطبعا اهو مكانهفوق وكتبه كله جام تشوفه وانت تحت واهو يشوف الكراج كامل .

    انا فحصت عندهم كذا مكينه والله شغلهم عدل.
     
  13. sunkist_q8

    sunkist_q8 عضو جديد

    التسجيل:
    ‏25 مارس 2009
    المشاركات:
    557
    عدد الإعجابات:
    0
    اشكر جميع الاخوان على الردود

    بس اخوي فوض امره لله ونشالله الله يعوضه بالي فيه الخير

    والله لا يوفقهم ( النصاب و محل الفحص )

    بس احب اقول حق الاعضاء ديرو بالكم من النصابين وربعهم محلات الفحص
     
  14. ابو شعول

    ابو شعول عضو جديد

    التسجيل:
    ‏2 نوفمبر 2009
    المشاركات:
    67
    عدد الإعجابات:
    0
    السلام عليكم شريت سياره قبل سنه وفاحصها بالنحم الثلاثي والموتر للدوام بس ولا صار لها حادث والحمد لله وبعت السياره بالحراج حق واحد من الحراميه الجدد اللي بالسوق ويوم بعت شرط الفحص وفحص بالنحم الثلاثي طلع فيها شاصي جان اروح حق مسؤلهم ولايقول الحادث معور الشاصي لا وتوك مسوي الحادث المهم الحرامي الجديد يقول خيووو فيك تنزل 400 من السعر رجعت فلوس الدلال له والفحص والله لا يوفقهم الاثنين لأن خييييو طلع من ربعهم
     
  15. japan skyline

    japan skyline عضو جديد

    التسجيل:
    ‏10 أغسطس 2009
    المشاركات:
    83
    عدد الإعجابات:
    0
    واجهنا غش سيارات بأمريكا واليابان

    ..........................................وقدر الله وما شاء فعل ............

    احتسبها على الله طال عمرك ولاتدخل بذمتك شي

    حديده لاراحة ولا جت
     
  16. sunkist_q8

    sunkist_q8 عضو جديد

    التسجيل:
    ‏25 مارس 2009
    المشاركات:
    557
    عدد الإعجابات:
    0
    عدل كلامك اخ سكاي لاين

    بس حرقت القلب ان الفلوس الي شاري فيها السياره من تعبك ومن عرق جبنيك مو فلوس لاقيهم بالشارع علشان الواحد ما يتحسف عليهم ويقول بسيطه



    الله يعين
     
  17. w_e_e_b

    w_e_e_b عضو نشط

    التسجيل:
    ‏18 يونيو 2008
    المشاركات:
    247
    عدد الإعجابات:
    0
    الحراميه وايد انا صارلي نفس الموضوع وطرحت الموضوع بالمنتدى وناس كفروني وفي ناس ايدوني
    وفي ناس نفس موضوع حاشهم رحت وشتكيت ولا حياة لمن تنادي الخساره بالعمر الله كريم
     
حالة الموضوع:
مغلق