قالها ناصر الخرافى

[ابن عمار]

ازمة 2010 راح تصير اصعب من ازمة 2009 وياغافلين لكم الله

 

[Cozmo]

اي والله قالها
وما جذب فيها

 

[الوافي ابو محمد]

شيقول ماخرب السوق إلا التجار

 

[ابن عمار]

ههههههههههههههههههههههه

شيقول ماخرب السوق إلا التجار

ابومحمد انت ما تدرى ان اهل مكه ادرى بشعابها خلها على الله

 

[alzeeer]

ازمة 2010 راح تصير اصعب من ازمة 2009 وياغافلين لكم الله

يفترض الخرافي يعلن افلاسه لو البنك المركزي فيه خير بس ما يقدر عليه ياكله اكل

وبعدين اذيتونا الخرافي والخرافي انا بعرف وين الحكومة ليش تخلي شخصية واحدة هي الي ادير الاقتصاد الكويتي سواء في البورصة ولا المشاريع التي تعطي عبر لجنة المناقصات ولا هي مرحلة تكسير عظم ومداس في بطون التجار والضحية نحن​

 

[سهمك اخضر]

اذكروا الله الوضع عادي جدا"


وراح يتعدل تفائلوا خير

 

["عابر سبيل"]

ازمة 2010 راح تصير اصعب من ازمة 2009 وياغافلين لكم الله

صج قالها وحذا منكم الزين ب 860

وباعة عليكم ب 1420 ​

​

 

[سهمك اخضر]

صج قالها وحذا منكم الزين ب 860

وباعة عليكم ب 1420 ​

​

حذا مال الخيل

 

[الطير القطامي]

ياأخوان اذكرو الله الموضوع اكبر من الخرافي وغير الخرافي

في ازمه ماليه عالميه لازالت مستمره وتأثيرها على الاسواق نسبي من

سوق لسوق,,, الاقتصادات العربيه والخليجيه للاسف هشه والسبب الاكبر

في ذالك يعود الى ان الشعوب الخليجيه بالغالب شعوب استهلاكيه وغير

منتجه ايضآ نظام الاقتصاد الشمولي اللي تنتهجه الحكومات العربيه واللي

يسبب تركز الثروات بأيدي قله قليله من اللي يكون لهم علاقات ونفوذ مع

السلطه ,,,فالموضوع كبير والله المستعان

 

[هناء محمد]

اللة المستعان يعنا على الى احنا فية

 

[nawaf52]

ياأخوان اذكرو الله الموضوع اكبر من الخرافي وغير الخرافي

في ازمه ماليه عالميه لازالت مستمره وتأثيرها على الاسواق نسبي من

سوق لسوق,,, الاقتصادات العربيه والخليجيه للاسف هشه والسبب الاكبر

في ذالك يعود الى ان الشعوب الخليجيه بالغالب شعوب استهلاكيه وغير

منتجه ايضآ نظام الاقتصاد الشمولي اللي تنتهجه الحكومات العربيه واللي

يسبب تركز الثروات بأيدي قله قليله من اللي يكون لهم علاقات ونفوذ مع

السلطه ,,,فالموضوع كبير والله المستعان

ليش وقت نزول الاسواق يتأثر سوقنا ووقت التفائل نشوف سوقنا خامل ؟

 

[Trillion]

الأزمه عندنا ما راح تنتهي لا بــ 2010 ولا 2020 بدام ماكو قوانين وله فيه شفايفه وبدام كبير

حاط عينه على الفلوس الصغير والعكس راح يظل الوضع جذي اذا تحسن ما راح يرد مثل ايام اول

الله المستعان

شكرا

 

[ابن عمار]

ليش الى الحين ماتدرى

ليش وقت نزول الاسواق يتأثر سوقنا ووقت التفائل نشوف سوقنا خامل ؟

ليش الى الحين ماتدرى ان سوقنا شلونك كيف حالك يعنى (الله بالخير )

 

[ابن عمير]

لم ينتهى العام لكي نحكم على صحه مقولة العم ناصر الخرافي ...

يغير الله من حال الى حال .....

 

[alani60600]

عليه بالعافيه
هو كان يبيع زين 1440 والمحفضه تشتري
وكان يشتري 820 والمحفضه عليه تقط
ويرد يبيع 1440 والمحفضه تشتري وكرر المساله
وبخصوص الازمه
هذا شي طبيعي
مثال
شركة المرافق خسرانه
ليش لان الشركه
مولاقيه احد يصفط سيارته بالمصافط
وشركات ثانيه مثلها

 

[خالد يوسف q8]

ياجماعه
الخرافي مايعلم الغيب. ولايدري شراح يصير هو قاعد يشوف شركاته تنزل ومرات بالحد الادنى ولايقدر يسوي شي
بس شاطر بتصريحات عشان يدفع الحكومه للخصخصه وحاط عينه بس على المناقصات الي ياخذها ولا يخلصها والمشاريع الي ياخذها ولا يخلصها والمشاكل الي فيها مثل استاذ جابر. بس شاطر يبني المنتجعات في الخارج الي بعضها توهق فيها مثل بورت غالب وديرته مايعرف الا هات. هات. هات. مافي مره خذي يالكويت. حتى لو بالغلط بعدين شنو سر. في صعود ثروت الخرافي من 2001. الى الحين. تضاعفت اضعاف. بس ماقول الا الله يرحم شيخ جابر

 

[ابن عمار]

هههههههههههههههه

لم ينتهى العام لكي نحكم على صحه مقولة العم ناصر الخرافي ...

يغير الله من حال الى حال .....

العم ابو ناصر ينصر دينك يابو عمير حلوه العم ليته يعطيك دينار من حلاله

 

[weld.q8]

تجارنه لوفعلا تجار جان ناطحو التجار الي مثلهم بره الي نفس مستواهم مو بس على الفقير المسكين ...تجار الكويت اهل قبل مو الحين نفس المنتحب عايشين على صيت قبل والتجار نفس الشي عايشين على سمعه قبل.

 

[ابن عمير]

العم ابو ناصر ينصر دينك يابو عمير حلوه العم ليته يعطيك دينار من حلاله

الله يغنيني ويغنيك ويغنيه ...
لو يعطيني ماراح آخذ ...








رجل عصامي ..

 

[ابن عمار]

بيض الله وجهك يابو عمير

الله يغنيني ويغنيك ويغنيه ...
لو يعطيني ماراح آخذ ...







رجل عصامي ..

بيض الله وجهك يابو عمير